"اخبار جديدة
"وصلني ميساج يوريلي وين يسكن القاتل ومترددتش ولو دقيقة باه نروح ليه قلعت بلا منشوف لوراي
"اااااا الحلوفة على بيها غبتي عالجامعة
"وي
"نقلك لافيريتي تقلقت عليك ورحت لدارك ملقيت حتى واحد
"ههههههه بهلول كنت علابالي
"اهه واش عرفتي عليه
"معرفتش بزاف، عرفت بلي سمو وائل الوقت كامل وانا نعس في دارو وملقيت حتى معلومة غير كي فات الوقت
"متكبريش كرشك المهم عرفتي وين جاية دارو
"وي، منحبسش حتى نلقاه ونعطيه طريحة تاع لكلاب
"هههههههه لهدي الدرجة قلبك كحل
"ايه حاجة باينة واش حبيتني ندير نروح نعنقو ونقلو مرسي بسك قتلت والديا
"خلاص خلاص علابالي بلي راسك خشين مي نوعدك بلي نوقف معاك في الصراء والضراء
"ياو قيو
"وشنو
"والو والو. 😑😑
"غير متعولش باه نطلب منك السماح
"على واش
"بسك توخرت عليك
"وشكون ڨالك بلي تقلقت كنت قاعد في رحمة ربي البابيشات يدورو بيا وانا نكحل
"حلاب
"وشنو
"منعاودش هدرتي
"كيما تحبي
"هيا ازربي واش تكوموندي مسنيتش باطل
"ممممممم نقلك حاجة اعطيني ڨاع واش كاين
"وشنو 😱😱
"كيما سمعت 😣😣
"خلاص خلاص مكراشة
"😁😁😁😁
"شوفي نتي كولي حتىتشبعي وكيتخلصي الهربة تسلك نجري ومنشوفش موراي
"شوف اسيدي يعرضني مبعد تخلاص عليا انا لي نخلص 😣😣
"هههههه اني نڨسر برك متزعفيش اسغيورة نتاعي
"😂😂😂😂
بديت ناكل تقول شي جامي كليت انجيليو تشوكا فيا
كي شافني ناكل هكداك شبع مسكين ههههه
انا :"علاه لبست لحوايج هذو جيتي تقول حبة زرودية
هو:"هه خير من حوايجك تقول بادينجانة مصوفة هههههه
"😑😑😑😑 بهلول
اسمعي...... نسقسيك
"وشنو غير الخير
" غير الخير متكلينيش برك
"ممممم فازي واش حاب تقلي
"معندك حتى شعور من جيهتي
"هههه بهلول نعتبرك كي خويا ومونامي بروش
"هذا مكان
"وي علاه نتا عندك حاجة من جيهتي
"ههه نعتبرك ختي الصغيرة
معلاباليش علاه حسيت بضيق كي قالي نعتبرك ختي الصغيرة معرفتش علاه
"اني شوية تعبانة نروح برك
"داكور كيما تحبي
قلعت نجري وفريمو تقلقت ركبت الطنوبيل وقلعت بلافيثاس ، كيوصلت للفيراج منقصتش مالسرعة، حتى خرجة في وجهي طفلة صغيرة وباش منقيسهاش دورت الفولو حتى صطونبيت فالشجرة ومن تما معرفتش واش صرالي
........................................................................
