كراش النش

الحلقہہ_27_

گراش النش 🙈

الحلقہہ_27_

احلا حمى ❤

وهرعت للقرآن عند مصيبتے
وتلوتہہ فوجدت فيہہ ثباتے
مہما تعبت فقد أنست بمصحفے
لولا القرآن لما فرحت حياتے

تلفون مهند دقه بس م صحى بيهو طوالي دقة تلفونيوتين صحيت في المكالمه ال3 عاينت لقيت المتصل عمو عبد الله بااجد انخلعت وفتحت الخط
وتين .. الو
عبد الله .. صحي مهند ي وتين
وتين .. حاضر
مشيت غرفت مهند فتحت الانوار وبقيت بصحي في مهند
مهند..ااااااا
وتين .. عمو عبد الله في التلفون
مهند عاين لساعه وشال التلفون بي سرعه
مهند .. ان شاء الله خير ... الو
عبد الله .. مهند
مهند .. ايوا
عبد الله .. مصعب حصل ليهو حادث
مهند .. شنو 😳😳😳
عبد الله .. حسام اتصل بي اسي وقال حالتو خطرة شديد 😭
مهند .. لا اله الا الله .. حسب يا الله ونعم الوكيل 😭
عبد الله .. نحن حنسافر وانت اقعد مع مرتك و ريناد
مهند .. اقعد وين انا معاكم مسافر
عبد الله .. ماف طريقه ي مهند ريلاند جامعتها وجامعه وتين وغير كدة لازم يقعد معاهم راجل
مهند .. ي الله 😡
قفل التلفون بي زهج
وتين .. ان شاء الله خير
مهند .. وين الخير ي وتين مصعب عمل حادث
وتين .. 😳😳😳 شنو
مهند .. 😔
وتين .. لا حول ولا قوة الا بالله
مهند.. وقالو م اسافر احرسكم اتخيلي الاوامر ي وتين انا راجل وهو لسه بأمر فيني
وتين .. في الاخر ابوك والله بسألك من حقو
مهند .. حتقعد معانا ريلاند الفترة دي
وتين .. بجد
اومأ لي بي راسو وسكت مسافه وهو بعاين للسقف شال التلفون واتصل بي حسام طمنو انو كويس واتجاوز مرحله الخطر وكدة
الساعه 9 كدة جات ريلاند وكانت بتبكي شديد حضنت مهند 😭 خايفه عليهو ي مهند 😭 م بقدر افقد زول تاني من اسرتي كفايه امي ي مهند كمان اخوي
مهند حاضنها عليهو بي قوة  .. اششش م بحصل شي لي مصعب .. مصعب راجل حاقوم من الحادث دا زي الما حصل حاجه
طبعا عم عبد الله وخالتو ابتسام طيارتهم الساعه 1 طبعا رنين مشت زيارة لي راجلها
يلا جهزت ليها غرفه ورتبت ليها ملابسها واغراضها بعد م انتهيت لقيتها نامت من كترت البكا 😢
مشيت غرفتي لقيت مهند منتظرني فيها
مهند .. وتين
وتين .. ايوا
مهند .. نحن مفروض نقعد في غرفه وحدة بس فترة ريلاند معانا
وتين .. طيب نقعد في غرفتك ولا غرفتي
مهند .. غرفتي
وتين ..ااا
مهند .. الصور حالمهم في مكان امن
المهم شلت لي قمصان بيت ومشيت على غرفه مهند لقيتو فضى لي نص الدولاب
مهند .. امشي جيبي باقي ملابسك ياخ وعطورك ومكياجاتك ريلاند دي بتحب شي اسمو فتيش الغرف
وتين ..😂😂😂
جبت حاجاتي كلهم وساعدني فيهم مهند
مهند .. الدرج دا ختي فيهو ال ال
وتين .. طيب 
طلع مشيت جبت فياتين كدة قصيرة والكلامات ديك 🙈 وملابس الد.. وختيتهم في الدرج دا وقفلتهم 😚 نزلت المطبخ عملت الفطور وخيتو في السفرة مشيت صحيت ريلاند
ريلاند .. اسم الوجبه دي شنو
وتين .. فطور 😒
ريلاند..😂😂 الساعه 3
وتين .. 😂😂 ي بت نحن للان م عندنا توقيت فطور ثابت 😂😂
ريلاند .. ااا وتين يعني ماف داعي تلبسي مني كدة اخدي راحتك في البيت عادي واعتبريني م موجودة م تحسسيني اني متقله عليك
وتين .. معقولة ي ريلاند
ريلاند .. طيب خليكم طبيعين يعني ولبسي لبسك القاعدة تلبسي عادي في البيت
مهند .. احم
ريلاند .. احم شنو م تتجسس علينا 😂😂
المهم بعد الاكل ريلاند قالت عايزة تعمل القهوة وانا غسلت الصحون نضفت الصفرة وقعدنا شربنا القهوة وطلعت الغرفه جا لاحقني مهند
مهند .. بتبالغي ي وتين ياخ 😒 كنتي تلبسي ليك شي مناسب لي زوجه في بيتها كدة ياخ بتحس انها مضايقانا 😑
وتين .. خلاص فهمنا م تديني محاضرة
فتح دولابي وطلع ليهو خمسه قمصان طولهم لقايت الركبه كدة
مهند .. البسي في ديل لقايت م اخد ليك تاني ديل مناسبات شديد
وتين .. م حاقدر البسهم
مهند.. ي بت ريلاند دي بت زيك
وتين .. وانت بت زي
مهند..😕 انت ي بت مجنونه انا راجلك
وتين 😒😒😒
المهم لبست لي واحد من القمصان ونزلتا وانا في السلم حسيت بي احساس كدة غريب حاسه بي نفسي م قادرة ومهبطه شديد مشيت اامطبخ اكلت لي جبنه وشربت لي عصير مانجو كنت عايزة اعمل الاداء بس م قادرة😢 وما ممكن اتكل على ريلاند .. اتصلت على مهند
مهند .. الو
وتين .. كيفك مهند وين انت
مهند .. مع زياد في حاجه
وتين .. لالا بس كنت عايزة اقول ليك لو بتقدر تجيب لينا اكل جاهز ولا اطلب لينا  Delivery 
مهند .. ليه حاسه بي شي
وتين .. لا بس م عندي نفس اطبخ
مهند ..😂😂😂 سمح

