حَبِشْكّلاٌِتـ شُلِّهٓـ بَهُلِوٌلّـــ✌️

بارت مهم جداً

مرحبا حبايب شلونكم

شبيهة عيونج تردين تبجين ؟
سواد بعيونج بالكوة تحجين !
شبيج احجيلي لتخافين ؟
ليش هواي ذبلانة ؟
شنو متعب معانيج ؟
اول مرة اشوفج هيج كبرانة !
اول مرة احس مكسورة تمشين !
واني اللي اعرفج اقوى انسانة !
شكد مكابرة وهلكثر تعبانة !

✨❤❤

حابة اليوم احجي وياكم بموضوع مهم وهوة الحب عن طريق النت طبعاً هذا شي كلش شائع وكلنا نعرفه وسامعين بي وبعضنا عايشينه بس هل هو صادق بنفس مقدار شهرتة ؟؟

اني من الناس جنت ما آمن نهائيا بشي اسمه حب عن طريق النت اصلا الحب بأساسه مجان عندي بي ثقة أو ايمان تام لأن بمجتمعنا هذا شي محرم ع البنية واكو حالات بنية مجرد تنعجب بواحد وتنكشف اهلها يعتبروها عار بالنسبة الهم فما بالكم عن طريق النت رغم ممكن اخو هاي البنية نفسه عندة علاقة او يحب وحدة عن طريق النت اهلة مارح يمانعون ارتباطة بيهة بأعتبار هذا اختياره وهوة يتحمل نتيجته وابنهم واعي ومسؤول والمقارنة بين الاثنين يعتبروها عادلة مثل كفة الميزان بينما هما مديشوفون مقدار الظلم بهل اجرام اللي يرتكبوا بحق بنتهم من يحرموهة من أبسط حقوقهة وهوة الإرتباط بشخص من اختيارها هنا دا احجي في حال كان الطرفين صادقين

زين واذا واحد منهم جذاب بشكل عام بدون ما اعمم فأغلب الخداع بهيج حالات يكون من الشباب بنسبة %95 واللي يكول لا هذا الحجي جذب فهوة ضمن هاي النسبة لأن اللي واثق من نفسة رح يفهم انو هوة ضمن ال5 الباقية فأنتة يا اخي اذا مو كد الحب ليش تسوي نفسك انتة وبس وتعيش بنية أول حب بحياته أحلام كله چذب وما ألهة اي علاقة بالواقع عبارتين لتنساهن ابد

اللعنة على من هان واستهان
ونسي أن الدنيا كما تدين تدان

و

الاهمال بعد الاهتمام هو قتل نفس بغير حق

ترة اكو بنات الحياة وية اهلهن موت بالنسبة الهن مداحجي بس من ناحية مادية اكو بنات يكونن قنوعات اكثر من الشباب والعكس ماكو نسبة ثابتة
الموت انو تكون عدها عائلة اب وأم وأخوات وخوات وبينما هية بنصهم تحس بالوحدة وانها غريبة كأنو هذا الجو مو جوها تعرفون شكد تجرح الگلب هاي الاحاسيس تحس بالموت وتجيك افكار عن الانتحار اني من الناس بسبب التباعد الاسري والضغط النفسي حاولت الانتحار مرتين

بس المهم فكرة انو هاي الوحدة تخلي البنية تنجذب تجاه الشخص اللي تشوف منه هذا الاهتمام بالواقع او النت رح تكولون شلون الولد يعرف حالتهة قابل مراقبها ؟؟

الانثى متحتاج مراقبة لأن مشاعرها مهما حاولت اخفائها تطغى ع ملامحها وتفضحها مهما گالت ( اني زينة مابية شي ) و الشباب بطبيعة الحال عدهم قدرة على اخفاء مشاعرهم وكان احزانهم بشكل يخلينا نصدك انو حياتهم هادئة وتبقى البنية تنجر بكلامهم المعسول

سؤال لكل شاب يستغل هيج حالة للبنية

شتحس بلة ؟؟

ترة ممكن بيوم من الايام تكون اختك وحدة من ضحايا هذا الاستغلال القهري وترة هذا اغتصاب نفسي ولتصير فيلسوف وتكول مو هيج لا هيج ونص

كلمة اخيرة

لو شما لعب الشيطان براسك تجاه أي بنية عسمى وحدة بلا اخلاق
فأول شي باوع ع اختك وتخيلها بالمنظر اللي ابالك وگلي تقبلها

وثاني شي اذا وحدة مو زينة ونصحتهة اكثر من مرة وما أخذت بنصيحتك لتحاون تأذيها أو تهددها أو تستغل ضعفها اكو رب يحاسب ماشي

رجاءا سوو تاكات لاكبر عدد ممكن حتى يقرون البارت واسفة طولت عليكم بس حجي بگلبي وطلعتة كله

الوردة السمراء
kaaa81212