((((عيدك حبيبتي))))
(((لقاء العشاق))))
🌹🌹🌹بقلم ريحانه الجنه 🌹🌹🌹
اولا وحشششتتوني جداااااااا بجد
وانا عارفة اني طولت الغيبة عليكم سواء في نزول رواية جديدة او في الجزء التاني من رحم للٱيجار.. بس حقيقي كان غصب عني .
وكمان كنت ناوية انزلكم نوڤيلا صغيرة في عيد الحب بس كان صعب ولاني الفترة دي مشغولة كمان معرفتش اعملكم نوڤيلا كمالة علشان عيد الام .
بس عملتلكم حلقة بمناسبة عيد الام هتكون حلقة كوكتيل كدة لذيذ بيجمع بين ابطال روياتي كلها ويارب يعجبكم . بس طبعا اللي ماقراش الخمس رويات مش هيعرف مين الابطال..
وطبعا كل النوڤيلات اللي نزلت قبل كدة او لسة هتنزل بتتكلم عن الام كأم بس. وبما اني مختلفة كالعادة يعني 😂😂😂. فقررت ان احتفاليتي تكون عن الزوجة الام لان انا زي ما انتم عارفين يعني ابطالي كلهم ياقلب امهم يتامي ومالهمش ام . فكانت زوجاتهم هي امهاتهم. الزوجة والحبيبة كمان ام لزوجها وحبيبها واللي ما يحسش وقت احتياجه وضعفه في حضن زوجته وحبيبته انه في حضن امه يبكي اكيد هي فشلت انها تحتويه .
ويارب تعيشه وقت لطيف في حب ورومانسية وكمان مشاعر انسانية كلنا بنمر بيها. ولو زوجك والدته متوفيه ياااريت تعوضيه انتي وجودها ويحس فعلا انه مش يتيم بوجودك جنبه.
#ريحانه الجنه
وقبل ما ابدأ الحلقة بقول لكل ام ولكل واحدة فيكم كل سنة وانتي طيبة وجميلة وام حمولة ودايما قد المسؤلية وربنا يحفظكم جميعا ويحفظ جميع امهاتنا يارب .
نبدأ بقي اول مشهد في حلقتنا مع يوسف&حنين 😉😉😉😉😉
في ڤيلا يوسف وحنين يوسف قاعد مع هنا وعمر وشايل كنزي اللي بقي عندها سنة وبيتفق معاهم اتفاق .
يوسف بصوت واطي : هاه يا ولاد اتفقني خلاص.
هنا : اتفقنا يا بابا
عمر: اممم. بس هنخرج ماما من البيت ونوديها فين هي اصلا مش بتخرج لوحدها وبعدين ممكن تفهم وتبوظ المفاجأة.
يوسف غمزه: عيب عليك يا معلم ده انا بابا يوسف انا اتفقت مع خالتو چيهان هتكلمها وتطلب منها انها تنزل معاها تشتري هدية لتيتة خديچة. وهي بقي هتحجزها برا لحد ما نخلص كل حاجة ونجهز البيت وكل حاجة تخلص.
عمر قبض ايده وابتسم ومدها ليوسف اللي هو كمان عمل نفس الحركة وضربواها لبعض.
عمر: طول عمرك مابيفوتكش حاجة يا چو.
يوسف : هههههههه حبيب قلب چو .
نزلت حنين من فوق وهي معاها سيف اللي بقي عنده سنه هو كمان زي توأمته كنزي . ولقيتهم بيتكلموا بهمس وبيضحكوا ضيقت عنيها وحاست انهم بيخططوا لحاجة .
حنين : بتتوشوشوا علي ايه مش مرتحالكم .
يوسف ببرأة : ابدا يا روحي مافيش حاجة ده احنا بنتكلم عادي.
حنين اتنهدت : انت بالذات شكلك مكار ووالله انا قلبي حاسس انك مخبي حاجة انا عارفاك.