عند مهند

قفلت الخط من وتين لقيت زياد بعاين لي
مهند .. مالك
زياد .. اول مرة اعرف انو ضحكتك حلوة 😉
مهند .. زياد قوم من وشي
زياد .. دا كلو بي تلفون بس منها
مهند.. زياد
زياد .. خلاص سكتا .. اها قلت لي العرس كيف
مهند .. هو انا صقت للعرس طعم
في نص ونستنا ديك جا داخل علينا متولي
متولي .. اووو عريسنا المختفي
مهند.. ولي ي ولي
متولي ...بالمناسبه كلم مرتك انو نتيجه الفاينل قربت تظهر
مهند .. انت شوم والله
متولي ..شكرا
مهند .. قالو لي الايام دي خالط واعترفتا وماشي تخطب وكدة
متولي 😂😂 الشمار وصلك كيف
مهند ..سمعت مريم بتتكلم مع وتين وفرحانه شديد كانت
متولي ..😂😂 اي والله عايز اكمل ديني بعد كدة
مهند .. بكرة حتندم
متولي .. الله لا جاب الندم
مهند .. اسأل مجرب
انا بتونس معاهم وبالي مشغول مع وتين اول مرة تطلب مني اكيد م قادرة تطبخ ومتحسسه من ريلاند
متولي .. هوي انا بتكلم معاك
مهند .. معليش م منتبه معاك ... عن اذنكم عندي اتصال مهم انتهي منو واجيكم

عند وتين
كنت في المطبخ وتعبانه شديد 😢 وما قادر اقوم وبطني طامه شديد بالجد تعبانه حاسه بي نفسي عايزة اموت عديل 😭 فجأه افوني رن

مهند .. الو.. كيفك ي وتين
وتين بصوت مرهق..  تمام
مهند .. صوتك مالو كدة
وتين 😭😭 انا تعبانه
مهند .. بسم الله مالك
وتين .. م عارفه بس حاسه اني عايزة اموت😭😭
مهند.. مسافه الطريق واكون معاك

عند مهند
بالجد قلقت عليها
زياد .. مالك ي زول متوتر كدة
مهند .. وتين صوتها م عاجبني وقالت تعبانه ماشي عليها

عند وتين
 
جات ريلاند المطبخ

ريلاند .. وتين ؟؟
وتين .. ايوا
ريلاند .. مالك 😳 جسمك واشل مويه كدة وعيونك واقعات
وتين .. م عارفه والله بس حاسه اني عيانه
ريلاند .. الف سلامه عليك ارح غرفتك ارتاحي حبه
وتين .. كويس
وقفتا حسيت بي انو رجولي م شايلاني لكن قلت النتقدر المهم اول م رفعت رجلي في السلم حسيت بي اني م شايفه شي وجيت واقعه بس ريلاند ثبتتني

عند مهند

وقفت العربيه و دخلت البيت لقيت ريلاند ساندة وتين وطالعين السلم بس قبل م افتح خشمي وتين جات واقعه في ريلاند جريت عليها
مهند .. امشي جيبي توب
ريلاند مشت جابت ليها توب ولبسناهو ليها وشلتها رقدتها ورا مع ريلاند مشيت وانا م شيف قدامي بالجد خقت افقدها 😢 وصلت المستشفى وما عارف نفسي وصلت كيف 💔 شلاها والاطباء قامو بالواجب معاها 😪

عند وتين

فتحت عيوني لقيت معاي في الغرفه مهند قاعد وخاتي يدينو في وشو باين عليهو متوتر من شي قمت فلاحظ لي مهند وجاني

مهند .. بقيتي كيف
وتين ... تمام.. عندي شنو ؟
مهند بتوتر .. بالنسبه يعني
وتين .. بالنسبه للاحساس الحسه بيهو دا
مهند .. ا ا ا ا ا

هاي ✋
گل سنہہ وانتو بخیر ❤
رايكم في البارت
وتوقعاتم للبارت الجاي ؟؟
ووتين عندها شنو ؟؟

# à7làmàl6følà ♡