عشگ الضابط أمير

البارت الثامن عشر

نام بأاحضان التحبة ولاتگوم &
تدري حضن البي وفه شگد دافي &
حتئ لو صاحوك چنك مادريت &
طگه صفنه وسوي روحك غافي &
💢💢💢💢💢💢💢💢💢💢
إيه؛ بعد مرور أسبوع أمير التحق صارلة ٣ايام واني اداوم بس كلش ضايجة من الجامعة بس الغثة مصطفى معتقني گتلة مزوجة بس الحقير مصر احبج واحبج من حبتة حية گبر شگد اكره واني دائما اتجنبة بس هوه لازگ حتى القاعة مالتي غيرتة ولحگني گلت اذا ضل هيج لازم اگول ل أمير وهوه يتصرف لاانوب يوصله حجي منا منا واني اطيح بيه....اليوم عمتي عازمة ام دانيال وخواتة ع الغداء لان صارلهم يومين من انتقلو هنا وعمتي گالت لازم اعزمهم ع الغداء عشرت عمر احنة وياهم..... اي عمة نازلة...لفيت الحجاب ورشيت عطر ونزلت لگيتهم گاعدين بالصالة...رحت سلمت عليهن فدوة شگد حبيتهن دمهن حلو مبينات من سلامهن گعدت بصف عمتي
ام دانيال؛ ام أمير منوهل الحلوة هاي اول مره اشوفة
ام أمير؛ هاي مرت أمير.. وتصير بت حماي محمد
ام دانيال؛ مشاءالله الله يحفظة لايگتلة
إيه؛ تسلمين خالة..... صبينة الغداء ونظفنة المطبخ
نور؛ اني راح اخذ الجاي وانتن تعالن وراي خل نتعرف ع البنات مبينات حبابات
فاطمة؛ اوك اصلا خلصنة
إيه؛ گعدنة يم البنات وبدينة الاستجواب هنه اثنين روئ و ريم.... اي بنات سولفن عن حياتجن شگد عمرجن وشنو درسن
ريم؛ احم اني ريم عمري ٢٢ ومخطوبة
إيه؛ حلو وخطيبج گرايب لو غريب
ريم؛ غريب وياي بالجامعة واني أدرس آداب انگليزي وهوه حاليا دايكمل ماستر
إيه؛ اهمم حبيت وانتي روئ
روئ؛ اني عمري ٢٠ وادرس لغات
نور؛ ياي نفسي يعني راح نصير صديقات اوف احلى صدفة وربي
إيه؛ ع كيفج ولج
نور؛ هههه شبيج مكيفة وأخيرا لگيت صديقة وياي وقريبة ع بيتنة هم نروح ونرجع سوه
فاطمة؛ اي وأخيرا نخلص منج يعني بالبيت وبالجامعة ميصير تره
نور؛ عاد اني ميتة عليجن 😒
فاطمة؛ ههههه لاتضوجين نشاقة انتي الأصل عيني
نور؛ احم طبعا الأصل 😌
ريم؛ هههههه والله دمج حلو حبيتج
إيه؛ وبعد راح تحبينة اكثر من تشوفين خبالاتة
نور؛ شهادة اعتز بيه 😌
إلكل؛ هههههههه..............
...........................
نور؛ يعني شنو اليوم اثنينجن مداومن
إيه؛ ايوا نعم
نور؛ وعلا يعني اداوم وحدي
فاطمة؛ شبيج قابل راح تنوكلين
نور؛ اوف ممتعودة والله لو ماعندي امتحان اصلا مااداوم
ايه؛ يعني قابل بمزاجنة منداوم اني عندي امتحان وأريد اقرة وفطوم ماله خلگ
نور؛ اوف واله اثنينجن
إيه؛ يمعودة شبيج قابل جاهلة
نور؛ ماشي ماشي فهمت اروح ابدل احسلي... مشيت واني ادردم عابت عافني وحدي 😭بدلت لبست فستان محجبات تركوازي وكعب ومكياج خفيف وأخذت الكتب وطلعت وصلت للجامعة وأخذت محاضرات ورجعت وگفت بالباب مالتنة لگيت ابو سالم موجود يباوع صفح وگفت يمة گتلة هلو عموو شبيك ضايج
ابو سالم؛ سلامتج ماكو شي شو اليوم وحدج
نور؛ اي والله عمي هذني دگن بيه الناقصة وعافني وحدي اليوم بسيطة اني اعلمهن
ابو سالم؛ اي ماخذة راحتج اليوم
نور؛ هاعمو بدينة بالبسامير هاك شوف لبسي شبي مستور ماكو داعي تنطي تقرير ل أمير وضليت افتر علمود يشوف ملابسي وفجأة اشوف دانيال واگف وراي ويضحك يمةة فد فشلت فشلة انوب ماخذة راحتي وافتر يبوو صرت طماطة.. أخير شي حترمت نفسي ودخلت ركض.....واسمع احمد دخلة للاستقبال.....
