رحت راسلت حسين
علي: هلو ضلع اريد رقم اختك دزلياه
حسين: لك اليوم انعل والديك تصاحب بأختي
علي: ههههههه ددزه
حسين: اهججك من البيت اطلعلي
علي: صعدت الغيره عدك بعد اخوك دزلي رقمهة تغار ع اختك من رجلهة والله ددزه يلا اريد احجي وياهة
حسين: هههههههه مو عيب عليك تصاحب بااختي
علي :لك دزه 😂😂
حسين: ههههه هسة ثواني
علي: منتضرك ضلع
حسين : ماشي ضلعي
علي اجاني الرقم راسلتهة ماترد اخابرهة ماترد
وره ربع ساعه راسلتني
زينب: منو
هو جذب ادري بيه😂
علي: اني علي خطيبج شلونج
زينب: اسفه ماعرفتك لان رقم طلع
علي: لا عادي ادري
شلونج عيني
زينب: زينه
علي: دومج
زينب : يديمك
علي: تره كلش حلوه طالعه اليوم
زينب: من ذوقك
علي: ولو ماشفت شيء منج بس ع الجايات انشالله
زينب: انشالله
علي: مشغوله خاف تردين ترحين ؟ حبيت اراسلج حتى رقمي يثبت يمج ورقمج يمي
زينب: تمام حااثبته
علي: تعبانه مو
زينب: اي والله تعرف صالون ولود قوي
علي: ماشي اخذي راحتج تصبحين ع خير
زينب تلاقي الخير
سديت المراسله والله فد مريحه ومؤدبه وكلش حلو الحجي وياهة حيل اريحيه
بقيت اليل كله اني افكر واتكلب
زينب: نمت ودمعتي ع خدي
ثاني يوم كعدت وبت عمي راحت وبت خالي
عزلت وطبخت واجونه العصر خطار يتباركون
لكيته مراسلني جاوبته وهم رسميات بشكل
مر تقريبا اسبوع ع خطبتي اجت ام علي وخالته سيرن علينه فااني جنت كاعده يم امي كالن انشالله راس الشهر العرس اني انصدمت لا عزا شبسرعه فسكتت محجيت شيء رأساً كمت
فردت احجي وياه بس شلون هو دائما ايراسلني اما اني استحي
فبقيت احوس راسلت اخواتي كتلهن ايكولون راس الشهر العرس كالت لا شتلحكين يعني بعد اسبوعين
حاجن امي كالتلهن عيب نحجي هو بعد البنيه جنتهم
ياربي شسوي
فضجت جنت احجي ويه نور كتله يردون بعد اسبوعين واني الحد هسة لا محضره شيء ولا اعرف علي كد سلام واروح
كالت حاجيه كليله ع الاقل شهر كتلهة استحي كالت غلط اذا تبقين استحي استحي زواجكم راح يصير تقليدي وممل مابيه لذه روحي راسليه وسلمي عليه كافي مطنكره اذا تردين اطنكرين ع اخوج مو ع خطيبج قابل هو الجابرج
وتعاي اسئلج الحد هسة مضوجج علي؟
زينب: لا والله ابد وحتى هو يتمنى يحجي وياي اكثر بس اني بسرعه اروح اتحجج وما اخابره وايريد يجي اكله خطار اكله راح اطلع وهو هم يعرف استحي فيسكت
نور: لج والله علي ماكو منه زين ومتحملج
زينب: ولج والله ماعدي شيء وياه بس مجرد استحي
نور: ادري حبيبتي ميخالف راسلي واحجي وياه خليه يسولفلج شيحب شيحجي شياكل شيطلع شمقررين ع عرسكم ليش غمه تبقين ثوله وفقيره لج بابا بهل زمن ميراد الفقر
أنت تقرأ
صياد بت الشيوخ
General Fictionالدمع من كد مانزل ماخله لون برمشي💔 لا حسين😭😭😭 اموت اذا اتزوجه اموووت دراستي مستقبلي ما اكدر😭😭😭 فدوه ماريد زين كله ادرس اقبل حسين: بشنو تفيدج الدراسه هاهية وصلتي للاعداديه هاهية كله المصلحتج ياربي😭😭😭😭 باللهجة العراقيه
