عشگ الضابط أمير

البارت الثالث والثلاثين

لا گُمر يشبه ضحكتك حتى أغنيّ
ولا ضوّه الوادم
يَـ بعد الوادم الحِلوة شربني
ردت أگُلك لا شعرهم جاس گلبي
ولا أغانيهم خَذتني ..
أنتَ بس أنتَ الخذتني !
🌺🌺🌺🌺🌺🌺🌺
#عشگ الضابط أمير

#⁽♔₎┋آيهـ آلُِبَيآتي ┋

إيه؛ يعني شنو
نور؛ يعني مااروح
إيه؛ لا بله مو بكيفج ترحين وغصبا عليج هم
نور؛ لا بكيفي وزيادة هم ومااروح
إيه؛ نور شلعتي گلبي من الصبح احجي وياج وطاح لساني كافي يله گومي
نور؛ لاتعبين نفسج روحن انتن اني مااروح
هبة؛ هلاووووو شلونكم
إيه؛ هلا حبي مو زينة والله
هبة؛ ليش شصاير
إيه؛ ولج هاي موتتني متقبل تروح ويانه للمركز
هبة؛ شو بله وخري خل اشوف شكله... يااا شنو هاي عزا بعينج هذا شكل عروسة چنچ وحدة طالعة من الگبر والنبي يانور عشر دقايق اذا مالگيتج لابسة حضج اطيحة
نور؛ اهوووو مناقصني بس انتي مااريد اروح وبكيفي
هبة؛ لا اشو مو بكيفج وترحين غصبا عليج وهسة راح احسب للخمسة اذا لگيتج گدامي ونبي اخليج ليل كله متنامينة واني اشتغلج بأيدي وأخلي صريخج واصل لرأس الشارع يله.. واحد أثنين ضليت أحسب وگلت خمسة وفتحت تك عين وشهگت ورجعت ليوره عزا صاير گبالي كلش 😳.... يمة خرعتني
فهد؛ انتي خبلة بيج شي
هبة؛ شنووو يمة ليش عيني شبيه
فهد؛ اول شي صوتج نصي وثانيا بيج شي ضالة تفترين وتحسبين
هبة؛ ضليت ادور راسي منا ومنا ومالگيت ولاوحدة وين ولن... عاجبني عندك مانع
فهد؛ الله يشافيج
هبة؛ اشو هذا يفر ايده يم راسه عود مخبلة وشنو يگلي الله يشافيج... تعال شنو الله يشافيج شنو شايفيني عيني مخبلة... خرب عافني احجي وحدي عابت يالمغرور بسيطة اني مخبلة.. صعدت فوگ.. وين وليتن فتحت عيني ملگيت ولاوحدة
إيه؛ ههههههه غير نور خافت منج وصعدت ركض تبدل
هبة؛ اي عفية خليج حبابة وياي
نور؛ 😒
هبة؛ منو يوصلنة
إيه؛ فهد يوصلنة بطريقة
هبة؛ اهوووو المغرور... لعد انتضرجن جوه نزلت گعدت بالصالة خليت رجل عله رجل واتصفح بالانستا عل البشرة والعناية وهاي السوالف حتى اسويهن اليوم لان اريد اطلع شكل ثاني... رفعت رأسي لگيتة گاعدة گبالي هاي شوكت گعد ولاانتبهت نزلت راسي بعدم إهتمام.. بس حسيت نضراته عليه رفعت راسي وصح لگيت عينه عله جسمي باوعت لنفسي عزا هذا وين عيونة عله خصري ورجلي واني لابسة بنطرون كابوي وقميص قصير اني عادي البس هيج متعودة لان أهلي منفتحين ودائما لبسي بمزاجي والبس عله راحتي وحتئ المكياج وهاي السوالف محد يدخل بيه لان بابا عنده ثقة بيه وحتئ منع اخواني يدخلون بيه لان المدللة والزغيرة... رجعت باوعت علي الصراحة خجلت كلش من نضراته لان جريئة نزلت رجلي وانطيته خزره وهوه مثل الجان صافن وانتبه لنفسه ونزل عيونة بعد وكت استاذ اذا فصلتني تفصل بنضراتك عابت ولايستحي....
ام ايه؛ يمة ليش گاعدة وحدج وين البنات
هبة؛ فوگ دا يجهزن نفسهن واني گاعدة انتضرهن
ام ايه؛ روحي صعدي بالسيارة بين ميجن وانته يمة شغل السيارة
هبة؛ وگفت وعدلت القميص وأخذت الموبايل وهوه بعدهه گاعد مشيت للمطبخ شربت مي وطلعت للحديقة منتضرة يجي ويفتح السيارة... وأخيرا اجة بس شو هذا يباوع من فوگ ليجوه توترت كلش من نضراته گتلة... اكو شي ليش تباوع هيج تره عيب
فهد؛ ومادامج تعرفين العيب ليش تلبسين هيج
هبة؛ والله بكيفي ونفسي وحره بيه ومحد اله حق يدخل بيه
فهد؛ بابا افتهمي عيب تمشين هيج گدام الرايح والجاي متشوفين جسمج كله بارز ولج حتئ العمئ تخلينة يباوع غصبا علي
هبة؛ يمةة صخنت من الخجل طبيت بنص هدومي شلون يحجي شگد منحرف وساقط.. ردت اجمع غروري گتله... مجابرة احد يباوع بس الساقط والمنحرف يباوع وهذول زبالة بالنسبة الي... اشو هذا تقرب عليه كلش وانفاسه عله وجهي ويحجي اجيت اوگع
فهد؛ يعني اني منحرف وساقط لان باوعت عليج
هبة؛ بتوتر ليش تباوع لعد
فهد؛ هه حلو هذا السؤال خل اجاوبج لان جسمج يخلي الواحد ينسطر وغصبا عليه عيني تجي عليج فه ستري نفسج وحفظي سمعتج وروحي لبسي شي فوگاه
هبة؛ انسطرت من كلامة ضليت صافنة بوجهه
فهد؛ يله شطورة الصفنة مو الج
هبة؛ نتبهت واتمنيت اختفي گدامة من الخجل والاحراج طگيتة ركضة لجوه دخلت للمطبخ واني الهث وأجر نفس عبالك ماجنت اتنفس خليت ايدي عله گلبي أريده يهدء يمة شلون جريئ 😳رحلت للبنات وگلتلهن اريد صاية لان مااعرف البس عباية أبد راحت نور جابتلي ولبسته طلعت حلوة عجبتني والله... اني صاحبة خصر وطولي حلو وجسمي رشيق للذلك دائما يلوگلي البنطرون اموتتت علي اعشقة😁طلعنة واني اتختل وره البنات حتى مااشوفة كلش خجلانة منه صعدت وره اني والبنات وأيه گعدت گدام...بعدين طلعت موبايلي واشوف البنات فساتين اريد اطلب واحد لان بعدني ممشتريه.. فه عجبني واحد قصير ومخصر عل الجسم شوفته الهن وأيه گالت
إيه؛يطلع يجنن عله جسمج
هبة؛ هاا اي حلو ارتبكت باوعت علي اشو هذا رفع تك حاجب وغمزلي بسرعة نزلت راسي واحسب الدقايق حتى نوصل واخلص من التوتر... وأخيرا وصلنه
إيه؛ انته ترجع علينه
فهد؛ بيش الساعة تخلصن
إيه؛ والله اليوم هبة ويانة يعني للصبح
هبة؛ سكتي ولج قابل شگد أطول هنه ٣ ساعات
إيه؛ لا شوية...
