سيدَ قلبي 🧡

بارت ٤

بسم الله الرحمن الرحيم

عانقيني بعيناكِ فأني ضعيفُ القلب
أمامَ هذهِ النظرات العميقه
ضعيني كُحلاً بجذورِ رموشكِ
أتخلخلُ وأضيعُ بينَّ ثنايا جفونكِ
أبحثُ عن وترٍ لأعزفُ نشيدَ وطنًا
ماتت بهِ الكثيرُ منَ العيونِ وبقت عينًا
تحكي وتروي وصفَ معشوقها لعينيها
الذي كانَ يسكنُ بينَ الرموش
ذلك صاحب الوجه البشوش
ما عادَ موجودًا ماتَ وسقط على الوتين
وسالَ كُحلي معهُ على الوجنتين
🤍💜🤍💜🤍💜🤍💜🤍💜🤍

أ

قروا الملاحظات جوه كولش مهمه بخصوص الروايه 💕 قراءه ممتعه

بعد مرور شهر....

غرور (مر شهر على وفاة ماما وبابا ولسه مامتقبلين وفاتهم ولا صورة وفاتهم تطلع من عقلي نفسيتنا اني ومحمد تعبانه كولش بس تعايشنه ويه هذا الألم محمد رجع للشغل واحنه بعد يومين يبدي دوامنه)

الكل مجتمع في غرفة الجلوس..

امنه: خلونه نروح نشتري ملابس

زهراء : فكره والله هم نطلع من هذا الجو الممل اول مره تفكرين ب شي بيه خير أمنه هانم

امنه: بله انتي ماتنچبين وتسكتين لو تردين اگوم اكفشچ

زهراء : هه ضحكتيني يله تعالي ونشوف من تكفش الثانيه  بس حچي انتي مابيچ خير لذلك لا تحچين شي متسويه😉😏

امنه:😡وچ زهيره اليوم اسحلچ (رادت تگوم بس لزمتها فاطمه)

غرور: چان استحيتن من عمو سيف گاعد وهيچ تسون

ليلى : علساس عمچ سيف ماشايفهن شلون يتكافشن😂 المهم فكرة أمنه حلوه ليش ماترحن تشترن ملابس ومنها تغير جو غرور حبيبتي

غرور: لا خاله اني مااروح مااريد ملابس عندي هواي( والتفت على محمد)

محمد( باوعلها وابتسملها) :لا غرور حبيبي ليش متشترين شي انتي هيچ وقت صارعه راس ماما على ملابس

غرور(وهي مخنوگه) : لا هاي قبل مو هسه هسه مااريد وصعدت لغرفتها

محمد : استغفر الله ربي شحچاني هسه اني

سيف : ماحچيت شي غلط انتو لازم تتقبلون هذا الشي وتتعودون عليه

محمد اكتفى بهز رأسه بحزن