أحببت تلميذتي المشاكسه

part 5

السلام عليكم

هلو حبايبي شونكم نزلت البارت الأول من القصه الجديدة روحو شوفو قدر النور وانشاءالله التنزيل من تخلص هاي الروايه

أحببت تلميذتي المشاكسه
البارت الخامس
بقلم :ايه القيسي

تلومني الدنيا إذا أحببتُه كأني أنا خلقت الحب واخترعته كأنني على خدود الورد قد رسمته كأنّني أنا التي للطير في السماء قد علمته وفي حقول القمح قد زرعته وفي مياه البحر قد ذوّبته كأنني أنا التي كالقمر الجميل في السماء قد علّقته تلومني الدنيا إذا سمّيت من أحب أو ذكرتُه كأنني أنا الهوى
 
.
.
.
.
.
.
ايات : دخلت اني وداليا للبيت بعد ما ودعنا محمد وحيدر ويقين اتفاجأنا بوجود خوالي 2 وعوائلهم سلمنا عليهم بس اني ضجت لان ابن خالي المزعج جاي وياهم اسمه احمد ورا ما سلمنا صعدنا فوك كل وحدة على غرفتها بدلت ونزلت لكيت داليا هم نازله تفاجأت كلت بعدين اسألها رحت على المطبخ وبلشنا نصب الغده صبينا وحطينا سفرة طويله وحطينا عليها الأكل واحمد ابد ما شال عينه عني بس ثولته
هسه هوه راح يعرفكم عن نفسه
.
.
.
أحمد : هلو اني احمد ابن خال آيات عمري 25 سنه موظف بالكهرباء احب آيات من جنا صغار بس هيه احسها تتهرب مني حاولت اعترفلها بحبي الها بس من اجي حتى اكوللها تعوفني وتروح ابوية كال انو خالد مسوي حادث وراح نروح احنا وعمي عليه حتى نتحمدلله بالسلامه من وصلنا ما لكيناهن هيه وداليا شوية وطبن اجن من المدرسه سلمن بس حسيتها ضاجت من شافتني كلت اليوم لازم احاول احجي وياها حتى اشوف شنو ردها صبو الغده تغدينا و ضلينا للعصر حاولت بهاي الفترة احجي معاها بس ضلت معا البنات ما كعدت وحدها رحنا وكلت بعدين احاجيها

آيات : راحو خوالي واني ضليت يم البنات اعرفه احمد يريد يحجي معاي لأن مبين من وجهه ونظراته 
راحو وصعدت فوك درست شوية وقريت للإمتحان لأن حمودي حبيبي راح يمتحنا امتحان يومي باجر صارت بالخمسة العصر نزلت وكلت لماما اريد اروح على يقين كالت

وداد : عادي روحي بس  لا تتأخرين نص ساعه وتعالي

آيات: اي ماماتي داليا جانت كاعده من جبت طاري اني اريد اروح من ماما كالت اي عادي روحي هيه كالت عالسريع ومبتسمه

داليا : ماما عفيه خلي اروح ويه آيات

آيات : باوعت على داليا رفعتلها حاجب وابتسمت

وداد : اي حبيبتي روحي معا آيات بس لا تتأخرن ماشي

آيات : اي ماما ورحنا على بيت عمو ابو حيدر دكينا الباب وطلع ....

نروح لبيت يقين شصار

محمد : تغدينا وصعدت نمت شوية ومن كعدت سبحت ونزلت شربنا جاي اني وحيدر وابو حيدر و ام حيدر يقين جانت بالمطبخ سألت

محمد : يقين شنو  تسوي

ام حيدر : آيات راح تجي و تسوي كيكه علمود عصريه الهن