فهد؛ عود خابري عليه إذا ماعندي شي اجيجن واذا مشغول يجي واحد من الولد
إيه؛ اوك يله بيباي... دخلنة للمركز وصيت البنية عله نور وگلتله عروسة اريدج تطلعين صبغة ومعليج بيه هيه ضلت تضحك وگالت ادللي اطلعة شكل ثاني سويتله👍.. واني سويت تنضيف بشرة وحفيت وجهي ورتبت شعري مخليته تگص هواي بس شي بسيط وخصلته لان أمير ماقبل اصبغة فه كلت اخلصة يطلع احلئ لان أسود.. وسويت اضافري والبنات هم خو هبة ماخلت شي ماسوته عبالك هية العروسة بس ذوقة يجنن وتعرف تختار اخير شي اجتنه تريد تسوي وشم  مؤقت لان شافت بنية سوته واحنة گاعدين وعجبة بس اني گلتله بكيفج اذا امج تقبل سوي
هبة؛ امي عادي مترفض لان مؤقت بس أنتن شنو رأيجن حلو
فاطمة؛ اي حلو اصلا لو علي يقبل جان سويت
نور؛ اني حسوي
إيه؛ التفتنه عله نور واتفاجئنة
نور؛ شبيجن هيج تباوعن مو خطبتي واني عروس عل الأقل خل اختار هاي السوالف
إيه؛ اي حبي سويي الي يعجبج اهم شي ترتاحين
نور؛ هه ارتاح خليني ساكتة
هبة؛ وين تردين تسوينة
نور؛ هنا عل الچتف
هبة؛ اي يطلع يجنن.. اني حسوي عله رجلي
إيه؛ يله عيني ابدعن بكيفجن مدام بعدجن مداخلات القفص
فاطمة؛ اي والله سون ليعجبجن احنة امرنه مو بيدنه حبجي😢
هبة؛ هههههه عله عنادجن
إيه؛ خلصنة وخابرت فهد گال راح يجي احمد لان عنده شغل.. اجانة احمد وخلص الطريق يضحك علينة لان ووجوهنه حمر من التنضيف والحفافة مصلوخات 😂...
ام أمير؛ مشاءالله الوجوه منورة وموردة
إيه؛ شلوني عمة شرأيج بچنتچ
ام أمير؛ تخبلين يمة الله يحفضج
إيه؛ فديتج وبست خده وهمستله عمة احجي ويه نور خطية
ام أمير؛ انشاءالله يمة اني اگعد وياه والله انه المصلحته سويت هيج قابل اني ماأحبة هاي وحيدتي وعزيزتي
إيه؛ وهيه هم تعزج حيلل بس عنودية
ام أمير؛ كلجن عله هل العناد
إيه؛ هههههه طالعين عله زهرة
ام أمير؛ امشي ولج لاتسمعج
إيه؛ ههههه عفته تضحك وصعدت سبحت وصليت ونزلت جوه نسوي عشا..
هبة؛ احم تردن مساعدة لو ميصير اني ضيفة
إيه؛ گعدي گعدي منريد شي
هبة؛ هههههه صدك وصيت عل الفستان
إيه؛ اي حلوو شوكت يوصل
هبة؛ باجر
إيه؛ كون قبل الحفلة
هبة؛ اي شلون لعد گتلة أريده الصبح
إيه؛ كملنة العشا والولد كلهم بره يتعشون مثل حضنة بس بالبيت..
هبة؛ اني اغسل المواعين
فاطمة؛ اني وياج
هبة؛ عابت گولي ميصير تغسلين اني اغسلهن
فاطمة؛ امشي لج ميمشي عندي هذا الحجي
هبة؛ وگفت اغسل مواعين ورافعة ثوبي وادندن ومندمجة وهاي العوبة عافتني وحدي اغسل بس يله عادي مدام عندي مزاج.. داغسل بالسچينة وسمعت صوته وراي وفزيت ووگعت السچينة عله رجلي صحت اخخ
فهد؛ الله الله شبيج
هبة؛ كله منك انته فززتني
فهد؛ عوفي لسانج هذا لبطولج وتعاي گعدي
هبة؛ گعدت عل الكرسي وهوه جابلي كلينكس.. دنگت عله رجلي امسح الدم بعدين گمت غسلت وهوه بعده واگف... نعم محتاج شي
فهد؛ اريد گهوة
هبة؛ هسة أصيح ايه
فهد؛ انتي سويهه لو متعرفين شاطرة بس بالبس والمكياج ودگين وشم
هبة؛ عزا باوعت يا نسيت انزل الثوب نزلته بسرعة رفعت حاجبي وگتلة..ليش متغض نضرك
فهد؛  عيوني وحر بيهن.. اليريد يستر نفسه خل يستره ومحد يباوع علي
هبة؛ قصدك اني مساترة نفسي لو شنو تره انته من الظهر تذب حجي وساعة تگلي حفضي سمعتج ونفسج وساعة تگول ممستورة.. اني ابويه واخواني محاجين وياي هيج ومحاسبيني..