إيه؛ الله يساعدج
نور؛ هلا ويساعدج
إيه؛ شلون يومج بدونة
نور؛ تدرن اكتشفت شغلة مهمه
إيه؛ وهيه
نور؛ انو انتن حقيرات وماعندجن ذرة رحمة تعوفني وحدي اليوم بس بسيطة
إيه؛ مشت وعافتني هههه صدگ خبلة ههههه.........
فاطمة؛ يا يا شبيج ترگعين فلشتي الكنتور
نور؛ ازعجنة حضرتج نعتذر
فاطمة؛ لا انتي مو طبيعية شبيج ولج
نور؛ ماكو شي نازلة اتسمم
فاطمة؛ ثبت علينة العقل نزلت وراه...
إيه؛ ولج هاي شبية اليوم شاخطة
فاطمة؛ شمدريني دخلت ترگع ومطايقة أحد
إيه؛ هههه گامن خبالاتة عوفية لاتحاجينة هية وحدة طخ وترجع
فاطمة؛ حافظتة هسة ساعتين وترجع كلشي مبية كانو شيئا لم يكن............
َ............ .
نور؛ گاعدات بدوني عيني
إيه؛ شمدرينة غير انتي متتحاجين
نور؛ مابية شي بس جنت شوية ضايجة
فاطمة؛ خير صاير شي
نور؛ لا مصاير شي بس ضجت اليوم بدونجن......
....................
إيه؛ خلصت المحاضرة وطلعت للحديقة البنات منتضراتني جاي امشي وصار بوجهي الغثة.... خير شرايد
مصطفى؛ تو تو ليش متنرفزة.. ضحكي خل نشوف ضحكتج الترد الروح
إيه؛ احترم نفسك احسلك لا والله متشوف خير فهمت....
مصطفى؛ ليش مترديني والله احبج ومستعد انتضرج تطلگين
إيه؛ انته شبيك ياطلاگ اني احب زوجي ومستحيل افكر مجرد فكرة انفصل عنة وانته ولاشي بالنسبة الي ووخر من طريقي لا والله العظيم تشوف شي ميعجبك....اشو هذا لزم ايدي قووي اريد افلتة ماكو..عوفني حقير وخر إيدك
مصطفى؛ اعصابج هاي عفت ايدج بس مستحيل اعوفج
إيه؛ مشيت بسرعة ونزلن دموعي رحت للحمام غسلت ايدي كلش احس خنت أمير احساس غريب انو غيره يلزمني مسحت دموعي وطلعت للحديقة وقررت مااداوم منا لمن يجي أمير واگولة مستحيل اتحمل بعد بس خايفة أمير ميتفاهم وينگلب وحش واخاف كلشي يسوي بي مااستبعد يخنگة ويموتة والله دخت يربي ساعدني گلت خل احجي للبنات وهنه يساعدني.....
فاطمة؛ ايه وضعج ابد معاجبني وشبيه عيونج حمر
إيه؛ فاطمة راح اختنگ والله وضليت ابجي
نور؛ ولج شبيج احجي
إيه؛ حجتلهن كلشي وبقن صافنات.... الگلي حل والله انسطرت حتى فكرت اترك الجامعة
فاطمة؛ لا شنو اتركين الجامعة علمود هذا الحقير
نور؛ والله برائي تگولين ل أمير وهوه يصرف خاف يسمع من غيرج وهوه عندة هواي عرف هنا وتنگلب عليج وتعرفين أمير من يصير عصبي ميتفاهم ابد ابد
فاطمة؛ واني برائي هيج واذا ع هذا الحقير يستاهل كلشي يسوي بي
إيه؛ ااا يعني اگولة
فاطمة؛ اي گوليلة علمود ترتاحين وتخلصين منه
إيه؛ ماشي لعد من ينزل أمير احاجي بالموضوع والله ليستر....خلص الأسبوع واني مداومت واليوم بليل أمير ينزل...... العصر راسي ضل يوجعني كلش اخذت حبوب وعلاجي ونمت گعدت تقريبا ب ٧ دخلت سبحت....
نور؛ يله اني راح اسوي الزلاطة
فاطمة؛ ماشي بس ايه شنو بعدهي نايمة
نور؛ يمكن لان اخذت حبوب
فاطمة؛ دا احجي ودخل أمير بس شنو احمر من العصبية خفت من شكلة
أمير؛ ويييين اييييه
فاطمة؛ ااا نايمة يمكن..... عافنة وصعد ركض يمةة شصاير
نور؛ عزا ولج بس لا يسوي شي بيه شو نار من العصبية شصاير
فاطمة؛ ضلينة نفتر بالمطبخ وشوية وسمعنة صوت أمير يصيح ضلينة وحدة طگ بالثانية من الخوف واجن عماتي للمطبخ....
