الجزء؛20 ((احببت كارهي))❤️🔥
وكسدو اسيل ورويده ودردشو ع مواضيعهم شوي بعدين ناضو ،،خشو دار اسيل ورقدو 💤💤....
بعدين ناضت اسيل الصبح بكري 😍..ونوضت رويده،وخشو غسلو ،وغيرو حوايجهم ،، وخشت هيا ورويده ، وتو الفطور 😍🌹..وقعمزو فطرو وكل شيء ،،بعدين ناضو ضمو الحوش ،،💜
🌹.،،،وقعمزت رويده واسيل ف صاله 😊،،وهما مقعمزين اتصل رواد بي اسيل،😍❤️..
رواد؛؛هلا ي عمري كيف حالك ؟!
اسيل؛؛ اهلين ،،الحمدالله ي قلبي ،وانتا
رواد؛؛الحمدالله بخير🥰
اسيل؛؛باهي كوويس ،،شن الدير
رواد؛؛وللهي كنت مع امي نهدرز اني وياها ف موضوعك ، وخليتها بتتصل بي عمتك ، 😍!!
اسيل؛؛ اهاا باهي 😊
رواد؛؛اي وانتي شن الديري
اسيل؛مكسده اني ورويده ❤️
رواد؛اها ، كويس يدومكم لبعضكم ''
اسيل؛؛ اي انشاءالله ويدومك ليا😍🥰..
رواد؛؛ انشاءالله ي عمري ،، نستأذنك توا حبي
اسيل؛؛ اذنك معاك ي حياتي
رواد،؛سلامتك قلبي توا
اسيل؛سلامتك
وسكرت اسيل من رواد،❤️❤️😍..
رويده؛ تعرفي ي اسيل،نحس ف روحي متحشمه ، مش عارفه كيف بنكلم فيصل💔😂!!
اسيل؛؛ ههه ي عليك جو انتي،،عادي نحي لحشم شوي وكلميه😍😂
رويده؛ هههه وللهي نحاول ، وانشاءالله خير🥰😂..
اسيل؛ اي حاولي تمشي الامور❤️😂
رويده؛؛ انشاءالله 🥰
وبعد م سكر رواد من اسيل مشي قعمز جنب امه يبها تكلم عمة اسيل😂😍..
رواد؛ شن ي امي كلمتها ؟؟!!
ام رواد؛لالا ،، توبنكلمها
رواد؛ باهي هي اتصلي
واتصلت ام رواد ، بي عمة اسيل بتعطيها علم ، ع جيتهم بيطلبو اسيل🥰😍....
ام رواد؛؛ ايوا السلام عليكم
ام محمد؛ وعليكم السلام
ام رواد؛ كيف حالك ي ام محمد معاك ام رواد
ام محمد؛؛ اهلا وسهلا ،، الحمدالله ، حالك انتي باهي!؟
ام رواد؛ بخير الحمدالله ، عيلتك باهيه انشاءالله
ام محمد؛ الحمدالله ف نعمه
ام رواد؛ باهي الحمدالله
ام محمد؛ اي والله
ام رواد؛ وللهي ي وخيتي نبيك ف موضوع بخصوص اسيل😍،،..
ام محمد؛؛ اها تفضلي انشاءالله خير
ام رواد؛ خير انشاءالله ،نبي نقلك اليوم انشاءالله ،نبي نجو نطلبها منكم 😊🌹..
ام محمد؛؛ اها ، باهي انشاءالله تفضلو
ام رواد؛ انشاءالله ، بعد العصر نجوكم 🌹
ام محمد؛ باهي تفضلو🥰
ام رواد؛ بارك الله فيك . وصحيتي
ام محمد؛ سلمك ي ام رواد
ام رواد؛ باهي ملا هي سلامتك توا
ام محمد؛ سلامتك
وسكرت ام رواد من ام محمد،،😍😍..
رواد؛؛ شن قتلك ي امي قوليلي ؟؟!
ام رواد؛ شن بتقولي قتلي تفضلو ، قتلها بعد العصر نجوكم 😍❤️..
رواد؛؛ باهي الحمدالله
ام رواد؛ شن بترفع توا !؟
رواد؛ بنمشي ناخذ وورد وشكلاطه 😍،،..
ام رواد؛ باهي املا برا ، م بين نضمت روحي هوا هادكا للعصر😊..
رواد؛ باهي املا اني مشيت
ام رواد؛ باهي ف حفظ الله
ومشي رواد، طلع م الحوش ولع السياره ،ومشي❤️💜...
وناضت امه نضمت امورها ووتت روحها وكل شيء😊''...وقعدت تستنا ف رواد يجي🥰..
،، وبعدين من سكرت ام محمد من ام رواد،،مشت لي عم اسيل ولبنات ومحمد،، بتقلهم انه في ناس بيطلبو اسيل😊❤️..