فهد؛ مادام انتي يمنه وبيتي تمشين عدل حالج حال البنات وعود من ترحين ل اهلج سوي اليعجبج مفهووم
هبة؛ عفتة وطلعت دمعت عيوني يصيح المغرور انته منحرف وعيونك زايغة عابت اي والله.. صعدت يم البنات شوية ونزلت اكمل المطبخ عفته من ورا.. كملت المطبخ وأخذت بطل مي وطلعت للصالة لگيتة گاعد عل الحاسبة ومخلي الهتفون بأاذنه ولابس برموده وفانيلة تعلاگة بس لحضة هذا موشم ايدة ركزت اكثر اي والله مسوي وشم من الچتف لنص ايدة.. اي ويحجي عليه بس خرب عرضة صاك وشكلة يجذب الواحد وهاي الفترة كله صافنة علي وماادري بنفسي منا لمن صاح
فهد؛ هيوووو ويامن احجي
هبة؛ فزيت گتلة شبيك تصيح
فهد؛ بوية انتي طرشة صارلي ساعة احجي وياج وين عقلج
هبة؛ همست بيك... ماكو شي
فهد؛ تعاي هنا خل اشوفج شغلة
هبة؛ كيفت ورحت وگفت گدامة وگتلة.. شنو😃
فهد؛ تعاي اتقربي اكثر
هبة؛ اتقربت ومااحس غير صرت فوگاه وجهي گبال وجهه..
فهد؛ عفية صيري شطورة وسمعي الكلام إذا شفتج بعد لابسة نفس لبسج هذا مال لاتخليني أكمل واسمعج ألفاظ جبيرة عله عقلج هاي اولا.. ثانيا اذا طولتي لسانج مره ثانية اگصة الج سمعتي يحلوة...
هبة؛ گلبي يدگ قوي بس نرفزني كلامة.. عوفني انته بأي حق هيج تلزمني وتهدد وخر لايجي أحد..
فهد؛ تو تو خليج حبابة وعاقلة وياي لااتصرف غير تصرف وياج
هبة؛ گتلك عوفني لايجي احد.. ضل معاند عاد اني بيدي بطل المي فتحتة باايد وحده وذبيته علي وهوه طفر واني بسرعة ركضت وصلت يم الدرج وسمعتة يگلي
فهد؛ شلون شفه مال أكل
هبة؛ قسم بالله سويت الدرج شبختين ووصلت لباب الغرفة وجريت نفس يمة ولاشفت واحد مثل جرئته يمة گلبي حيوگف...
.......
إيه؛ هسة انطيني رأيك قبل لاتعصب حلو مو الله عليك گول الحقيقة
أمير؛ حلو
إيه؛ اذاً لاتعصب عفية والله هذا خصل مو صبغ وشفته شلون طلع حلو.. واگفة گدامة مثل المسوي جريمة..
أمير؛ يعني اني اگلج لاتسوين هاي ترحين تسوين غير شي
إيه؛تغيير يعني شلون خو ما يضل طول العمر أسود
أمير؛ اي يضل اسود لان عاجبني
إيه؛ خلص اخر مره بعد مااسوي اي شي وداعت عيونك العسل
أمير؛ شنو هاذ يعني جاي تنسيني الموضوع بهذا لسانج
إيه؛ ههههه اي😁
أمير؛ لا لازم تتعاقبين حتى بعد من تردين تسوينه تذكرين العقاب
إيه؛ لا أمير گتلك اخر مره توبة.. اصلا اجيت اسوي وشم بس گلت خاف متقبل
أمير؛ لا يابة جان سويت فد مره وبعدين تعاي گليلي صدك جذب
إيه؛ لا عيب ميصير لازم اخذ رائيك يله
أمير؛ زين والله طلعت منج
إيه؛ اه راح ازعل تره.. ليگول اني ماأخذ رائيك أبد
أمير؛ شنو الفايدة تاخذينة وتسوين عكسة
إيه؛ شوف جاي تجرحني بكلامك راح ابجي شوف بدت تنزل دموعي
أمير؛ عوفي لواته مالتج صارن قديمات
إيه؛ ههههههه لعد خل ادور غيرهن جديدات
أمير؛ دتعاي واعلمج الجديد
إيه؛ الله عليك كافي اخخ أيدي 🥺
أمير؛ هذا عقاب زغير حتى بعد تسمعين الكلام
إيه؛ اباوع ليدي وچتفي حمر شبعني عض 🥺... اخخ أمير ليش هيج وجعتني والله
أمير؛ تعاي نداويهن صدك جذب بسيطة....
.......
نور؛ تدرون ماعندي شعور ابد رغم اجة أمير وحجة وياي كلام حلو وحسسني عندي ظهر وسند وانو هوه يحبني بس سوه هذا الشي المصلحتي بس اني مدا اقتنع بي أبد واليوم الصبح اجت ماما الدمعة بعينه وحضنتني وعبرتلي عن حبه الي ومعزتي عدهه بس هذا الشي ميعني انو اني سامحتم ونسيت السوو بيه.. لا بس راح اتجاهل هذا الشي لان بالنهاية أهلي ومالي غيرهم.. اليوم خطبتي گعدت ب ٩ شعجب مگعدني بس يله اصلا اني نمت متأخرة من وره التفكير بدلت ونزلت الكل يشتغل كل وحده مااخذتله جهه وتنضف وترتب وأيه وهبة دايشتغلن بالكوشة لان حنسويه بالصالة اني دخلت للمطبخ گعدت عل الطاوله واباوع عليهن.. اجة أحمد سحب الكرسي وگعد..
احمد؛ ننوشة ليش ضايجة
نور؛ ماكو شي
احمد؛ علينه لج اني اعرفج من عيونج مو المفروض فرحانة
نور؛ أفرح عله شنو.. عله خطبة إجبارية.. اجت عيوني عله امي اشوفة تعضلي شفه عود اسكت مافهمت عليه
احمد؛ شنوو إجبارية شقصدج نور احجي
نور؛ ضليت عيوني تتنقل بينه وبين ماما يعني مايعرف اني مجبورة لو شنو..
