حيره عاشق (مكتملة )

الفصل الرابع

ايهم بصوت عالى وغضب 😠هدير
هدير . ايه يا ايهم فى ايه كنت بعمل قهوه لنفسى عايز حاجه
ايهم بنفاذ صبر . هو سوال انتى حطيتى ايه فى القهوه ملح ولا سكر
هدير بضحك . انا لقيت  برطمانين والاثنين فيهم حاجه لونها ابيض فكسلت ادوقهم علشان اعرف انهى سكر وأنهى ملح فحطيت فى المج بتاعك من واحد وفى بتاعى من التانى  حظك جه في الملح
ايهم بضيق.  هدير امشى من قدامى دلوقتى
هدير . حاضر انا رايحه انام
هدير مشيت راحت عند السرير وايهم أخذ كتاب وقعد يقرأ فيه
هدير  . ايهم اقفل النور واطلع بره
ايهم. ودا ليه أن شاء الله
هدير بضيق . علشان انام
ايهم . طيب أدى النور وادى الكتاب تصبحى على خير واتجه ناحيه السرير
هدير.  انت بتعمل ايه
ايهم بانزعاج منها . والله اوضتى وسريرى فاعمل ايه اكيد هنام
هدير. بس احنا بينا اتفاق 
ايهم  . والله الاتفاق زى ما هو بس قدام اى حد احنا متجوزين يعنى مينفعش انام بره علشان ماما .
هدير بتفكير . طيب انا هحط المخده بنا ماشى
ايهم  . اتخمدى  يا هدير
__________________________
فى صباح اليوم التالى
هدير قامت وصحت ايهم  وحضرت الفطار
مامت ايهم . ازيك يا هدير
هدير . الحمد لله يا طنط
مامت ايهم.  لا طنط ايه قولى يا ماما
هدير بضحك . حاضر يا ماما
الأم.بفرح .كده انتى حبيبتى يالا نادمى ايهم
هدير بابتسامة.  حاضر
هدير دخلت الاوضه يالا يا ايهم تعالى افطر علشان توصلنى
ايهم.  ومستعجله على ايه 
هدير باستفزاز.  أصل ماقولكش بيدينى دكتور بتاع جراحة  غلس  بشكل أبقى اعرفك عليه
ايهم بغيظ.  لا والله الدكتور دا اللى هو انا
هدير بضحك. اه تصدق  قطع كلامهم خبط الباب
الام يالا علشان الفطار برد
بص ايهم لهدير وقال . كلامنا لسه مخلصش  أظن أننا اتفقنا بلاش طوله لسان يالا قدامى
.
هدير وايهم فطروا وايهم   وبعدين راحوا الكليه
_________________________
فى الكليه
محاضره ايهم خلصت  وبعدها بشويه هدير راحت مكتب ايهم وخبطت
ايهم. ادخل
هدير بضحك. انا جيت
ايهم . ضلمتى المكتب
هدير بغيظ. طيب  مش وقت هزار بص عايزاك فى مهمه
ايهم بانصات.  اتفضلى
هدير . ايهم أحمد وافق على أنه يخطب ساره النهارده فأنا عايزاك تبقى  زى اخوها واخويا يطلبها منك لأن والديها  متوفين  قولت ايه
ايهم بحب. حاضر حاجه تانى
هدير بابتسامة . لا شكرا سلام ومتتاخرش
ايهم . حاضر
_____________________________
باليل في شقه ساره
ساره قاعده هى وهدير وايهم
وأحمد جه هو مامته وطلب ايديها من ايهم وساره وافقت
هدير قامت وقفت وقالت عملاكوا مفاجأة
أحمد.  هدير بلاش مقالبك النهارده
هدير تتصنع الحزن . انا دا  انا غلبانه حتى أسأل ايهم
ايهم بسخرية.  وانتى هتقوليلى  دا انتى مفيش احسن منك
هدير . طيب خلاص انتو هتحفلوا عليا
فجأه الباب خبط هدير قامت جرى على الباب
دخل خالد ومعاه شخصين
أحمد باستغراب.  خالد وعلى ايه جابكم ومين دا
هدير بضحك.  انا اقولك دا مأذون واتنين شهود والمفاجأة انه كتب كتابك
ايهم واقف هيموت من الضحك على جنانها
ايهم بضحك . اقعد يا أحمد يالا ابدا يا شيخ
بعد ما كتب الكتاب خلص
أحمد قال لهدير.  سوال بعيد عن كل اللى حصل جبتيهم ازاى
هدير بتردد.  أحم كلمت خالد من موبايلك بس بالله عليك ما تزعل
أحمد بصراحة أنا مش هتكلم ايهم هو اللى هيتكلم بصى وجه كله غضب احسن ليكى انك تختفى
هدير . لا ايهم مش هيعملى حاجه وبعدين دا ابن عمى
أحمد.  لا والله وانتى من امتى بتكلمى اى حد  دا عمك نفسه  مس بتكلميه
ايهم بغضب. يالا يا هدير مبروك يا صاحبى ومبروك يا دكتوره ساره سلام وشد هدير
__________________________
  
