ملك / كعدت ثاني يوم الساعه 5 مثل كل مره اخذت شور ولبست دشداشه تركوازي ويصير صدرها مربع وبي نقشات سود و بيها فيونكه من الضهر لبست عليها شال اسود و وحطيت كحل وفونديشن و روج وردي وخطيت حاجبي و خليت بلاشر وحطيت مسكاره و عطر وعدلت شالي ونزلت رحت نضفت البيت لل7 شويت ريوك ونزلت رزان
رزان/ يمه شنو هل جمال اللهم صلي على محمد وال ومحمد الله يساعدك يمازن على هيج جمال
ملك بخجل/ تسلمين
حضرنه الريوك ونزلو وعمتي كعدت اتصلي على محمد وال محمد و وتريكنه وكال مازن
مازن/ ملك حضري نفسج حتى نروح للمحكمه
ملك/ حاضر
ردت اشيل لماعين وخرعتني أزل
أزل/ لسوين شي روحي حضري نفسج عوفي اني ورزان نكمل
ملك/ بكيفكم
رحت لغرفتي بدلت فستان لون بصلي وبي نقشات ورد
لون نيلي مست ولبست عليها شال لون بصلي وبي نقشات نيليه ولبست حذاء تكرمون شويه بي علو لون بصلي و حطيت عطروعزلت شويه بلغرفه ونزلت لكيت مازن توه نازل شافني نزلت ضل صافن عليه
ملك/ خلصت
مازن وهوه طلع من صفنته/ يلا
رحنى للسياره أول مره اطلع ويا بوحدنه رحنى للمحكمه وخابر على صديقه حتى يشهدلنه نزلنه وسوولنه تحاليل دم شويه وطلعت لتحاليل سالمه ورحنى للقاضي وعقدنه و باركلنه صديقه لمازن
وطلعنى للبيت وصلنه عمتي هلهلت و طشت جكليت
وباركولنهرحت لغرفتي اخذت شور ولبست دشداشه بنفسجي وبيها نقشات سوده و خليت نفس مكياجي
و رفعت شعري ذيل حصان خليت الشال على كتفي لأن حماي معزوم عل غده يم صديقه حطيت عطر ونزلت
ردت اياعدهم بلغدوه ومالت عمتي
أم مازن/ عوفي الغده هسه انتي عروس تروحين لغرفتج تلمين شكو شي بغرفتج وتروحين تصفطيها بغرفت مازن انتي وأزل مفهوم
ملك/ حاضر
رحنى اني وازل مازن جان كاعد بغرفت الجلوس رحنى لغرفتي طلعت جنطي الي جيت بيهن لميت شكو شي الي بيها ورحنى لغرفت مازن جانت تجنن فتحت الكنتور جان أمفرغلي خانتين صفطت هدومي اني وأزل ورحت خليت مكياجي وعطوري عل ميز تواليت
و عزلت الغرفه شويه وفات مازن وكعد عل جربايه جنت داصفط لمكياج وستئذنت أزل وطلعت
مازن/ شلونج
ملك/ زينه لحمدلله انته شلونك
مازن/ الحمدلله زين أي انشالله ترتاحين بغرفتنا
ملك/ انشالله
شويه وندك الباب جانت أزل جايبه صينيت الغرده جانت برياني وفوكاه دجاجه شوي ومقبلات و بطل لابن وكلاصين خلتها عل ميز وطلعت
مازن/ تعاي تغدي
ملك/ أي
رحت كعدت اتغده ويا
مازن/ كبري لكمتج عبالك مال عصافير
ملك/ هيه هاي طريقتي بلأكل
خلصنه غده ونزلت لماعين وصعدت لكيت مازن ديحجي بلتلفون علمود مشيت الزلم بل4 أصير وهسه الساعه 2 خلص حجي وكال
مازن/ ملك بعد ساعتين تصير الكعده اريد كلشي جاهز وريد ضيافه معدله تنرفع الراس
ملك/ انشالله راسك دوم مرفوع و الضيافه جاهزه بس نقدم
مازن/ لعد راح انام بل3 كعديني
ملك/ حاضر
نام مازن واني حتاريت شسوي شغلت التلفزيون ونصيته وكعدت اباوع فلم أيكشن لل3 طفيت التلفزيون ورحت كعدت مازن
مازن/ ملك حضريلي دشداشه لبيضه و ليشماخ لسود ولبيض و محابسي ولعباة
ملك/ حاضر
راح فات يسبح حضرت هدومه و صاحتني رزان اساعدهم كلت لمازن وهوه بلحمام راح انزل
نزلت لكيتهن مخبوصات سعدتهن لل4 وشويه جوي الزلم وستقبلوهم مازن وقيصر وبدينه بلضيافه و صارت الكعده وراحو بل5 ونص رحنى نضفنى المضيف وغسلنه لماعين ورتبنه المطبخ لل7 صاحتني عمتي