احمد؛ نوررر احجي وياج جاوبي شنو مجبورة
نور؛ اي مجبورة ليش متدري مو امك وابوك وأخوك وكله تدري.. احمد دفر الكرسي وگام
احمد؛ يممممه شهل الحجي هذاا
ام أمير؛ يمة شجاك تصيح
احمد؛ يمممه سؤال وجاوبي شهل الحجي هذا
أمير؛ احمممد صوتك لاتعلي عله امك احسلك
احمد؛ أمير ليش جابرين نور عل الزواج
أمير؛هذا المصلحته
احمد؛ شنو لمصلحته شهل الحجي أمير احنة وين عايشين
أمير؛ اخر مره اگلك لاتعلي صوتك
احمد؛ لااعلي اني أخوه مثل ماانته اخوه والي الحق ادخل وميصير تجبرونه عله شي متريده
أمير؛ احمد انطيني سبب واحد أرفض الولد علموده انته مو تعرفه وصديقنة وعشرت عمر ويا وعيب علينه نرفض رجال تعرف شنو رجال
احمد؛ رجال عله عيني وراسي وصاحبنة هم بس اذا متريده مو إجباري الشغلة يااخي
أمير؛ الخطبة اليوم يعني تريدني أتراجع لو شتريد گتلك صاحبي وماارده وانتهى الموضوع
احمد؛ يعني صاحبك يرضاه عله اختة
أمير؛احمممد لاتخربط بالحجي
أحمد؛ مادام انته تستحي ترده وعيب منه اليوم قبل العقد تگله طالبين اختك ل أحمد وخل نشوف راح يجبر اختة مثلنه وغير هذا الحجي مااعندي لا قسم بالله اگلب الخطبة جنازة عليكم..
أمير؛ احمممد تماديت هواي لاتخليني اتصرف غير تصرف
احمد؛ شيخ اني لعندي گلته ولو تنطبگ السما عل الأرض مااتراجع
إيه؛ صوت الصياح عله بين احمد وأمير اخير شي فهد ادخل واحمد طلع وأمير ضل يصيح ويغلط ويكسر شكو شي گدامة وشكلة مثل الإعصار خفت منه ومن صعد فوگ خفت اصعد ورا لان اعرفة من يعصب مايشوف شي گدامة ودائما اتركة وحدة من يتعصب..
ام أمير؛ اخخ يمة تالي الاخوان يتذابحون بيناتهم
زهرة؛ كافي يله سدن السالفة وكل وحدة تروح لشغلة وكل وحدة تصرف عادي مصاير شي همه اخوان ويحلونه بينهم..
إيه؛ رجعنة كملنة شغلنة وصارت هوسة والكل التم وغداء ودوخه بعدين اخير شي نضفنة وره الغدا وصعدنه نتجهز دخلت لغرفتي لگيته هستوه طالع من الحمام رحتله... أمير اتصرف بهدوء ولاتسوي شي يخرب علاقتك بااحمد وخل اگلك شغلة تره احمد يحب روئ اخت دانيال بس هيه رفضت للذلك احمد اتصرف هيج
أمير؛ شنو يحبة ومن شوكت
إيه؛ من زمان وتره نيته صافيه وياه ومو يلعب عليه وحتئ عل اساس اني احاجية بس مصارت فرصة للذلك سوي اليريده أحسن وتجنب للخلاف بيناتكم وهوه يحبه يعني ماكو داعي للرفض والعناد بيناتكم
أمير؛ يصير خير..
إيه؛ دخلت سبحت وطلعت مشطت شعري وجففته والمشكلة شلون اطلع الفستان وأمير موجود بالغرفة غير يموتني وهوه منا صاير أعصاب ضليت افتر منا ومنا اخير شي قررت اخذ الفستان والبسه يم البنات.. طبگت الفستان وأخذت المكياج وطلعت وهوه يباوع عليه واني بسرعة طلعت قبل لاينتبه..واصلا جبنه الصالون بالبيت نشتغل لان گلنه هيه خطبة يعني متستوجب نروح للصالون وبعدين البنات كله تريد تسوي فه اختصرنه الموضوع.. بلشت بنور ومكياج ترابي لان يلوگله كلش ولبست فستانه احنه اختاريناه اله طويل ومخصر عل الجسم مثل الحورية بدون أكتاف وبي دلعه وشعره رفعت منه شويه والباقي نازل طلعت تجنن.... فدوووووة تخبلين والله
فاطمة؛ يااي ننوشة شنو هل الجمال فدوة تخبلين
نور؛ شكرا عيونجن الحلوة
فاطمة؛ خل اخلص مكياجي واخذلج صور بالكاميرا.. سويت مكياج شويه قوي وبرز ملامحي وخاصة عيوني ولبست فستان جوه الركبة وبدون أكتاف أسود وكعب عالي..
وووواو والله فدشي
إيه؛ سويت مكياج بس خفيف لان المكياج القوي يخفي ملامحي ومااحبة وشعري برمته وخليته عله طولة لان مخصل وحلو ولبست فستان ماروني تقريبا فوگ الركبة بشويه واردانه تلث ارباع تور خفيف وحزام من الخصر نفس اللون وكملت لمساتي الأخيرة بالعطر طلعت أشرد 😌...
هبه؛ شلوني
أيه؛ تخبشين وتخبلين
هبه؛ فديتج وانتي شنو هل الكيك والعسل طالعة تفلشين
إيه؛ بس ادعي ربي ميشوفني أمير لان يفلشني
هبة؛ هههههه
إيه؛ نزلن البنات قبلي واني رتبت الغرفة ونزلت وراهن وزهرة اكلت گلبنة ولجن شمصخمات وشمسويات..
