كراش النش

الحلقہہ _ 18 _

گراش النش 🙈

الحلقہہ _ 18 _

الليلہہ ووووب 😂😳

..

إذا أغلقت الشتاء أبواب بيتگ وحاصرتگ تلال الجليد من گل مگان ، فانتظر قدوم الربيع وافتح نوافذگ لنسمات الہواء النقے وأنظر بعيداً فسوف ترى أسراب الطيور وقد عادت تغنے ، وسوف ترى الشمس وهے تلقے خيوطہا الذهبيہہ فوق أغصان الشجر لتصنع لگ عمراً جديداً وحلماً جديدا ً.. وقلباً جديداً ...❤🍃

..

عهد.. طيب قول لي كيف حنتخلص منها
ميدو ...........................................
      ...........................................
      ...........................................
ميدو... اها رايك
عهد... 😼ظابط

عند وتين

مهند .. يلا ي وتين
وتين .. يلا شنو انا م راجعه تاني بيتكم على البيت طوالي
مريم ... OMG (اختصار ل Oh My God ) 🙊 كنتو سوا في نفس البيت 😆
توحه .. اهاااا عشان كدة الرومانسيه دي كها الليله والوصيل لقايت باب القاعه 🙊
متولي .. وما عايز يفوت البمبيه الليله 😂
وتين .. انتو بتقولو فشنو 😳
مهند .. ديل قليلين ادب م تشتغلي بيهم
مريم بصوت خبيث ... قليلين ادب 😂
مهند .. قومي ارح انتو حتفسدو لي مرتي
متولي .. اوووو متاكد عشان كدة سايقها مننا
مهند .. انا بغلط معاك 😡
مريم .. روق المنقه نحنا م قلنا الا الحقيقه 🙊
مهند .. وتين .. يلا بينا
طلعانا وديل قعدو يضحكو قليلين ادب 😑 كنت عايزة اكاوين واكد ليهم كلامهم الفي راسهم دا بس خجلت من مهند 😶
يلا ونحن في باب البمبيه نتلاقه بي ميدو و عهد
ميدو ... اوووو العريس قالو لي عرستا وما وريتنا
مهند .. والله ي ميدو كنا مستعجلين ياخ 😂 (ومسك ايدي) الزول لما اكون عايز وحدة تبقى حلالو بجد تاني م بفهم شي الا هدفو دا .. انا شاء الله حاجي اليوم الحتفهم كلامي دا 😂
ميدو .. ما مشكله .. لكن لازم في العرس ننعزم وكان م انعذمنا حنجي
ميدو .. على وين
وتين .. يتنا
عهد .. شنو 😳
وتين .. موصلني بيتنا م تفهمي غلط
مهند عاين لي بي طريقه غريبه بي صراحه انا ناسيه انو هو جنبي 😥
المهم استأذنا منهم وركبنا في العربيه طعا اول م هو دخل وانا قفلت الباب قعد يعاين بي عين غريبه
وتين .. مالك بتعاين لي كدة
مهند .. ماف شي
وطوالي دور عربيتو واتحركنا ونحنا في طريقنا للبيت نزل اخد ليهو حاجات في كيس كبير كدة وختاها في المقعد الورا .. وصلنا البيت اول ما نزلتا هو كمان نزل ضربتا جرس الباب و هو وقف جنبي بي كيسو دا جا بابا فتح الباب وشافنا سوا ابتسم
رامز .. اتفضلو
دخلنا وسلمت على ماما
مشاعر .. البيتنا نور ي مهند
مهند عاين لي ... منور بي ناسو
يلا ماما و بابا انتبهو 🙊
مهند .. حمودي وين الليله
مشاعر .. بلعب في غرفتو
حمودي .. عمو مهند 😄🙌
مهند .. حمودي حبيب عمو تعال شوف عمو مهند جاب ليك شنو
حمودي ... ييييييييبه عمو مهند جاب لي كيس كبير
مشاعر .. ليه كدة ي مهند
مهند .. ي جماعه ولد مع عمو مالكم خلوهم ولا شنو ي حمودي
طبعا حمودي بس حرك راسو وهو بفتش في الكيس شويه كدة رفع Kit Kat
حمودي ... وما حاديك معاي من اسي عشان تكوني عارفه
طبعا مهند قعد اضحك
مهند .. هنودي كان م اديت معاك وتين انا تاني م حاجيب ليك
حمودي .. خلاص حاديها 
فتح ليهو وحدة ومدا لي قطعه صغييييييرة
حمودي .. هاك دي ثمح
امي وابوي ومهند قعدو اضحكو وانا بجد حمودي غايظني الله اطلع مهند لكن هو لايوق الحاطلعو اسي شنو
المهم قعد شويه كدة وقام مشا قدمتو بابا بعد م مرقو طوالي جيت جاريه شلت شوكولاته من حمودي واكلتها بي سرعه وحمودي قعد ابكي وشلت تاني وحدة اكلتها وحمودي يبكي بي اعلى صوتو وانا بفتح في ال3 اشوف ليك مهند في وشي اتخيلو الموقف 😓 براحه ختيتها لي حمودي في كيسو وابتسمت بي طريقه بلها لي مهند وطلعت غرفتي ☺ شويه كدة وتلفوني جاتو رساله