فى منزل  ايهم
الأم.  أحضر لكم العشاء

ايهم . لا يا ماما احنا مش جعانين وبعدين انا تعبان  وعايز انام تصبحى على جنه
الأم.  وانتى من أهلها يا حبيبى وانتى يا هدير
هدير. وأنا برده عايزه انام يا ماما تصبحى على خير
ايهم وهدير دخلوا الاوضه
ايهم بجديه . هدير مش احنا  اتفقنا أنى هساعدك  فى موضوع  أحمد مقولتيش  ليه وبعدين ازاى تكلمى خالد   من غير ما تقوليلى
هدير بزعل . خلاص يا ايهم انا اسفه وبعدين دى اول غلطه ليا
ايهم بسخرية.  أول غلطه انا رايح انام احسن  من الكلام معاكى دلوقتى
هدير . راحت على السرير وعملت نفسها نايمه
وايهم دخل الحمام أخذ شور وطلع قعد يتكلم معها وهو مفكر أنها نايمه
ايهم . تعرفى يا هدير انا ساعة ما اتجوزتك كان عندى 22 سنه الفرق بينا 6 سنين تعرفى من يومها وانا متابعك بعرف كل تفصيله عنك من أحمد  وعندى صور ليكى أحمد كان بيعتهالى   تعرفى انى بحبك اوى ويا ترى هقدر اخليكى تحبينى  زى ما بحبك وراح  قال تصبحى على خير يا حبيبتى
هدير . كانت بتسمع الكلام دا وفرحانه علشان عرفت انه مهتم بيها   وبعدها نامت
______________________________

فى صباح يوم جديد فى شقه أحمد                                                                                    الام. احمد هى ساره مجتش تعيش معانا ليه                                                                  احمد .  مش لما اعملها فرح الأول يا ماما بس انا لازم اقنعها بالعمليه دى اهم حاجه  لازم افكر فيها                                                                                                        الام . ان شاء الله هتوافق وتعمل العمليه وتبقى كويسه                                                     احمد . ان شاء الله يا ماما                      ، احمد . ماما انا ماشى عايزه حاجه              الام بابتسامة.  لا  بس عايزاك تكلم هدير علشان إللى حصل امبارح هى كان قصدها مصلحتك                                                                                                                              احمد . حاضر بس هى غلطت برده مكنش ينفع تأخذ موبايلى من ورايا كمان تكلم حد منه بس علشان خاطرك يا ماما سلام بقى علشان لسه هاخذ ساره اوصلها الكليه       الام. سلام                                                                                                                     احمد كلم ساره علشان تنزل  بس مش بترد 

______________________________________________________      فى شركه احمد  فى مكتب خالد                                                                                        خالد رفع سماعه الموبايل . انسه ريم ممكن تيجى مكتبى                                              ريم. ثوانى يا بشمهندس واكون عند حضرتك                                                                الباب بتاع المكتب خبط ودخلت ريم                            ريم . نعم يا  بشمهندس حضرتك طلبتنى
خالد . انا عايز رقم والداك
ريم  بخضه . ليه هو انا عملت حاجه غلط
خالد بضحك.. لا انا عايزه فى موضوع تانى  ممكن تدهولى
ريم . طيب ثوانى   هكتبه لحضرتك
ريم كتبت الرقم وبعدها استاذنت علشان شغلها
وخالد كلم باباها وحدد معاه معاد بس متردد علشان باباه مش هيوافق
____________________________  

كده البارت خلص يا حلوين 😍😍
يا ترى ساره حصلها ايه ؟؟؟؟؟؟
يا ترى خالد هيقدر يواجه أبوه؟ ؟
يا ترى هدير هتستمر فى مقالبها بعد إللى عرفته؟ ؟؟؟
إلى إلقاء فى فصل جديد
بقلم. إهداء عبدالله