.......
إيه؛ دا اعزل بالكنتور وفجأة نفتح الباب قوي باوعت أمير بس لامو أمير كلش خفت من شكلة عصبي وينافخ ضليت اباوعلة بخوف تقرب عليه ولزمني من ايدي قوي... اخخخ أمير شبيك ايدي
أمير؛ ايه احجي من الاخير شعندج ويه هذا القندرة الوياج بالجامعة
إيه؛ ضليت مصفنة بوجه منين عرف وشنو يگلي شعندج ويا
أمير؛ احجيييي مو جاي اگللللج شعندج وياااا
إيه؛ اميرر هدء شبيك
أمير؛ احجيييي
إيه؛گمت ابجي من الخوف.... أمير والله ماعندي شي ويا والله العظيم هوه
امير؛ هوه شنوووووو
إيه؛ ااا هوه حاول يتقربلي
أمير؛ شنووووو
إيه؛ ع كيفك واني افهمك.. والله والله العظيم محاجية ويا ودائما اتهرب منه حتى قاعتي انقلت منه والله العظيم ماعندي شي ويا
أمير؛ لعد شنو هذن هاااا
إيه؛ فتحلي موبايله وشفت صور مصطفى لازم ايدي عزاا هذا منو اخذ الصور ضليت اباوع عليه بصدمة وهوه تخبل من سكوتي
أمير؛ لجججج اييييه لاتخبليني شنو هل الصور احجيييي قبل لاافقد عليج
إيه؛ والله العظيم لزم ايدي بالگوة والله حاولت اوخرة بس لزمة قوي واني جاي اگلك علي... بعدني ممكملة وضربني راشدي بحيث حتى شفتي نشگت ووگعت بالگاع
أمير؛ شوكت ناويييية تگليلي شوكت لج وثقت بيج وخليتج اداومين واني مأمن هيج تسوين
إيه؛ انصدمت من حجية شنو قصدة اني خنتة لو شنو وگفت گدامة گتلة.... أمير شتحجي انته أمير والله مالي شغل بي والله بالغصب لزمة أمير صدگني اني أيه..
امير؛ ولج شصدگ ترديني اجذب عيوني وهاي المراسلات شنوووووو
إيه؛ عزاا شنو هاي طلعلي محادثات عود اني ويا وحب وغرام واطلگ وازوجك گتلة.. والله مو اني والله أمير هاي مو اني..رجع ضربني راشدي وگعت بالگاع وهوه طلع ورگع الباب ورأسا دخلن عليه
فاطمة؛ عزااا ولج شصاير شنو هاي ضاربج
ام ايه؛ يمه بنيتي ولج احجي شصاير ليش ضربج
ام أمير؛ خية اهدي خل نشوف البنية شبية ولج يمه حاجينة
إيه؛ ضليت صافنة بوجوهن وبعدين غوشت عيوني ومحسيت بشي.. َ.
فاطمة؛ وگعت بحضني... ايه ايه شبيج
نور؛ خاف صعد السكر
فاطمة؛ گمت بسرعة شربتة العلاج مالتة ورشيت مي ع وجهة وشفت سكره صاعد كلش..
نور؛ شلون هسة بعده مگاعدة
فاطمة؛ خل ننتضر نص ساعة إذا مصحت ناخذة للمستشفى
ام ايه؛ يمه بنيتي شبية
فاطمة؛ عمة ع كيفج انشاءالله مابية شي بس هاي من الخوف والصدمة هيج صار بيه
ام ايه؛ خية ليش هيج يسوي بيه مويدري بيه مريضة سودة بوجهي
ام أمير؛ والله ماادري شگول حالي حالج كلشي ماافتهمت خل نطلع هسه وانتن ضلن يمه من تگعد صيحلنة نعرف السالفة منه...
نور؛ أووي سودة عليه شوفي خدة شلون صار ازرگ
فاطمة؛ ولج لو اعرف ليش سوه هيج وهوه يدري بيه مريضة ومتتحمل
نور؛ خاف عرف بسالفة هذا الوياه بالجامعة
فاطمة؛ لا قابل منين يعرف وهيه بعده مگايلتلة....... ضلينة گاعدين يمه شوية وفتحت عيونة.... ها حبيبتي شنو حاسة
إيه؛ فاطمة راسي يوجعني ودايخة كلش
فاطمة؛ هسة يعيني ترتاحين شربتج العلاج
إيه؛ وين أمير
نور؛ طلع.. ايه شصاير ليش هيج سوه
إيه؛ حجتلهن
نور؛ عززاا ومنين اجن المحادثات
إيه؛ والله دخت اريد اعرف من صورنة والمحادثات منين اجن والله العظيم ممراسلتة
فاطمة؛ شبيج قابل مجذبينج.. والله الشغلة مو سهلة ابد وخاصة محادثات هسه شلون يصدگ
إيه؛ لج القهرني مصدگ السالفة وعبالك ميعرفني وفوگاه ضربني واني احلفله ممسوية شي
نور؛ كافي لاتبجين
إيه؛ مااريد ابقى هنا ماريد اشوفة شوف شسوه بوجهي
فاطمة؛ خلص ياعيني گومي ويانة للغرفة وانشالله تنحل
إيه؛ گعدت بغرفة البنات واني مقهورة كلش وافكر بالسالفة ودموعي ع خدي وغفيت...