فاطمة؛ گلت خل اروح اجيب الكاميرا دخلت للغرفة لگيتة يعدل بالغترا اويليي شطالع گتلة.. علوش رأيك واني افتر
علي؛ احترگ علوش هاي شمسوية
فاطمة؛ ليش
علي؛ولج ليش مطلعة زنودج
فاطمة؛ غير الفستان هيج... بعدين حفلة نسوان محد يشوفني لاتضوجني وراي رگص واكل وتصوير 😁
علي؛ ليش متسوين بروفة رگص هنا وغمزلة
فاطمة؛ لا عيب
علي؛ ولج شنو العيب غير زوجج لو حرام عليه وحلال عله غيري
فاطمة؛ ههههه بعدين علوشي بعدين
علي؛ بداعت علوشج هزي خصر
فاطمة؛ عليي بعدك متذكر
علي؛ لج شلون انسا غير مطبوعة بعقلي
فاطمة؛ اممم
علي؛ يله ولج لا قسم بالله مااخليج طلعين باب الغرفة
فاطمة؛ هزيتله خصر وچتف وگتله كافي علوش خل انزل حباب
علي؛ اشتعلو ولج بس خل يجي الليل اذا مااخليج ترگصين حتئ بحلمج
فاطمة؛ هههههه ماانام يمك
علي؛ نشوف نشوف
فاطمة؛ اخذت الكاميرا ونزلت وضليت اصور بنور وبالگوة تبتسم موتتني... ونبي راح اكسره براسج
نور؛ علواا وتخلصيني
فاطمة؛ لا عيني هاي من علوش لو تموتين مااكسره وهسة اذا ماشگيتي الحلگ اموتج
نور؛ فتحت حلگي
فاطمة؛ اي عفية..اروح اهز شوية وارجعلج
نور؛ لاترجعين هزي للصبح
فاطمة؛ ههههه لا عيني اليوم اشبعج صور بعدين تذكرين وتجين تگليلي بارك الله بيج لان مسمعتي كلامي واخذتيلي صور.. ايوو
إيه؛ ها حب
فاطمة؛ ضيفتي لو بعدج
إيه؛ هوه حاخذ الضيافة
فاطمة؛ ماشي اني وياج دخلنة ونفتر عل النسوان وصلنه لمره چبيرة تجي بگد بيبي سئلت ايه لان واگفة گدامي..
.... يمة انتي شتصيرين لبيت الشيخ
إيه؛  حفيدت الشيخ رحيم خالة
.... مشاءالله يمة انتي مزوجة
إيه؛ اي خالة
... انتي مرت الشيخ أمير
إيه؛ اي خالة بس منين عرفتيني
.... يمة من عيونج يگولون مرت الشيخ عيونة زرگ مشاءالله عليج الله يحفضج لشبابج
إيه؛ مشكورة خالة
فاطمة؛ ههههههه خوش تحقيق
إيه؛ ههههه اي بس مبينة خوش مره
فاطمة؛ الله أعلم لاتحكمين من المضاهر
إيه؛ يله قابل راح اخطبة هههههه
فاطمة؛ اي ولج نزوجة لجدج
إيه؛ ههههه حتى زهرة تعلگنة بالبنكة.. من خلصنة سمعنة هوسة بره أكيد أجو رحت وگفت يم نور لان توترت كلش.. شبيج ترجفين هاي عود بعدهه مداخل
نور؛ لج مدري شبيه ماايسطر عله نفسي
إيه؛ سم بالله وتنفسي...
....
روئ؛ اليوم خطوبة دانيال واحنة كلش فرحانات وخاصة اني لان نور عروستنه واصلا صارلنه اسبوع مخبوصين ونجهز ونركض منا ومنا.. لبست فستان قصير وردانه تور ومكياج بسيط واجن خالاتي وعماتي لان دانيال سوه غدا وعزم الكل وره الغدا نزل دانيال من فوگ فدوة لخوي طالع هيبة وكشخة بالقاط النيلي بدون رباط ومفتوح الدگم اليگدام وامي تهلهله واني هم عل الواهس 😁طلعنة لبيت نور وكوومة عالم جايه عمامي وخوالي المهم وصلنه للبيت لمحته واگف بالحديقة يدخن لابس دشداشة والغترة عله چتفة بس شخصية طالع اول مره اشوفه بالدشداشة بس احس عصبي ويدخن بقوة نزلت عيوني ودخلنه للبيت وشفت نور طالعة تخبلل... فدوة تجنين
نور؛ حياتي وانتي هم شنو هل الجمال
روئ؛ علمودج كشخت اليوم ههههه فرحانة بيج اكثر من اخوي
نور؛ ههههه.. گلت بگلبي متدرين شضاملج المستقبل خطية هم راح تعيش العشته..سلمن عليه النسوان بس مااعرف أحد بيهن...
.....
رحيم؛ بوية دانيال قبل لاتعقد عله بتنة عندي طلب يمك واتمنئ متردني
دانيال؛ تدلل شيخ ميردك اله لسانك
رحيم؛ والنعم منك بوية اني اريد اطلب أيد المحروسة أختك ل ابني أحمد عله سنة الله ورسوله وهاي گدام الكل
دانيال؛ نتشرف بيك شيخ واحمد رجال والنعم منه
احمد؛ متقصر خوية..
........
نور؛ نمغصت بطني من گالو راح نعقد گمت گعدت وره الباب واستمع للشيخ بس عقلي مو يمه صافنة ماانتبهت اله لمن ايه نغزتني بأيدي سمعت الشيخ يريد موافقتي رددت ورا وبعدين هوه وگمت رجعت لمكاني وهاي أصعب شي لان راح يدخل..
إيه؛ عزاا شسوي هسة
فاطمة؛ شبيج ولج
إيه؛ لج أمير يگلي تعالي للمطبخ
فاطمة؛ اي وشنو يعني
إيه؛ لج وهذا لبسي
فاطمة؛ لبسي جبة شبيج بسيطة
إيه؛ اي والله صدك خرب من الخوف نسيت.. ركضت لبست جبة ورحت للمطبخ وره شوية اجة.. ها حبيبي محتاج شي
أمير؛ سوي طريق راح ادخل دانيال وانتي لبسي شال وغطي وجهج مو تضلين مفرعة
إيه؛ لا شنو مفرعة اذا تريد البس بوشية فد مره
أمير؛ ياريت
إيه؛ صدگت
أمير؛دمشي سوي طريق اتأخرت عل العالم
إيه؛ اي رايحة بس هاي شطالع كيك وربي
أمير؛ شلون راح ابتلي بيه
إيه؛ هههههه رايحة.. گلت للبنات وانتضرت يلبسن ورجعت گتله خل يدخل ورحت يم هاي راح تتخربط علينه وگفت يمه واهدي بيه.. ودخل هوه واستلمنه حبايبة بالهلاهل والهوسات بس مشاءالله شخصية وحلو لايگ لننوشة...
