سجن البنات

سجن البنات ~ الجزء التاسع

سجن البنات:-الحلقه التاسعه
دخل مدير السجن لي الزنزانه لقي الحكومه ((البنت الجديده))تتسهوك ع الحارس قتله ترا غنيلي ماما جابت بيبي ومسكين يغني ونحنا ميتيين بضحك المهم جاها مدير الحبس قلها لوسمحتي نحنا وتينالك دار بروحك نوضي باش تقعدي فيها (طبعا الدار مكيفه وفيها تلفزيون وفيها نت لاكن ميبش يقول قدامنا )قتله الحكومه لالا عجبني الجو مع البنات هنايا اطلع خلي الحارس يكمل الاغنيه 😂😂وبعدين طلبت طلب من مدير الحبس قووووي هلبااا قتله دير للبنات يلي في زنزانتي قهوا ونبيها من يديك لو معجبتنيش بتغسل بيها وجهك 😂😂خطر عليا لما دار للبنت نفس الموقف مع المكرونه الله يمهل ولا يهمك مدير حبس كبيير تلعب بيه وتهينا فرخه 😂😂المهم جابلنا القهوا ونحنا جونا فوق الريح مع انه اليوم بس وصلت بعدها خلتهم يجيبولنا فراشات واغطيه جديده ومواد تنضيف وملابس نضيفه دوشنا ورقدنا احلى نومه الصدمه في الصبح نضنا لقيناها الساعه 1الضهر اول مره نرقدو هكي قبل من الساعه7الصبح يجو يخبطو ويضربو المهم ناضت الحكومه كانت معاها شنطتها قعمزت بي كل ثقه مكيجت وساوت روحها لاكن صدمتنا مش هنايا صدمتنا في الفطور 😂جبنه+مربى+طن+خبزه جديده+حليب+عصير
وكاان تشوفو شن دارت فيهم ههههه نادت ع الحراس قتلهم خلو الفطور هاذا للبنات توا برا انت ولاالكلب يلي جنبك جيبولي كريب خاطري فيه 😂ونبي عصير طبيعي الحراس دخاااان يطلع من وذاانهم ميقدروش يتكلموو لاكن في الليل…يتبع

سجن البنات:-الحلقه العاشره
بعد ما البنت الجديده دارت فيهم العار في الليل مع الساعه 10جو الحراس توكة الفروخ متع 95و96خش الفرخ متع95خش يهزب وميعرفش من هيا الحكومه 😂😂
المهم قالها يا…معش ادخني ومنو خششلها الدخان وكبرت وناضت هيا بدت تقول يافروخ ياميخين والله مفي كلب منكم راجل ياعن………وهلبا كلام جي بيضربها قتله لوانت ولد امك خلي السلاح برا وتعال اضرب وفعلا خلا السلاح برا وخش كلنااا نشبحو شن بيصير وخش هوا ع اساس بيضربها لاكن حكومه ياكبدي طلعت بوها معلمها تكواندو (مهارة الدفاع ع النفس)من لما كانت عيله وطاعت فيه خبط تلوحه فيه زي شكارت السكر والبنات صكرو الباب ويصفقو ويصفرو ههههه مصارعه خشو الحراس طلعو الولد قريب مات من بيت يديها مسكين هههههه بعدها قعمزنا ناضت الحكومه قالت كساد مشت جابت حافضه وبدت ادربك ونحنا نصفقو
حي حي حي حي والحراس كلابي انا
حي حي حي حي مايقدر يقربني انا
حي حي حي حي حارس قدام الزنزانه
حي حي حي حي ومنضره زي الدبانه 😂
حي حي حي حي وزيد غادي تشاو عليك
حي حي حي حي بنات الحبس صقع عليك
حي حي حي حي لو كان ماتعرف اسألني
حي حي حي حي حكومه راني وما تقدرني
حي حي حي حي ليبيا حكموها فروخ
حي حي حي حي كل مانبي نفهم اندوخ 😂👊
وطحنا فيها غناء لااا الصبح جو مش عادي انسينا هموومنا نسينا روحنه محبوسين اصلا وكأن ربي باعت البنت هادي باش تفرحنا وتردلهم يلي يديرو فيه المهم الساعه 2في الليل نص البنات رقدو والباقي مقعمزين نهدرزو خش واحد من جماعة التوكه عطاها شيشه وسكي المهم قعمزت تشرب بعدين ناضت عليها الهبله 😂نادت ع واحد منهم قتله اشبح للحيط شبح قتله قيم رجليك فوق وخلي راسك في جهة اليمين ودرس يديك ع جيهة اليسار 😂😂الولد بدي يرقص هندي معش عرف شن يدير واحني ميتين بضحك خلاااص قتله قول استوب مسكين قال استوب قاتله خنانتك تصب هههههه دارت فيهم العار وجابولها تالفونها تصور في سلفيات وتفتح في اغاني راب وزكره وجو الممر كله يصفق ههههه هبلتهم …يتبع نكرر ونعاود منقدرش نطود الحلقات الكيبورت متعي ميتحملش