الجزء:4((احببت كارهي))❤️
مشت اسيل بعد م سكرت من ام محمد ..وتت بضعتها ولمت حوايجها وكل شيء يخصها💜...كانت مضايقه 🥺💔لانه خلاص ح تطلع من الحوش لتربت فيه وقضت عمرها وحياته فيه ..بس الله غالب مع هادا م عندهاش حلول الا انها توتي روحها وتعيش مع عمها ..
شوي جتها رويده💚
رويده :شن اسيل كملتي لميتي بضعتك
اسيل ؛اي حكم قريب نكمل
رويده ؛باهي املا هي توا اني بنمشي نروح هوا هدكا قريب العصر ..ياأذن ❤️..وم بين كملتي ويجيك عمك بيرفعك ..
اسيل ؛باهي صحيتي رودي وربي مقصرتي معاي وربي يدومك ليا😊🥰..
رويده؛ولو ي عمري ،حني خوات وم لينا غير بعضنا😍🥺..
اسيل ؛اي والله ❤️
رويده ؛باهي املا هي ردي بالك من روحك ونتلاقو ع خير💋❤️..
اسيل ؛حتا انتي ردي بالك ،،ونحبك هلبا ي وخيتي 🥺❤️..
رويده؛هي سلامتك 💚
اسيل؛سلامتك ي قلبي🥺💔..
وروحت رويده ..وكملت اسيل ولمت كل بضعتها واتصلت بعمها ..
بو محمد؛الو ي اسيل كيف حالك
اسيل ؛الحمدالله ي عمي كيف حالك انتا
بومحمد؛الحمدالله
اسيل؛باهي بنقولك ي عمي هي تعالالي كملت ووتيت روحي🥺💚..
بومحمد؛حاضر،ي بنتي شوي ونجيك 🥰❤️..
وسكرت اسيل من عمها (بومحمد)..وشوي مسافة الطريق وجها🥺😍..
بومحمد؛الو اسيل هي اطلعي اني قدام الحوش
اسيل ؛اني جيتك هي💜
وطلعت اسيل وحطت بضعتها ف سياره وقعدت عيونها معلقات ف حوشهم وتشوف بحسرتها بتسيب حوشهم وذكرياته وكل شيء فيه ..💔🥺
وركبت اسيل لسياره❤️ومشو ..كانت مقهوره طول الطريق ودموعها ع خدها 💔😭..قعد عمها يصبر فيها ..
بومحمد؛؛امسحي دموعك ي بنتي ربي يفرج هادي الدنيا يوم هكي ويوم هكي وم لينا غير ربي 💜❤️..
اسيل؛اي ي عمي معاك حق ،،لاكن شيء صعب بنمر بيه🥺💔..
بومحمد؛فاهم عليك ي بنتي وني بندير جهدي معاك ومش ح نقصر وني ف مكان بوك..وعارف انه مكان الوالدين م يعوضه حد ..🥺💔❤️..
اسيل؛اي ،ي عمي والله م تقصرو الا انتا ولا عمتي وربي يخليكم ليا 💚🌹..
وشوي شوي..وصلت اسيل حوش عمها ..ووقف السياره،،
بومحمد ؛هي بنتي انزلي ..وم يحشمك شيء لحوش حوشك ..وحني مش برانيه عليك ❤️..
اسيل ؛انشاءالله ي عمي
نزلت اسيل من سياره وخشت هيا وعمها الحوش
ولقت عمتها فرحت بيها ..😍
ام محمد؛مرحبتين بيك بنتي اسيل الحوش حوشك خشي م تتحشمي من حد❤️🥺..
وخشت اسيل هيا وعمها وقعمزت ف صاله ونادا عمها بناته وع مرواحة محمد من شغله ..
وجو لصاله ..وقلهم عمهم احسبوها وحده منكم واختكم وهكي زي ((ما عطيتكم نبذه ))😂❤️
وبعدين ندتها عمتها ورتلها دارها ..❤️وقتلها من ليوم هادا حوشك وهادي دارك 😊..
ولتحتاجيه اني وعمك اعتبرينا عيلتك🥺💔..
