شجار ثم حب 😍💙💙💙💙

الثامن

رواية (شجار ثم حب) ♥️♥️💙💙✨✨
نكمل روايتنا...........
البارت ال8
اخر حاجة وقفنا عندها ان سيف حضن بنت وقالها انها وحشتو جدااا وبعدين قال
اقدم ليكم حور اختي
همسه اتطمنت وهديت نوعا ما و مدحت طبعا عارف حور ودنيا واقفة عادي ولكن يوجد هناك شخص مصدوم 😳 وهو مراد   مراد لنفسه: ازاي ازاي اقابلها تاني بعد السنين دي كلها اجي اقابلها دلوقتي وبعدين ازاي مخدتش بالي من اسم سيف اللي نفس اسمها ياااااه وحشتيني اوووي يا حور ونفسي تكوني لسه بتحبيني زي الاول
حور: هاي يا جماعة اذيكم وبعدين بصت لقت مراد باصص ليها ومصدوم وهي كمان اتصدمت صدمة لا تقل عنه شيئا               حور لنفسها: ياااااه اخيرا شوفتك يا مراد انت متعرفش انت واحشني قد اي ولحد الان بانب نفسي اني لسه بحبك ❤ ومش قادرة ابطل اني احبك لان قلبي مبقاش ملكي انا خلاص قلبي بقي ملكك انت وبس ولكن برضو مش هقدر انسي اللي حصل بينا اخر مرة شوفتك فيها
فلاش باك ل مراد وحور بيفتكرو مع بعض
اولا حور و مراد عارفين بعض من اولي ثانوي وجم ف بداية سنة تالتة ثانوي حبو بعض وقررو انهم لازم يعترفو ل بعض ب حبهم
مراد وهو بينده علي حور : لو سمحتي يا انسه
حور اتدورت لقت مراد اللي بينادي عليها قلبها قعد يدق بسرعه بسرعه جامدة لدرجة انها حست انو هيقف او هيطلع من مكانه ف خدت نفس عميق براحة وخرجتة وقالت: افندم حضرتك عايز اي
مراد:  بصي اولا انا عايزك علي انفراد كدة
حور قالت: تمام     وبعدين راحو مكان مش بعيد علي اصحابها يعني هي قدامهم ولكن هم مش سامعين حاجه من الكلام اللي بيتقال
حور: افندم ادينا بعدنا عنهم حضرتك عايز اي
مراد وهو بياخد نفسه بصعوبة و خرجه براحة: بصي اولا انا عايزك تهدي ومتنفعليش من الكلام اللي انا هقوله لاني عارف انك بنت محترمة ومش بتحبي الاختلاط بالشباب ف ياريت تعتبريني مثلا يعني زي اخوكي ثانيا انا زميلك هنا في المدرسة وقدك ف تالتة ثانوي ف عارفك كويس اووي ثالثا بقي ودا الاهم انا بحبك ❤
حور ل لحظة اتصدمت لدرجه انها برقت وفتحت بوقها و وتثبتت مكانها مفيش اي حركة
مراد: اي في اي هو انا قولت حاجة غلط انا اسف بس انا بصراحه مبقيتش قادر انا بصراحه بحبك  من  سنه اولي ثانوي ولكن كنت بكدب نفسي وبعدين لقيت أني بدايق جدا لو ضحكتي مع اصحابك والولاد وهم بيبصو ليكي ف كان بيكون نفسي اني امسكهم اضربهم جامد واخدك اخبيكي جوايا بس للاسف مكنش ينفع وبعدين مكنتش اعرف ردة فعلك هتكون اي  لحد م في الاخر قررت اني لازم اقولك واعرفك اني بحبك واللي يحصل يحصل ف اي رايك بقي
حور عنيها دمعت وفرحت جامد ومش مصدقة نفسها وبعدين قالت: هو انا بحلم ولا لاء انا مش بحلم صح يا مراد انا بحبك اووي ومن اول سنه ليا في المدرسة دي وبقالي 3 سنين بحبك بس مكنتش متخيلة انك انت كمان تكون بتحبني كنت بقول لا دا ولد محترم وملوش في الكلام دا بطلي هبل بقي كدة ومتفكريش تاني فيه بس للاسف مكنتش بقدر امنع نفسي
