السلام عليكم
اولا كدا مش انا الي كاتبة الحلقات دي انا نقلاها من واحدة ربنا يجازيها خيرا
يلا صلوا على النبي...♥
اللهم صلي وسلم وبارك عليه وعلى أصحابه وسلم تسليمًا كثيرًا .. أقولكم بقى حاجة جميلة أوي قبل ما ندخل في الموضوع ..
النبي موصينا عليكم .. طيب يعني إيه النبي موصينا عليكم !!
النبي قال كما في حديث رواه أبي سعيد الخدري رضي الله عنه (أبي سعيد الخدري ده صحابي ) أبى سعيد بيحكى : مرة كنا قاعدين والنبي صلى الله عليه وسلم دخل علينا وقال " أيها الناس..يأتيكم من بعدي أقوام يطلبون العلم.. فإذا جاؤوكم قولوا مرحبا مرحبا بوصيه رسول الله وأكرموهم وأقنوهم (علموهم) وافسحوا لهم في المجالس وأقرؤوهم مني السلام "
(النبى بيقول بعد وفاتى هيجى لكم ناس عايزين يتعلموا عني وعن سيرتي وعن حياتي وعن سنتي وقام النبى موصى عليهم ♡.
فاحنا دلوقنى بنعمل بوصيته وبنقولكم : مرحبا مرحبا بوصية رسول الله ♥ إنتوا وصية النبى عليه الصلاة والسلام ..
فالنبي بيسلم عليكم ♥
عارفين النبي بيقول إيه كمان" ما اجتمع قوم في بيت من بيوت الله ، يقرأون كتاب الله ويتدارسونه بينهم إلا وحفتهم الملائكة وغشيتهم الرحمة وذكرهم الله فيمن عنده "
عارفين يعني ايه تحفهم الملائكة ..يعني يكونوا عاملين حوالينا زي دايرة كده وفوقينا ملايكة وملايكة تانية وتالتة ورابعه لغااااية السماء الأولى
...فيبدأ ربنا ينادي عز وجل يا ملائكتي لمَ أتوا؟ (وهو أعلم)، فيقول الملائكة: جاؤوا يطلبون الجنة، فيقول لهم الرب: وهل رأوها ؟! فيقول الملائكة: لا يارب لم يروها ، فيقول الله عز وجل: يا ملائكتي وكيف لو رأوها؟! فتقول الملائكة:يارب لازدادوا لها طلبا وحبا، فيقول الله: يا ملائكتي ومم يتعوذون؟
فتقول الملائكة: من النار، فيققول: هل رأوها؟! فيقولون: لا يارب لم يروها، فيقول الله وكيف لو رأوها فيقولون: لازدادوا منها خوفا ورعبا فيقول الله عز وجل: أُشهِدكم يا ملائكتي أني قد غفرت لهم..فيقول ملك : لا يارب فيهم فلان جاء لحاجة (يعني فيهم شخص مش جاى علشانك، دا كان معدى كده وقعد بالصدفة)
فيقول الله تبارك وتعالى: هُمُ الجلساء لا يَشقى بهم جليسهم قد غفرت له" <3
فى متابعتكم وقراءتكم عن النبى والله عزوجل ده كأنه مجلس ذكر ♡
مرة الصحابة وهم قاعدين سوا بيتكلموا عن ربنا و عن النبى ...فدخل عليهم النبى وقال: ما أجلسكم؟ ،فقالوا: يارسول الله جلسنا نذكر الله (بنتكلم عن ربنا وعنك وعن يوم القيامة وكده ) فقال: آولله ما أجلسكم إلا هذا؟، فقالوا: والله ما أجلسنا إلا هذا، فقال: آولله ما أجلسكم إلا هذا؟، قالوا: والله يارسول الله ما أجلسنا إلا هذا!
فقال: أما إني لا اتهمكم .. ولكني أسألكم لأن جبريل هبط عليَّ وقال: يا محمد اذهب الي فلان وفلان وفلان واعلم أن الله يباهي بهم الملائكة " فربنا بيباهي بيكم الملائكة دلوقتي إن شاء الله حتى لو حد بيقرا الكلام ده بالصدفة
.......................
#خدمة-جرب-تقرب-الدعوية💞
لو حد عنده اي تعليق او اقتراح ياريت يقول
والسلام عليكم ورحمة الله