نور؛ من سمعت الهلاهل رفعت راسي ونزلته بسرعة لان عيونة عليه گعد بصفي
دانيال؛ مبروك
نور؛ بالگوة رديت من التوتر والخجل.. وبعدين سويت نفسي احجي ويه البنات اشرد من نضراته وأيه همستلي
إيه؛ لج كافي شگد لغيتي فجأة نزل عليج الحجي
نور؛ احجي بصوت ناصي ومقربة راسي عله ايه.. لج شسوي متوترة وخجلانة متشوفين نضراته
إيه؛ ههههه نضرات قاتلة بس بشرفج شوفي عيونة وين
نور؛ درت راسي بسرعة علي وصدك لگيت نضراتة عل الوشم وصدري غديت ماي من الخجل وانگلب لوني أحمر... بعدين امه جابت الذهب يبوو كملت الشغلة اخذ الگلادة وتقرب عليه ولبسني وانفاسة عله رگبتي واني صرت ارجف وهمسلي
دانيال؛ لاترجفين لخاطر الله بالگوة لازم نفسي
نور؛ بسرعة وخرت منه وهوه يبتسم بخباثة وبعدين لبسني الحلقة واني هم بس ولاطخيت إيده ابد اله هوه حضن أيدي ولبسني وره شوية طلع وأخيرا هسة ارتاحيت..
إيه؛ احم احم ننوشة شنو همس يم رگبتج
نور؛ خرب يومج وين شفتي
إيه؛ هههههه جنت ارقبج موزين خفت عليج لايفترسج بنضراته
نور؛ اي صدگت
إيه؛ يله عيني نروح نجيب عشا خل يشحنن طاقتهن ونعاود الرقص بليل وانتي ويانه.........صبينه عشا للنسوان واحنة واگفات ونفتر منا لمن خلص العشا والناس بدت تخف رتبنة البيت والمواعين همه يغسلوه خلصونة منهن... بعدين شفت هبة گاعدة عل الدرج وخاله ايده عله خدة وصافنة رحتله.... الصفنة مو الج
هبة؛ فززتني
إيه؛ وين سرحانة
هبة؛ ولج دا ارگص وانكسر الكعب والوت رجلي طگني بعين
إيه؛ هههههه اي طالعة عسل
هبة؛ اي ولج مادامتلي بس شنو الخطابة صارت چكليت كلساع وحده رايحة لماما وماما تگللهن مو للزواج بله شتحجين وياه سدت قسمتي
إيه؛ ههههههههه ها ولج كاتله نفسج عل الزواج
هبة؛ ولج وحده منهن طلعت صورة ابنه غير يخبل وچماله ضابط وهيبة
إيه؛ فديت الرائد مالتي
هبة؛ هسة شجاب سيرت الرائد مالتج
إيه؛ غير جبتي سيرت الضباط
هبة؛ شو وخري وخري صوچي احجي وياج
إيه؛ هههه خبلة تعالي وين موليه
هبة؛ لجهنم الحمرة..
إيه؛ ههههه محروگ دمه جا طار الضابط😂رحت لننوشة هاي مبوزة شوكت مااجيه..
جوعانة
نور؛ زين اتذكرتني ميته من الجوع امشي جيبلي كيك وعصير
إيه؛ خل اسويلج لفة
نور؛ لا مااريد مشتهية كيك.. شوية واجت واني طحت عل الكيك كلشي مماكلة من الصبح
إيه؛ عله كيفج لاتختنگين
نور؛ عوفيني وروحي شوفي شغلج
إيه؛ راح اشغل الديجي مدام خفت الهوسة... رحت شغلت الديجي وطلعت بيبي وصاحت
زهرة؛ ولجن هلبت مليتن من الظهر لهسه تهزن بسچن
إيه؛ بيبي غير حفلة وفرحانات
زهرة؛ ضمن طاقة لرجولتجن بليل لو تلفن روسجن وتنطمرن
إيه؛ هاذا شكلي😳عزاا فضحتنة ونبي... بيبي صدك جذب صيحي بعد بالشارع
زهرة؛ جا مجذبة انه ام لسان
إيه؛ حشاج بيبي بس منا نسوان وانتي تحجين بالقلم العريض
زهرة؛ استحت ام هزه
إيه؛ هههههههه شنو أم هزه
زهرة؛ ولج ذبيتي فلك بالرگص محد رگصت بگدج شمالج والنسوان اكلت راسي هاي مريت الشيخ وهاي مرت الشيخ وانه ختمت القرآن بوجوهن
إيه؛ ههههههههه فديتج والله تخافين عليه من الحسد ولج اروحلج فدووة وبوسته من خدودة.. ورجعت گومت نور وضلينة نرگص اني وياه وبعدين التمن البنات وطلعنة كردي وطحنة بالنص انگمز يابه طلعت الطاقة كله وتعبت ورحت نزعت الكعب وشمرت نفسي عل القنفة بالصالة
فاطمة؛ ههههه ها خلصت طاقتج
إيه؛ ولج انگطع نفسي ومااحس برجلي
فاطمة؛ هاج مي
إيه؛ صكيت المي كله بعدين گلت خل اصعد أسبح حتى جسمي يرتاح أخذت تراك.. والله خليت ايدي عله باب الحمام ودخل أمير شلون حظ باوعت علي لگيته يباوعلي من فوگ لجوه ويباوع بتمعن.. الله يساعدك
أمير؛ ويساعدج يابة سمعت تخربطتي من الرگص سم الله عليج
إيه؛ يحجي بستهزا ورافع تك حاجب ... منو گلك
أمير؛ العصفورة گلتلي
إيه؛ عصفورتك مبالغة بالأخبار.. اني حدخل أسبح
أمير؛ تعاي تعاي وين شاردة
إيه؛ عضيت شفتي وتقربت علي.. نعم حبيبي
أمير؛ عوفي حبيبج عله صفحة وگليلي شمصخمة شلابسة
إيه؛ فستان
أمير؛ فستان مو
إيه؛ اي فستان
أمير؛ يعني هذا تسمينة فستان
إيه؛ ليش شبي
أمير؛ لو مخليته ثوب نوم مو أحسن
إيه؛ ها 😳
أمير؛ احجي اني مو اخذتج بأايدي واشتريتي واحد مستور.. هذا منين طلع
إيه؛ مو مو هاا اي صدك هذاك انشگ بالغلط واضطريت اشتري غيرة
أمير؛ شو ماعجبني هذا الفلم
إيه؛ اووف أمير يعني غير حفلة وبيتنة وبس نسوان شتريدني البس واصلا كلهه لابسة هيج ضلت عليه اني
أمير؛ واني شعلية بغيرج
إيه؛ لاتصيح دا نحجي ونتناقش
أمير؛ هوه انتي خليتي بيه نقاش اجيبج منا ترحين منا اگلج لاتسوين هيج لا شلون اذا متعاندين وتسوين العكس مطلعين ايه.. بله ماگلتي لنفسج النسوان راح تحجي بيج گدام الرايح والجاي يعني ماعدهن لسان يفصلجن تفصال..