مراد:لاء انتي مش بتحلمي لاء ي عيون مراد و عقل مراد وقلب مراد وحياة مراد وكل حاجه ف مراد ومتقوليش تاني انك تبطلي تفكري فيا والا هنفخك
حور: حاضر
ومرت سنة ورا التانية وهم الاتنين حبهم بيزيد لحد م ف مرة كان في واحدة بتحب مراد ف قعدت تتكلم معاه ف مرة وقعدت تقرب منه جامد وف الوقت دا كانت حور جت ل مراد وشافت المنظر وبعدين عنيها دمعت وقالت انت طلعت واحد زبالة و حيوان و خاين انا غلطانة اني صدقتك       مراد: استني بس يا حور افهمك
حور: متنطقش اسمي علي لسانك تاني مش عايزة افهم منك حاجة وبعدين علشان تستريح انا هسيب البلد كلها واسافر برة ومش هكمل تعليمي هنا هكمله برة واياك تحاول انك تكلمني تاني او حتي تيجي ورايا انت فاهم كل دا و مراد واقف مش مصدق اللي بيتقال وبعدين حور اقنعت عيلتها انها تسافر تكمل تعليمها برة البلد وفعلا سافرت ومراد من ساعة م هي مشيت و سابته وهو عمال يرن عليها ولكن هي مش بترد
باك
الاتنين فاقو علي صوت دنيا وهي بتقول : هاي اذيك يا حور انا دنيا ودي همسه صاحبتي ودا مراد اخوها وطبعا يعني انتي عارفة الاستاذ مدحت والاستاذ سيف ههه
حور: ههههه اه طبعا عارفاهم........ اتشرفت بيكي يا دنيا انتي وهمسه
دنيا: احنا اكتر
وبعدين قعدو يتكلمو ف الشغل كتييير وكل واحد بيبص علي حبيبتة مراد وحور مركزين اوووي مع بعض بقالهم 5 سنين مشافوش بعض....... وسيف كل شوية يسرق نظرات ل همسه وهو مش عارف السبب ولكن هو ملاحظ غيرتها ونظراتها ل حور اللي بتعبر علي انها مش طايقاها😹 وبعدين تبص ليه بعدها وفضلت علي هذا الحال....... اما مدحت ف هو عمال يسرق نظرات برضو ل دنيا ويقول يا ربي نفس الحركات ونفس الشكل و كل حاجه ف يمني حتي طريقة الكلام بتاعتها لا لا مينفعش كدة انا لازم اعرف الحكاية دي لازم اعرف اذا كانت هي يمني ولا لاء وبعدين قعدو يشتغلو
.....................................*********
في مكان تاني في جامعة الطب
ليليان و ملك قاعدين مع بعض وعمالين يتكلمو
ليليان: يالهوييي انا مش عارفة اعمل اي همسه و مراد مبسوطين في لندن وانا هنا مطحونة في المذاكرة........ بس تعرفي هم وحشوني اووي والله يا ملك
ملك: 😹😹والله مانا عارفة انتي بتحسديهم ولا مشتاقة ليهم ولا اي بالظبط
وبعدين فجاة في حد نادي علي ليليان
وهي اتدورت و اتصدمت
.................................................................
وهنا واقوول شكراااااااااااااااا نكمل البارت اللي جاي بقي
......................................................................
ياتري مين اللي نادي علي ليليان وليه هي اتصدمت
ويا تري دنيا هي يمني ولا مش هي
وياتري سيف هيعمل اي من اللي شافهة وفهمة من نظرات همسه
وياتري اي اللي هيحصل ما بين حور و مراد
هنعرف البارت اللي جاي ان شاء الله
.....................................................................
دمتم سالمين 💖
Omnia💙💙