أم مازن/ عوفي البيدج انتي ورزان وصعدو نضفي جسمج اني وأزل انكمل الباقي
ملك/ حاضر يمه
رحنى صعدنه لغرفتي القديمه جابت رزان الشيره وبدت اسويلي وكل ساعه اكمز الما خلصتني لل8 ونص
رحت اخذت شور ولبست دشداشه مارونيه و طلعت حتى منشفت شعري جرتني رزان لغرفتنا ونطتني سيت نوم ابيض ايصير للركبه وبي روب تول ابيض لبسته واني مستحيه من نفسي و علمتني رزان شسوي عدها جرئه واني ضعت بهدومي من الخجل خلتلي مكياج عروس كامل وردي و بس كوت شعري صار ايجنن و صبغت اضافري احمر و هنه طوال عبالك اصطناعيه
طلعت نسخه ثانيه من باربي لل9 فات مازن وضل صافن بيه وكصني كص من فوك ليجوه طلعت رزان شويه وجابولنه العشى كباب شوي و تكه و مقبلات وببسي كعدنه نتعشى واني مستحيه بلكوه اكل صلنه عشى وخذو الصينيه نزلوها و تقربلي مازن وكال
مازن/ مملك اريد اعترفلج بشي قبل مصيرين مرتي
ملك/ كول
مازن/ ملك اني احبج من اول يوم شفتج دخلتي كلبي بدون استئذان
ملك/ واني هم
مازن/ شنو انتي هم دكوليها عاد مو صمتي جدي
ملك/ اني هم أحبك
مازن/ يبو اشتعلت عشيرتي نار ونفط يمه اخرب وتكهرب
وخذني وصرت مرته قلبآ وقالبآ
كعدنه ثاني يوم واني بحضنه وميته خجل بلكوه جريت نفسي من حضنه رحت سبحت و لبست دشداشه أوف وبيها نقشات ذهبيه وحزام ذهبي وايت وخليت مكياج خفيف وهادء و سويت شعري كبه و ولبست شال ذهبي وحطيت عطر وحضرت هدوم لمازن
وكعدته بلكوه كعد
مازن/ صباح الخير ملوكتي
ملك بصدمه/ صباح النور
مازن/ حضرتيلي هدوم
ملك/ أي جاهزه
مازن/ لعد انتضريني اخذ شور وننزل سوه
ملك/ حاضر
راح ياخذ شور وعزلت الغرفه جنت داسوي لحاف الجربايه وطلع لاف الخاولي على جسمه طالع بس صدره جان عنده عضلات يمه اني شفته كبل درت وجهي
مازن/ لتستحين انتي مرتي مو حرام تباعيلي
ملك/ حاضر بدل هدومه واني اشغل نفسي حتى ماباوعله حط عطر وكال
مازن/ يلا حبيبتي خل ننزل وجيبي النيشان أمي تكرع راسي اذه مخليته بيدها
ملك بشويت خجل/ أي حاضر
نزلنه و انطيت لعمتي النيشان وهلهلت وباركتلنه ورحنى تريكنه اني ومازن لان همه متريكين قبلنه راح مازن وقيصر لشغلهم
مرت الاشهر واني كمت اعشق شي اسمه مازن وهوه طلع عيني بوكاحته جنه نسوي غده هبيط يمه اني شفت الحم و بطني كامت تكلب كبل ركضت للحمامات
تقيئت تكرمون طلعت وصارت عمتي ورزان كدامي
أم مازن/ يمه شبيج بنتي اشو وجهج صار اصفر
رزان خلي مازن ياخذها للمستشفى
اجى مازن وشاف وجهي وحجوله وكال
مازن بقلق/ روحي ملك بدلي خلي اخذج للمستشفى
ملك/ لا مابي.. و غمى عليه كعدت واني بلمسشتفى و مازن اجى يمي وشفت الخوف ولقلق بعيونه
مازن/ ها حبيتي شتحسن
ملك/ دوخه قويه
مازن/ هسه تجي الدكتوره وننطمن
كعدت عدل شويه وطبت الدكتوره تبتسم
الدكتوره/ أنته زوجها
مازن/ أي ليش
الدكتوره/ مبروك زوجتك حامل بشهر الثاني
مازن/ الله يبارك بيج مبروك يا احلا أم بنضري
ملك/ الله بيارك بيك
الدكتوره/ بس لازم راحه تامه لشهرين لأن الجنين ضعيف
مازن/ انشالله دكتور
كتبت الدكتوره مقويات للحمل و طلعنى للصيدله جاب مازن العلاج وتوجهنى للبيت و كلنه الهم وعمتي هلهلت وباركولنه و صعدت لغرفتنه اني ومازن نزعت عباتي و
مدتت يم مازن
ملك/ حبيبي اذه اجى ولد شسمي وذه بنيه شسميها
مازن/ ليجي من الله حياه الله اذه ولد صكر وذه بنيه حنين
ملك/ زين وشمعنى صكر