عند انجيليو
"نحبك انجليثا نحبك علاه مقلتلهاش علاه انا فري بهلول مي هي متحبنيش وثجور تيفيثي فيا باه متقعدش معاي نورمال حياتها وهي حرة فيها مفهمتش كيفاع حتى حبيتها ملڨري حبيت نتقرب ليها لاسبابي الخاصة حتى لقيت روحي نجبها اوووووف بهلول
"مسكينة شتي الطونوبيل كيفاخ تهردة وهي دايخة معلابالهاش واش كاين غادتني مزالت صغيرة على الموت
سمعت زوح بنات يحكو على اكسيدو مي مديتهاش فيهم قلت سور هذا كاش اكسيدو صرات، رحت الدار فاشل ڨاع طاحلي المورال لزيرو خبطتها برڨدة لغدوة الصباح ، غدوة مينداك نضت ستيكيت روحي وركبت الطونوبيل وقلعت للجاميعة نسمع فالغاشي كومبلي تحكي على لكسيدو هديك مبعد قتلني الفضول باه نعرف واش كاين سقسيت واحد يقرى معاك
هو"معلابالكش واش صرى
انجيليو"نو واش كاين
"انجلثا
"واش بيها
"البارح كي كانت فالطونوبيل كانت بلافيثاس لي عندها خرجتلها طفلة في الطريق متحكمتش فالطونوبيل دورت الفولو باه متقيسهاش خبطت فالشجرة
انا مفهمت فيها والو حتى نلقى روحي نجري منشوفش مورايا ركبت الطونوبيل وقلعت وصلت لسبيطار سقسيت واين هي الشنبرة تاعها حتى لقيتها لقيت الغاشي ڨاع ملمومين فالشنبرة تقول شي عرس
دخلت لقيت انجلثا مسبولة فالفراش وراسها ملوينو بشاش وحطينلها لكسجين محسيتش بروحي دخلت وبديت نخبط فالغاشي والدموع يسيلو وصلت لفراشها حكمت يدها وقعدت على ركايبي وانا نبكي
"انجلثا متخلينيش وحدي تعيشي افطني علاه لي نحبهم يروحو علاااااااااااااه
وانا نندب هكيك حتى جبدني الطبيب
"خويا اخرجو خليوها وحدها
"كيفاه نخرج واغلى شخص رايح يموت
"متموتش بربي نشالله متموتش نتوكلو على ربي وحنا نديرو لي علينا
كي قالي الطبيب هكيك رتاحت شوية وخرجت معاه قعدت فالكرسي مدمر كامل تمنيت الموت ومنزيدش نشوف المشهد هذاك حتى داني النعاس محسيتش بروحي بعد مدة حسيت بواحد يفطن فيا فطنت لقيتها بنت خالتي اللسقة هديك عنقتني وبدات تقلي "علاش مزالك هنا متقليش برك مقلق عليها نورمال واش فيها كي تموت هي لكسجين تاعك بعد يومين ترجع كيما كنت وديجا هدا مكتوب، الساعة تاعها جات اليوم، كامل رايحين نموتو
كي سمعت واش قالت زدت تكرفست وبداو لينار يطلعو
"نرمال كي تموت يخي كون تموتي نتي ماشي خير(بالعياط) تموتي نتي ومتموتش انجلثا هي عزيزة عليا حبي الاول المسند نتاعي الاكسجين لي نتنفسو لي ثجور تفهمني جامي رجعتني توقف معاي في كل دقيقة ماشي كيما نتي
"😐😐😶😨😨
هي قعدت مبهمة مشوكيا ومبعد هزت روحها ومبانش حسها كامل وبعد 5سوايع وانا قاعد على كرسي طبت مالتحتا وانا نخمم واش رايح ندير كون كشما يصرالها حتى نلقى الطبيب خرج قفزت نجري لعندو
"دكثور كيفاه كاش اخبار جديد
قعد ساكت شوية ومبعد قال
........................................................................
خلاص البارتي اذا عجبكم ادعموني باه نزيد ندير كثر
وشكرا. 😍😍😍😍😍
❤❤❤❤❤❤❤❤❤❤❤❤❤❤
أنت تقرأ
حبيبي رئيس عصابة
Spiritualهاي كيفكم نشاله تكون مناح انا من الجزائر عمري 16 سنة فتاة تسعى لتحقيق حلمها وهو بأن تصير كاتبة مشهورة يتسلى القراء بقراءة كتبي ارجو ان تدعموني، وان شاء الله بالمثابرة وتشجيعكم المتواصل سأصل إلى مبتغاي. روايتي تتحدث عن فتاة فقدت امها واباها فظلت تبحث...