إيه؛ يعني احرم نفسي علمود حجي النسوان شعليه بيهن
أمير؛ ماگتلج حرمي نفسج بس لبسي بالمعقول مو مطلعة صدرج كلهه وزنودج ورجلج بعد شخليتي..
إيه؛ خلص منا وهيج البس عباية واگعد والصم احسلي حتى النسوان يگولن شبيه هاي مرت الشيخ مخبلة وگاعدة بالعباية... اباوعلة كاتم ضحكتة گتله بعصبية.. طلعة لاتختنگ
أمير؛ بله شحجي وياج
إيه؛ لاتحجي شي فهمت.. اخذت الملابس ودخلت سبحت وافرك بوجهي حيل طلعت حرگتي بي طلعت مشطت ورحت عل الفراش وهوه دخل سبح واني بسرعة غفيت من التعب...
.......
فاطمة؛ علي صدك تحجي لو تشاقة
علي؛ شكلي جاي اشاقة
فاطمة؛ علي والقرآن ميتة من التعب
علي؛ من وصلت يمي متي من التعب.. اني گلت لعندي
فاطمة؛ زين بس خل اسبح عل الأقل
علي؛ لا بهذا فستانج
فاطمة؛ راح ابجي والله
علي؛ ابجي اصلا تطلعين عسل وتشهين
فاطمة؛ عليييي عليك الله كافي
علي؛ ماسمع شتگولين
فاطمة؛ بسيطة راح اسوي لتريده بس احسب احسابك بعد مااحجي وياك
علي؛ الله كريم
فاطمة؛ اجيت ارگع نفسي بالگاع من الغيض والبرود مالته ولكم صارله ساعة واگف ميخليني اسبح اله ارگص... علي غمض عيونك
علي؛ ايبااه وليش مااسد اذاني فد مره حتى تاخذين راحتج
فاطمة؛ بسيطة والله اله اطلعة من عيونك والله... شغلت الأغنية انوب مال هز امده حضي منزله بس هاي بموبايلي.. نزعت الكعب وهوه گاعد بنص الفراش ومتربع ويباوع بتدقيق ضليت ارگص بس شنو عبالك ارگص گدام غريب مستحية منه بس هوه ولايمه.. دقيقة وگتله كافي راح اوگع من التعب
علي؛ اشتعلت عشيرتج جنت مندمج
فاطمة؛ علي شبيك اليوم
علي؛ ولج طلعتي كارثة روحي سبحي هسة وبعدين اختارلي يوم اخليج للصبح متنامين وشحدج تفتحين حلگج
فاطمة؛ دمعت عيوني ورحت دخلت للحمام ساعة السودة بيوم شافني ارگص..
.....
نور؛ صعدت سبحت وبدلت جسمي مكسر من التعب غطيت راسي حتى مافكرت من التعب غفيت وفزيت من دگ الموبايل باوعت رقم غريب رفضتة وشمرت الموبايل ضل يدگ مره مرتين بالثلاثة طفرت روحي سحبت الموبايل ورديت بعصبية... منووو اكو احد يتصل بهل الليل شهل الذوق
دانيال؛ اعصابج يابة ليش عصبية
نور؛ خنست من سمعت صوتة وغميت گصتي من الفشلة گتلة عود معرفته.. منوو ويايه
دانيال؛ اه ماعرفتي صوتي شدعوة ياخطيبتي
نور؛ محتاج شي
دانيال؛ بيج شي انتي
نور ؛ لا مابيه شي بس دا أنام ودگيت عليه
دانيال؛ ماشي روحي نامي الايام گدامنة ونحجي بس لاتنسين تحلمين بيه
نور؛ سديت الخط شلون يحجي بطريقة استفزازية.. همزين ماحجيت ويا واني تحت تأثير النوم جان خرطت الأول والتالي...
هبة؛ ويامن تحجين
نور؛ انتي گاعدة
هبة؛ اي بس ويامن تحجين.
نور؛ ويه دانيال
هبة؛ عزا بعينج اكو وحدة هيج تحجي ويه خطيبة مال السطر اي والله
نور؛ شمرت عليه المخدة.. بكيفي
هبة؛ ضلي ضلي بفهاوتج العوبة
نور؛ وين موليه
هبة؛ اشرب مي.. لبست الشال ونزلت للمطبخ شربت مي صعدت واني دامشي بالممر انفتح الباب وطلع فهد من غرفتة
فهد؛ شبيج تعرجين
هبة؛ سم الله عليه بس لوت رجلي
فهد؛ من الرگص والكعب
هبة؛ وشدراك بعدين عضيت شفتي ثولل اني لعترفت
فهد؛ بس اويلي عل الأحمر
هبة؛ ياأحمر
فهد؛ الأحمر ماعرفتي وغمزله
هبة؛ عزا وين شفتني
فهد؛ لمحتج بالمطبخ بس الله شاهد بالغلط
هبة؛ يااخي غض بصرك لو متعرف
فهد؛ ومنو گلج ماغضيت بصري بس من شفت خصرج عرفتج انتي وگلت ماكو داعي اغض بصر بيناتنة ميانة
هبة؛ شگد متستحي ومنحرف انته.. وركضت للغرفة عزا بعينه شلون يحجي خرب رجلي گامت توجعني شگول عليك يافهيدان..
.....
إيه؛ فزيت بنص اليل عطشانة كلش وريگي يابس ردت اتحرك بس جسمي ثگيل  وأحس محترة كلش رغم الغرفة باردة باوعت بصفي أمير ماكو گعدت شفتة يصلي يعني أذن وماادري ردت اگوم بس لزمتني دوخة ورجعت گعدت ولزمت راسي وأمير كمل واجاني
أمير؛ ايه شبيج
إيه؛ ماادري دايخة وجسمي ثگيل مااگدر اتحرك... خله ايده عله گصتي گلي مصخنة راح اجيبلج كمادات وخافض حرارة...
