فصليتي (في قلبي أنثى)

البارت الثالث 🌸

يله نبدي

أمير، بعد ما خلصت من الغدى رحت انام لان كولش تعبان كعدت من نوم كولش ضايج لان نومت العصر ضوجه اخذت موبايلي اتصلت على صديقي سلام

سلام.. هلا اميرر شونك حبيبي
أمير.. هلا بيك ضلعي مشتاقلك يول
سلام... ولله اني اكثرر ابو أسد شنو اليوم ذاكرني اضنك جاي من دوام

أمير.... ايي والله اليوم اجيت الصبح وتدري انت هناك ماأكدر افتح موبايلي لان انت تعرف الوضع

سلام....بليل امنتضرينك احنه والجماعه ب الكهوه
امير... تمام 👌 واني هم مشتاق للمتنه باي حبيبي
سلام... هلا بيك كلبي
أمير.... نزلت الي جوه شفت امي جاي تقره قرآن كتله تقبل الله

ام أمير..... هلا بيك اوليدي منا ومنك صح نووم رتاحيت بنومه

أمير.... اي والله رتاحيت يمه بس شوي تعبان

ام أمير... راح عنك التعب بعد امك يمه شو ضعفان شنو ماتاكل هناك

امير...لا والله اكل بس شغل وتعب ايي صدك وين حنين شو محد ب البيت..

ام أمير.... جوه يمه ب المطبخ جاي اتلف دولمه وي نور... يعني نور هيه مرت اخوه بنت عمه زوجت مرتضى

أمير... هااا يمه اني راح اطلع هسه وتأخر لاتانوني على العشى راح اروح يم جماعتي

ام أمير...... براحتك بعد امك

...............
ديما... بعد مارجعنه اني ومصطفى من المول رحنه البيت جدو وهناك كوله موجوده بنات عمي هلووو بنات

زينب بنت عم ديما... هلا بعد عمري شونج شخبارج حياتي
ديما.... الحمدلله بخير انتي شلونج شخبارج مشتاقين
زينب اني لاشوق ولج وين هل غيبه لاتتصلين ولاشي

ديما.... والله يختي تعرفين جانت امتحانات واليوم اله خلصت لج حتى غرفتي خبصه مامنضفته صايره كَن مالت دجاج

زينب.. هههههه همزين اني اتخرجت وخلصت من هل ضيم
ديما.. ايي والله هنيالج بعدين رحت سلمت على عماتي يله رحت الجدو صحت جدو جدو وينك

الجد... هلا بعد طوايفي هلا بديمه مشتاكلج بويه شلونج بشري مانجحتي
ديما.... بعد عمرري جدو والله اني مشتاقتلك كومات لاوالله بعدنه مامطين النتائج ادعيلي بلكي أنجح
الجد... إن شاء الله اتنجحين وتفرحين

ديما..... بعد ماخلصت العزيمه رجعنه للبيت واني تعبانه كولش كتلهم تصبحون على خير

مصطفى.... شكو شنو اليوم من وقت اشعجب

ديما.... ايي والله تعبانه ونعسانه كولش

ام ديما...... روحي بنيتي نامي اليوم تعبتي يله مصطفى وانت روح نام ساعه ١٢ يا وقت هاذ الي تحجي عنه

مصطفى.... بعد وقت يا ماما انتو نامو اني حروح الغرفتي

ام ديما... ايي روح حبيبي ولاتخلي مراد يسهر خليه انام من وقت
مصطفى..... من عيوني

ديما... بعد ما صعدت فوك رحت اخذت دوش ونمت تسريع لاحداث 

اب ديما..... صباح الخير ام مصطفى
ام ديما.... هلا صباح نور

اب ديما..... اكلج الخميس انروح البصره لأخوي ابو اياد
ام ديما..... هاااا خير ان شاء الله شكو بس لا صاير شي

اب ديما.... لا ماكو شي بس عزمنه على خطوبت صادق

ام ديما...... برفاه والبنين ب الخير ان شاء الله ايي نروح عاد خل اكول الديما اتحضر روحه لان باجر الخميس

اب ديما... ايي حضرو أرواحكم لان باجر من وقت نطلع يله اني راح اروح الدوام مع سلامه

ام ديما.... الله وياك حبيبي

أمير... بعد مارحت الجماعتي وسهرنا منا من صارت الساعه ١٢ بليل كتلهم يله اني اترخص اريد ارجع للبيت هم يا الله

سلام... ايي والله اتأخر الوقت واني هم راح اروح وياك امي لاايضل باله

علي صديقهم.. هههههه ولك حسبالي مرتك

سلام...... الله لايكوله ماريد اتزوج

امير..... دكافي يله سلام أتريد اتروح لو تبقه اني حروح

سلام..... انتضرني ابو أسد يله اجيت

أمير..... رحت وصلت سلام البيته بعدين اني رجعت دخلت للبيت كوله نايمه صعدت الغرفتي ونمت

اب أمير..... يله راح نتأخر ام أمير هم يالله نطلع حتى نوصل من وقت البغداد على وقت الحجز
ام أمير..... ايي خلصت يله انروح

حنين.... ديرو بالكم من الطريق وتصلو بيه من توصلون
لاب.... إن شاء الله بنيتي يله مع السلامه

حنين... الله وياكم

مرتضى.... لو رايح وياكم مو احسن

لاب..؟ لا يبني انته ضل هنا وي أمير ب لبيت

انتضروني ابارت جديد ولاتنسوا تفاعلكم وصدكوني للأحداث الجايه حلوه وتجنن او مشوقه لاتنسو التصويت