#راقت لي....🖤
مامعو ولا ليرة .. رح يلتقوا بعد شوي ..حابب يهديها وردة
فجأة بمر ختيار عم يجر عرباية ورد قدامو ..
قرب لعند الختيار وقلو ...🖤!
عمي..
- بتعطيني وردة وبوعدك أعطيك حقها بس يصير معي ..؟؟
- لمين بدك تعطي هالوردة ياابني ؟؟
- للبنت يلي بحبها وبتمنى تكون شريكة حياتي بس الله وكيلك مامعي ولا ليرة..
-
بيتطلع فيه البياع وبيضحك .. خود قد مابدك ورد ..مسامحك بحقن بس لا تخلي الوردة يلي بقلبك تزعل..🖤
-
بتجي حبيبتو بقدملا الوردة ...بتفرح فيها ..بتبهدلوا ...
- ليش حطيت مصرياتك ع الورد ..
حبيت شوف ضحكتك..🖤
- وجودك بحياتي هو سبب ضحكتي
-
بعد سنتين الله بيرزقوا وبصير جاهز للخطبة...
اتفقوا يزورهن يوم الاتنين ع الساعة 7 المسا
دخلوا ...سلموا ع أهلها وقعدوا..
أول ما اجت عينو بعين أبوها تلبك وحس بكهربا عم تمشي بجسمو ..🖤
عمو أنا وين شايفك ؟؟ قرب منو أبوها وقلو ....!!
لا تتلبك يلي بيعمل أي شي ليسعد بنتي هاد بيستاهلها .. أي لك ابني أنا بياع الورد
مو عيب تكون فقير ..🖤
يمكن وردة يمكن ضحكة المهم نحب من قلبنا..🖤