مهند ... انا عرسو لي شافعه
وتين .. 😑
مهند .. على فكرة الايموجي دا بشبهك
وتين .. ودا 🐒 بشبهك
مهند... 😂😂😂😂💔
          م قلت ليك شافعه
وتين ... انت وين
مهند .. في الطريق لي بيتنا
وتين .. وبتتكلم رسائل وانت سايق

ترن ترن ترن

مهند يتصل بك 📲

مهند .. الو
وتين .. متصل اسي لشنو اليوم كلو انت في وشي
مهند .. م قلتي م ارسل وانا سايق يعني اتصل بيك وخجلانه تقولي لي
وتين .. مهند بطل الوهمنه يلا اقطع وشك
مهند .. سمح 😂 يلا لي بعدين
وتين .. شنو
مهند .. يلا سلام
توت توووت تووووت
وفصل المكالمه

وتين .. عبيط ..قال لي بعدين 😒.. هو انا الله حلاني منك عايز تبراني بعدين كمان
قفلت تلفوني ونمت م صحيت الا تاني يوم
صحيت من الصباح بي نفسيات فل لبست لي اسكيرت اسود وبلوزة بيضاء مشكله بي الكبدي ولبست لي طرحه وجزمه وساعه كبديات عملت لي مكياج خفيف و نزلتا من غرفتي لقيت ماما وبابا بشربو في الشاي

وتين .. صباحو 😄
رامز .. يسعدو
مشاعر .. الليله م شاء الله
رامز .. اصلا بتي ما شاء الله الله اديك العافيه ي مشاعر صنعتي لي ماركه
وتين .. دا كلام ايه ي بابا 🙊 راعي للاطفال الجنبك ديل
مشاعر.. وينهم الاطفال ..ما تقولي لي الناس البقو برجالهم
طوالي عاينت ليها كدة 😑
قعدو ادحكو واهزلو بي واشغلوها لي 😒 لما زهجت من العجايز ديل
وتين .. انتو م عندكم موضوع وانا عندي جامعه يلا باي
رامز .. استني حاوصلك في طريقي
وتين .. ظابط يلا عشان م اتأخر على Lecture
رامز .. طيب يلا

وصلت الجامعه وحضرت محاضرتي ومشينا قعدنا تحت الشجرة انا وتوحه و مريم فجأة تلفوني اتصل

ترن ترن ترن

خالد يتصل بك 📲

طبعا اول م شفت اسم خالد قلبي عمل شح . .. خالد و متصل بي اكيد بكون غلط ساي ابيت افتح وصمت التلفون
مريم .. تلفونك بدق ي تنويه
عاينت لي تلفوني تاني لقيتو متصل كدة اتأكدتا انو م قلت طوالي رديت

وتين .. الو
خالد بصوت مهزوز .. كيفك وتين
وتين .. بخير
طبعا في سكوت عجيب حصل

وتين .. اااا اتصلت لي شنو ؟؟
خالد .. عايز اقابلك

طبعا طوالي قمت من جنب توحه ومريم لانو بقو بعاينو لي

وتين .. لشنو
خالد .. موضوع مهم شديد
وتين .. م فاضيه ي خالد
خالد .. عليك الله ي وتين
وتين .. طيب متين
خالد .. اسي
وتين .. م جادي صاح
خالد .. انا جادي وانا اسي في ماليزيا
وتين .. قلت شنو 😳
خالد .. في ماليزيا والله
وتين .. جايه عليك لكن 5 دقايق بس
خالد ... طيب 

ما عارفه الخلاني اوافق شنو بس وافقت

قفلت الخط ورجعت لي ناس مريم وتوحه
وتين .. عاينو انا ماشه ماليزيا وجايه
مريم .. لشنو
وتين .. عندي موضوع انتهي منو وبجي
توحه .. طيب انتظري نجي معاك
وتين .. لالا بجي اسي دي
طبعا توحه ومريومه عاينو لي بعض وقالو لي سمح
انا اتحركت علي ماليزيا بس م شفتو دخلت لي جوا كدة القاهو ليك قاعد من ما شافني جا علي وحضني طبعا انا اتحيرتا صراحه ويا ريت لو بس كدة بدا اتمادا واقل في ادبو وانا بقيت اقوي فيهو وهو لسه متمادي زيادة 💔 وانا بديت اصرخ بس ماف امل طلع بي فالسلالم ولصقني مع الحيطه وقبلني 💏 بس فجأة اسمع ليك صوت صفيق و.....

هاي
البارت صغير معليش 🙊
يلا بكرة نشوف الحصل شنو
البارتات الجايه مولعه نار 🔥

# à7làmàl6følà ♡