...
ام أمير؛ ها يمة شدور
أمير ؛ يمة ايه مصخنة واريدله كمادات
ام أمير؛ يا يمة شبية
أمير؛ ماادري تگول دايخة
ام أمير؛ اكيد ضربنه بعين كله تحجي بيه اليوم اخخ منه مترد
أمير؛ يمة شسالفة
ام أمير؛ اي يمة وداعتك ضربنه عين.. هاك يمة واذا مصارت زينة خليه تسبح
......
إيه؛ حسيت شي بارد عله گصتي فتحت عيوني بتعب لگيته يسويلي كمادات بس بردانة رغم طفا التبريد ومتغطية بس ارجف من البرد..
أمير؛ ايه تسمعيني
إيه؛ اي
أمير:گومي حبيبتي خل اسبحج حتى تنزل حرارتج
إيه؛ مااريد بردانة
أمير؛ گومي حتى تصيرين زينة
إيه؛ مو بحالة اناقش گومني دخلني للحمام بس مقبلت هوه يسبحني گتله اگدر..سبحت بمي بارد ولبست الروب وطلعت وهوه نشف شعري ولبسني تراك لان بالگوة أتحرك شربت خافض حرارة ونمت عله إيده.. گعدت الصبح ب ٦ وراي دوام بس أمير مخلاني اداوم ورجعت نمت...
هبة؛ نور انتقام گعدي لاادوس بطنج
نور؛ وجع شبيج من الصبح
هبة؛ گومي الساعة ب ٦ ونص ورانه دوام
نور؛ صدك انتي شجابج علينه
هبة؛ ووصولني وياكم لجامعتي
نور؛ خبالو اليوم الخط ميجي
هبة؛ لابربج لعد منو يوصلني عزا
نور؛ انشوف واحد من الولد بلكت يوصلنة
هبة؛ دگومي يله.. رحت بدلت ولبست بنطرون كابوي وقميص نيلي جوه الورك هذا لبسي شسوي متعودة لاتلوموني كفيت الردان ولبست حذا ابيض رياضي ولبست الجنطة صفح ومكياج خفيف ماأحب اثگل بالجامعة لان الجو حار ويخرب رشيت عطر وأخذت الكتب والموبايل ونزلت گعدت بالصالة انتضرهن ينزلن..
نور؛ منو يوصلنة بله احمد ميداوم اليوم وأيه وأمير نايمين وعلي فطوم تگول طلع من الصبح عندهه شغل
فاطمة؛ ماكو غير فهد
هبة؛ لا لا
نور؛ وجع شبيج نگزتي
هبة؛ لا بس الولد نايم خو منگعدة
نور؛ منو گلج نايم هوه يگعد من الصبح يطلع يركض ويلعب رياضة ننتضرة يجي ويوصلنة
هبة؛ هسة عله شنو خايفة ماله حق يدخل بيه وهذا لبسي من يوم يومي ضلينة ننتضر منا لمن دخل للصالة لابس تراك وعرگان وشعرة مبلل ونازل عله وجهه ويشرب مي اويلي شكلة يجذب ويخلي الواحد يصفن علي..
نور؛ الله جابك فهد
فهد؛ خير شبيجن
نور؛ عفية اخذنة للدوام اليوم الخط ميجي واتاخرنة
فهد؛ ماشي انتضرني هنا
نور؛ والله حباب وخدوم
فاطمة؛ اي والله
هبة؛ ضلينة گاعدين ننتضره واني جبت المخدة وخليتة عله رجلي حتى لايشوفني بس صدك ليش خايفة وبعدين اول وتالي راح يشوفني وميهمني ممسوية شي غلط.. نزل وگال..
فهد؛ يله امشن گدامي
هبة؛ البنات طلعن واني انتضرته يطلع واطلع ورا مااريد امشي گدامة
فهد؛ يله خانم اتحركي شبيج مصفنة بوجهي
هبة؛ اي گايمة.. اخذت الكتب ومشيت بسرعة گدامة
فهد؛ اوگفي اوگفي
هبة؛ درت علي گتلة هاا
فهد؛ هيج راح ترحين للجامعة
هبة؛ اي ليش
فهد؛ وتمشين هيج بنص الولد
هبة؛ طبعا امشي لعد ازحف
فهد؛ لابله تنكتين حضرتج يله ماگلتي لروحج شلون اطلع هيج والناس تباوع عليه
هبة؛ والله عاد الناس تباوع لو لابسة عباية واني مااهتملهم
فهد؛ يابت الناس افتهمي اول شي حرام حرام وثاني شي عيب يعني عاجبج نضرات الشباب لجسمج
هبة؛ حرية شخصية
فهد؛ انتي الحجي وياج ضايع بس خلي بالج الله فوگاج ويباوع عليج لاقبل لاتفكرين بنفسج وبحريتج فكري بربج وگولي الله يرضاه هيج أعرض جسمي گدام الرايح والجاي وبعد انتي وضميرج..
هبة؛ مشة گدامي وهوه ضايج اوو شعليه بي الله يعرف نيتي ومغاشة احد واني وربي... وصل البنات للجامعة وضليت اني لان أدرس هندسة تصميم وقسمي بعيد اباوع علي يباوع بعصبية وبطرف عين ضليت ملتهية بالمراجعة منا لمن وصلنة وگتلة شكرا ومع السلامة.. وهوه استغفر وشخط السيارة مغرور حتى مگال العفو باي الحمدللة.....

للقصة تكملة... اول شي 5000 كلمة قدرو ثم قدرو ثم قدرو تعبي يعني عيوني غوشن من الكتابة وماكو تفاعل ولاتصويت وكل مره اگول تفاعلو تفاعلو بس ماكو يعني البارت بفترة كُلش قصيرة يوصل فوگ 200 مشاهدة والتصويت زفت ليش مدا تصوتون تره متكلف شي من تضغطون عل النجمة متاكل بشر والله... ومع ذلك استمتعو بالبارت ورأيكم يهمني وهذا بيت الشعر الكم

💕💕💕💕💕💕💕
يكلهمم :
إﻧـيہ  ادري الاحبها معدلة وام بيت
اذا مشوفني تشمني🍂♥️