مازن/ لأن لوادم اصيحلي ابو صكر فميصير اغيره
ملك/ حلو اسمه
نمنه ثنينه لل5 كعدت لكيت مازن نازل كمت عدلت شالي ونزلت لكيته ديتغده خطيه من الخرعه مئكل
رحت كعدت يمه هم جوعانه جنت وكل اشويه اتحارش بي من جوه الطاوله وهوه هم يتحارش خلصنه اكل وديت لماعين للمطبخ غسلتهن و صبيت جاي و كيك لمازن وللبياقين وكعدت يم مازن و يحجون عن زواج أزل بعد سبوع
ومرت الأيام وجى عرس ازل لبست فستان ماروني و مزخرف بسود وشال اسود ومكياج هادئ و حذاء تكرمون فلات اسود و جنطه مارونيه و حطيت عطر ونزلت شويه وجتي الزفه و زفيناهم للقاعه وصارت مراسيم الزواج وزفيناهم لبيت عم مازن ورجعنى جان البيت فاهي بدون ازل من كالو شمعت البيت صعدت اخذت شور ولبست دشداشه خفيفه وقصيره و مسحت بقايه الميك اب و عزلت الغرفه وفات مازن اخذ شور ولبس تراك و نمنه
كعدنه ثاني يوم نفس الروتين ومرت الأيام وصرت بشهر الخامس وحللت طلع ولد وبنيه وكلش فرحت ومرت الأيام وصرت بشهري صارت بطني لي خشمي
نايمين الساعه 3 حسيت بوجع كلت ايجوز اعراض حمل لل3 ونص متحملت وكعدت مازن كام مخروع
مازن/ ها ملك شبيج ايئذيج شي
ملك/ كوم راح اموت من الوجع كعد عمتي
راح مازن كعد عمتي وعمتي كعدت رزان جني ساعدني
رحنى للمستشفى و قبل لافوت غرفت العمليات حجيت ويا مازن
ملك/ مازن اذه متت أطفالنه بركبتك وذه أزوجت اذبحك واني بلكبر
مازن/ انجبي يومي قبل يومج و عمري ماراح ابدلج
قتت غرفت العمليات وجبت بعد عناء طويل و وجع
كبل صارت الدنيه سوده بعيوني وسمعت اخر شي الممرضات يتراكضن ورحت لغير عالم
¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥
مازن/ ودينه ملك للمستشفى وكال الفوك وفوتوها الغرفت العمليات ساعه ونص صارو الممرضات يتراكضن و سمعت وحده من الممرضات كالت راح نفقد المريضه اني سمعت هيج وتخبلت كمت ادعي ربي يطلعها الي بخير وسلامه حتى اطفالي ماريدهم بس هيه ونذرت اذه اصير زينه اذبح 3 خرفان و أوزعها للفقرأء لحمايه متدخل لبيتي شويه وطلعو ملك لغرفت العنايه المشدده كالو دخلت بغيبوبه احتمال اطول وحتمال لا اخذو جهالي للغرفة الاطفال الزجاجيه يعتنون بيهم و شفت ملكت كلبي مشدده بل اجهزه من كل مكان انكسر كلبي عليها الولد ولبنيه سميتهم صكر وحنين مر شهر وسبوع وملك بعدها بلغيبوبه وكل يوميه اروح اطمن عليها جهالي أمي ورزان عتنو بيهم
رحت اطمن عليها لزمت ايدها وحجي وياها شويه وحست ايدها تحركت وجفونها كامت تفتح وتغمض كبل صحت الدكتوره جتي فحصتها وكالت كلش زينه بس يعتازلها عنايه وراحه وتكدر اطلعها
مازن/ اشكرج جزيل الشكر
الدكتوره/ ولو هاذه واجبي
وقعت على ورقت الخروج و خابرت قيصر و كلته يحضر 3 خرفان على سلامتها لملك اخذت ملك ورحنى للبيت وذبحو الخرفان جوه رجلين ملك و طشت جكليت أمي وهلهلن على سلامت ملك
_______________________________________
ملك/ جنت اسمع حجي مازن كل مره من يجي بس اخر مره حاولت بكل قوتي وتحركت و فتحت عيوني جانن ذكيلات جتي الدكتوره وفحصتني و رحنى للبيت صار الحجي الفوك واني متشوقه اشوف جهالي فتت لغرفتي جانو مخلين كاروكين واحد لصكر ولثاني لحنين رحت شلت أول شي صكر و بسته و شلت حنين وهمين بستها رحت اخذت شور ولبست دشداذه خفيفه واني ميته تعب رحت مشطت ونمت شويه وحسيت حركه يمي عرفت مازن خلاني بحضنه ونمنه ثنينه
