هاي تشبه آيات هيه بطلت القصه☝ ويلي بغلاف القصه تشبيه محمد بطل القصه
القصه خياليه
أحببت تلميذتي المشاكسه
السلام عليكم
حبايبي شونكم رمضان كريم ينعاد علينا وعليكم بالصحة والسلامة يارب راح أبدي معاكم بقصه جديدة اول قصة إليه وراح اكتب الكم مقتطف من القصه و القصه خياليه اني تخيلتها وكتبتها ادعموها للقصه حتى استمر بالكتابه
.
.
.
المقتطف
داليا : فتحت اعيوني عله رشات مي بوجهي وصديقاتي ملتمات علي صحصحت شوي بس الدوخه بعدهه بيه مادخلت محاضرا وبقت يمي وحده من صديقاتي كالت خلي ناخذج لمختبار مقابيل بالمجمع الطبي المقابيل للجامعه انسويلج تحاليل وافقت لان ما اريد حيدر يعرف بوكعتي ويخليني اسبوع ما ادوم رحنه اني وياهه وكلت ارجع قبل لا يجي الخط وصلنه للمختبر وسحبو مني دم وسويت كل التحاليل كالت باجر تعالي اخذيهم طلعنه ورجعت للجامعه بعد ما شتريت مسكنات من الصيدليه
اجه الخط ورجعت للبيت كان حيدر ماراجع لسه سبحت وبدلت ولبست اتراك بيتي ونزلت اني وحنان جهزنه غده النه عمو وخاله نايمين كعدنه ناكل وندردش دخل حيدر باوعلي وبتسم
حيدر: شلونكم شبابة
حنان وداليا : هلوو بيك
حيدر : اوف شنو تاكلون رتبولي صحن ابدل واجي لان جوعان
داليا : كمت صبيتله ماعون شويه ونزل سابح ومبدل وكعد ويانه ياكل ويسولف اباوعله وصفنت بي شعرا الرطب نازل عله وجهه ضحكت حركاته اباوعله وكانو اول مرا اشوفه وما جاي اشبع منه نبهلي وعقد حاجبه ببتسامه
حيدر: شبيج
داليا : هاا لا مابيه
حيدر: اشوفج صافنه
داليا: بتسمت يعني ما يصير اصفن
حيدر: هههه لا براحتج بس تدرين بيه ما اتحمل كل هاي النظرات
داليا : بتسمت بخجل من كلامه وحنان صافنه علينه هههههه خلصنه غده وهوا صعد واني عزلت الطاوله وصعدت ورا امدد عله السرير وخال ايده عله عيونه يمكن نايم واني همات نعسانه طفت الضوا ورحت نمت عله الجهه الثانيه بصفه واباوعله شلون نايم دار وجهه علي جفلت ردت ادو سحبني بسرعه الحضنه وكال
حيدر ؛ شبيج اليوم احسج مريضه عيونج ذابله
داليا : ي شويه مصدعه نضراته تحولت الخوف
حيدر : ليش حتاجين مستشفى
داليا : لاا شبيك هسه انام واصير زينه ..لمني بحضنه حيل... احس هواي عليه هاذ الحب
حيدر : يالله نامي حته نتعشه برا الليله
داليا: ماشي دفنت راسي بصدرا وغفيت بس بحضنه احس بالامان
محمد: شبي الحلو صار سبوع مطنكر ماعاجبتج الجامعه
ايان : كتله بغيض لا كلش حلوا وخاصه استاذ محمد يمه فدوا جكد كيوت ينكرط كرط خو الشخصيه والكلام اويلي
محمد : ههههههههههاي عله يوم الكاج متكافشه انتي وياهن
ايان : تضحك مو عاجبك الوضع
محمد : ههههههه لا عاجبتني غيرتج
ايان : وراح تعجبك اكثر من اسحلهن بالقسم
محمد : لا والج تفضحينه اني عندي الحل
ايان : وشنو بالله تترك الجامعه
محمد : هههههه لهل درجه ترديني اترك الدوام
ايان : والله اسئل نفسك طالب كلي صباح الخير تريد تسوي بي فصل لو حرام علي وحلال عليك
محمد : سدي الموضوع لاتذكريني بهاذ العار ويالله نامي باجر وراج دوام
ايان: تصبح عله خير
محمد : حبيبي ..يكولون تصبح عله خير حبيبي
ايان : تصبح عله خير ستاذ
محمد : هههه يعني مصرا وانتي بالف خير طالبتي الحلوا
ايان : بتسمت اني كلبي محترك وهوا مكيف صاير حديث القسم بين الطالبات واني اروح وارجع عله اعصابي يتغزلن بي كدامي ثاني يوم كلت الهه احرك دمه لبست بنطرون وجاكيت طويل واهم شي كعب حتهاطول شوي وخليت كحل وحمرا طوخ واعرفهه راح تنمسح دك محمد عود نزلي نزلت وطلعتله كاشخه فول كاعد بالسياره من شافني نزل وعيونه ناطه وتتفحص
كتله .... صباح الخير
محمد : صباح الضيم عله راسي خير ست ايان شنو هاي الاناقه اليوم
ايان: شنو قصدك اني يوميه مو انيقه ... فرك وجهه بيده وكال
محمد: مو قصدي لاتغيرين الموضوع
ايان : محمد لاتسوي مشكله عله الفاضي رتبت نفسي شوي مايصير
محمد: شوووي
ايان : سكتت وهوا طلع منديل من جيبه وسحب ايدي وخلا بيهه ومشه للسياره وهوا يكول
محمد : مسحي مكياجج
ايان : كعدت يمه وطلعت امرايه وصرت اخفف بالحمرا وجهه غيم وكل شوي ينطيني نضرا خلصت محمد : والكحله هم
ايان : اووووف باوعلي بخزرا لان تافئفت يقين تكرص بيه وتضحك وصلناهه القسمهه وانزلنه بالكراج مال قسمنه دائما اني امشي كدامه ما نفوت سوا لان ماجنت رايده علاقتنه تنعرف بين الطلاب وصلت الباب القسم جاي ادخل وما احس غير ايديه عانقت ايدي
باوعتله متفاجئه
ايان : شبيج تباوعيلي هيج مو كاشخه خلي اتكشخ بيج لعد وتباهه بجمال خطيبتي
ايان : سحبني من ايدي ورا واني ميته خجل لان الطلاب كلهه تباوع علينه بصدمه حته اليسولف سكت ماتركني لحد ما وصلنه للاداره واني تركت ايده ورحت للقاعه مالتي
.
.
.
.
إلى هنا نهاية المقتطف انشاءالله يعجبكم لاتنسون التصويت والتعليق والنشر انشاءالله بعد رمضان يمكن بالعيد لأن كلكم تعرفون رمضان شهر العباده فما أكدر لاتنسون تحطون القصه بالمكتبة عفيه صوتو لأن أهم شي التصويت وسوو تاكات الاصدقائكم بالواتباد يقروها وبدون غلط
وبس باي احبكم
عدد الكلمات 780
أنت تقرأ
أحببت تلميذتي المشاكسه
Romanceتلميذه كسولة تقع في حب مدرس لها وهوه أيضا يقع في حبها ماذا تتوقعون سيحدث هل ينجمعان ام لا
