فتيات على عهد الالتزام 💚🌷

قصة قصيرة

#قصة_قصيرة
" الارتباط والعلاقات في الاسلام "
ملك : ازيك يا حنين عاملة ايه وحشاني .
حنين : ازيك ياحبيبتي انتي كمان وحشاني والله .
ملك : بقولك ايه كنت عايزة أسألك علي حاجه .
حنين : اسألي ياحبيبتي .
ملك : اصحابي دايما بيتكلمو في موضوع الارتباط والحب وفي كذا واحدة مرتبطة وواحدة منهم قالتلي ان واحد عايز يرتبط بيه وانا مش عارفه اقولها ايه من رأيك انتي أوافق ولا لا .
حنين : بصي ياحبيبتي انا هكلمك في موضوع وبعد ما أخلص كلامي انتي قرري هتوافقي بكده ولا لا تمم.
ملك : طيب تمام .
حنين : بصي احنا الاول هنبدأ بمعني كلمة حب الحب دا لسه معنيان المعني الاول حب المكرونة بالبشاميل الي ماما بتعملها 😂 والحب التاني هو ميل فطري بين الولد والبنت يعني مثلا ممكن للرجل أنه يحب امرأة ويتعلق بيها جدا وممكن امرأة تحب رجل وتتعلق بيه برده وقال رسول الله "صلي الله عليه وسلم " (الأرواح جنود مجندة فما تعارف منها ائتلف وما تناكر منها اختلف ).
ملك : طيب ما الحب حاجه جميلة اهو امال في ايه .
حنين : استني عليه بس لسه مخلصتش كلامي.
حنين : بصي ياحبيبتي الحب والارتباط موجودين وكل حاجه في الإسلام بس اكيد الله عزجل مش هيسيب الموضوع كده بدون ضوابط .
ملك : ازاي ..؟
حنين : يعني ياستي ربنا وضع الحب والمودة في مكان يليق بيها وهو شرع الزواج الي هو الارتباط الشرعي يعني الحب موجود في الاسلام بس فقط داخل إطار الزواج .
ملك : طيب امال ايه الارتباط بين الولد والبنت خارج إطار الزواج دا اسمه ايه ....؟
حنين : الله عز وجل حكم علي تلك العلاقات بالتحريم لان هيه لا تزيد الرجل والمرأة الا فسادا وهذا هو الذي يجر إليه عمل الشيطان ؛ قال الله تعالي " يا أيها الذين آمنوا لا تتبعوا خطوات الشيطان ومن يتبع خطوات الشيطان فإنه يأمر بالفحشاء والمنكر " .
ملك : يعني الارتباط خارج إطار الزواج دا من عمل الشيطان ...؟
حنين : أيوة بظبط كده لان هيه في البداية بتبقي لذيذة وجميلة وبعدين الشيطان بيبدأ يجرهم لطريق الفاحشة والمنكر .
حنين : قال الله تعالي " ولا تواعدوهن سرا إلا أن تقولو قولا معروفا "
حنين : المواعدة والحب والارتباط خارج إطار الزواج زي ما قولتلك دا حكم الله عليها بالتحريم .
ملك : طيب انا كده عمري ما هوافق بكده مادام دي حاجه تغضب ربي.
حنين : أيوة كده يا ملوكه اوعي تقبلي ابدا بأي حاجه تغضب ربك ابداا وحاولي دايما تكسبي رضا ربك .
ملك : حاضر شكرا يا حنين مش عارفه من غيرك كنت عملت ايه .
حنين : الشكر لله ياحبيبتي لو عوزتي تتكلمي في أي حاجه ابقي قوليلي انتي اكتر من اختي .
ملك : طيب سلام بقي انا همشي وهجيلك بكرا إن شاء الله.
حنين : سلام ياحبيبتي .
#فريق_فتيات_علي_عهد_الالتزام
#روان_حسام