...............
نور؛ لج شلون هسة شيقنع أمير
فاطمة؛ والله ماادري السالفة دوخ اموت واعرف منو مصوره لو مسوي هاي المحادثات................
نور؛ الساعة ب ١١ واگفة بالمطبخ ودخل أمير يدخن وشكلة مخربط وگف گبالي ويحجي بعصبية خفت منه ...
أمير؛ نور اذا جذبتي بكلمة وحدة تعرفين شسوي... احجي شنو السالفة
نور؛ راح احجي بس انته اهدئ
أمير؛ احجي يله بسرعة
نور؛ ايه گالت قبل اكو واحد وياه بالقاعة يضايقة وبعد محجت شي.. وهذاك اليوم اجتنة تبجي وگالت اختنگت منه وگالت يضايقة كلش حتئ القاعة انقلت منه ولحگة وگلتلة مزوجة وكم مره مهددتة بس هوه حقير ويگلة اطلگي منه ولازم ايدة بالگوة واجتنة وگالت راح اگول ل أمير علي بعد مااتحمل .... أمير والله ايه متسوي هيج والله العظيم حتى كلساع تدخل تغسل ايدة َتگول احس خنت أمير والله العظيم تحبك ومستحيل تسوي هيج لاتظلمة.... عافني ومشة....
.............
إيه؛ گعدت الساعة ب ١٠ عله نفس النومة من البارحة دخلت سبحت وگعدت مااريد انزل واشوفة خفت منه كلش
فاطمة؛ هلاو صباح الخير يله تعالي نتريگ
إيه؛ مااريد مااشتهي
فاطمة؛ ايه اليوم جدتي عازمة عماتي لاتبينين گدامهن بينكم مشكلة تعرفين بناتهن حياية ويضلن يشمتن ويسون مشاكل بالزايد
إيه؛ اووو يعني جدتي مالگت اله اليوم تعزم.
فاطمة؛ بعد صارت المهم نزلي يمه تسئل عليج من البارحة وتعرفينة متگدر تصعد والبارحة گلبة يلوب عليج اول مره اشوفة هيج
إيه؛ ااا زهرة گلبة يلوب عليه
فاطمة؛ هههه تدرين بيه تحبنة بس هية هيج داهرنة گلبة ابيض
إيه؛ ماشي هسة انزل بس هوه وينة
فاطمة؛ اهمم طلع من الصبح...............
إيه؛ نزلت وامي وعماتي سئلن شصاير گتلهن هوه عصبي من الدوام وذب حرگتة بيه هنه مااقتنعن بس مشنه لان حسن مااريد احجي اله امي ضلت تزن عله راسي منا لمن گتلة الحقيقة وضلت تلومني لان مگتلة من البداية.... دخلت لغرفة جدتي
زهرة؛ تعالي يمه سوده عليه
إيه؛ گعدت يمه وحضنتني
زهرة؛ يمه صاير شبيكم جنكم بلابل شگلب حالكم
إيه؛ ماكو شي بيبي لاتشغلين بالج
زهرة؛ ولج شني ماكو شي ليش ضاربج هذا المسودن هسة ادعي عليه
إيه؛ لا بيبي لاتدعين علي
زهرة؛ ماينطيج گلبج مو واني هم ماينطيني گلبي ادعي ع وليدي بس انه أعلمه اذا مربيتة عباله كبر ويصرف بكيفة ومحد يحاسبة حرگ گلبي عليج امس
إيه؛ ها بيبي طلعتي تحبيني
زهرة؛ جا شلون ماأحبج ام لسان صح انتي مناشبتني ولسانج متبري منج بس انتي معزتج تختلف عليهم كلهم من جنتي هل گدوتج سوالفج حلوة ولسانج شطولة حتى جدج يگول هاي البنية معزته تختلف
إيه؛ الله طلعت محبوبة كلش ومعزتي تختلف فديتج زهرة اموت عليج والله
زهرة؛ ها ولج رجعتي لسوالفج
إيه؛ هههههه اروحلج فدوة اني.........

للقصة تكملة ........ كومنت وتصويت 👇👇