من توادعنه الصبر كض بيده فاس
وگام يگطع كل شجر روض العمر
وصار درب الفرگه چن درب الصراط
وياهو هو يگدر على الفرگه يمر
من رحت مات الصبح ظل عندي ليل
ليل هندس شفت بي نجم الظهر
الجروح اثياب لبسن من جديد
ولاكن اعليهن فساتين الحمر
استحي من جروحي واغرگ بالحياء
للجروح الما شفن شخلق عذر
وين ادورك! يا سلف اسأل عليك؟
بيا قصيده الگه وجهك يا كتر؟
ماي البوجهي خلص من گد بچاي
راحت عيوني بغيابك بس تخر
اسرار حبك جانت بعيني تعيش
حدر رمش العين متغطيه بستر
ليش خليت الدمع يفضح هواي؟
ومن بنات اسراري ينباگ الخدر؟!
غابه والهجران وحشه ابلا امان
وروحي ظبيه وساعة افراگك نمر
رد ولو لحضه امشابگ للوداع
ريتي عطشانه النسيمك يا عطر
يم ضريج الشوگ بانيلك مقام
وگلبي شديته اعلى شباچك نذر
طفل گلبي الهسه يدعيلك تعود
جالس بحضرة مقامك ينتضر
صفتنلها وشفت كلشي😢
وعفت كلشي
وگلت بهيده خلي يمشي😿
لحد ما ينطبگ رمشي
واظل مرتاح من كلشي😭