اسيل ؛م قصرتيش ي عمتي وصحيتي
ونزلت اسيل من دارها هيا وعمتها 😊..وستأدنت اسيل منهم وخدت بضعتها وبدت ترقي فها لدارها ..ع جيت محمد 😍..
محمد؛سمعتي لكلام واخيرا وجيتي وسكنتي عندنا 😜😌..
اسيل؛اي 😏باهي شن تبي توا
محمد ؛لا مانبي شيء ،،سلامتك ❤️😂
اسيل ؛باهي
وهيا قايمه شنطت حوايجها 😍..
محمد؛هاتي نرقي معاك رزينه عليك 🥺❤️
اسيل ؛لا مشكور ،نرقي بروحي ،😏
محمد؛اسيل بلا عناد وهاتي الشنطه رزينه 😣..
اسيل ؛منبيش ،حول من قدامي م طلبتش مسعدتك
محمد؛خاطري نعرف علاش مدخله لعناد ف كل حاجه 😣💔..
اسيل ؛هك عاجبني ،،وني حره ف عنادي 😌
ومع صوتهم طالعه ..جت عمتها ..
ام محمد؛خيرك ي بنتي شن في صواتكم طالعه🥺
اسيل ؛لا ي عمتي م في شيء
شبحت عمتها لي محمد ..شن في ي محمد
محمد ؛عادي ي امي قتلها نساعدك نرفع شنطه رزينه ..قتلي لا وعاندت معاي 🥺❤️..
ام محمد؛باهي ي بنتي خلي يرقي معاك انتي تعبانه ولازم ترتاحي 🥺❤️..
اسيل ؛ وهي تشبح لمحمد ف شبحه عصبيه ،،افف ،،حاضر ي عمتي 😣🥺..
محمد ؛وهوا يشبح لي اسيل وضحكلها ..😊😂مشت عمتها ف حالها ..وركبت اسيل لدارها ..ووراها محمد رفع بضعتها ..وصلو لدارها وحطلها شنطتها ..😊❤️
محمد؛هي م تبي شيء 😍🥺
اسيل ؛م نبي شيء ،،وهيا تشوفله ف شوفتهامتعصبه كالعاده ❤️..
محمد؛باهي ،،كان لزمك شيء نادي عليا ،،ولا كلميني 🥰
اسيل ؛باهي مشكور،معليشي برا بنرتاح 🥺
محمد؛توزعي فيا باهي ،،
اسيل؛م نوزعش فيك قلت بنرتاح ،🙄
محمد ؛باهي ،تمام ارتاحي ،سلامتك
اسيل ؛سكر ،لباب وراك 🙄❤️
محمد ;وتتأمري تاني😌..وعلاش لا نسكر لباب
اسيل؛اففف ،بلاش ..وناضت بغل وسكرت لباب 😌🙄..
وطلع محمد وهوا يبتسم 🥰..ويقول ف باله ..معا انك ي اسيل من يوم عرفتك وني وياك هكي وتعاندي معاي ديما 😌❤️لاكن عادي وع قلبي زي لعسل 😍🥺.
ورقدت اسيل وارتاحت 💜ومع المغرب دزت عمتها بنتها اميره🌹😍..
اميره؛طقت ع لباب وفتحاته خشت،لان اسيل م ردت عليها 😊❤️..اسيل يااسيل ،،نوضي لمغرب قريب يأدن نوضي هي غيري وانزلي لصاله ..امي واختي يوتو ف العشاء بش تتعشي😊❤️..
اسيل ؛م خاطريش ،م نبيش نتعشى ،🥺
اميره ؛ليش اسيل ميجيش تقعدي بلا ماكله ،يصيرلك مضعفات 😊💔..
اسيل ؛عادي ،معش تفرق معاي ي اميره خليني وبري م دورينيش🥺💔..
اميره؛لا والله م يجي اسيل ،م نبوش نخسروك حتا انتي بلاهي تنوضي ،💔
اسيل ؛والله م خاطري حتا ف لميه
ع فوتت ،محمد ،ماشي لداره وسمعهم 💔🥺
طق محمد ع لباب ❤️😊
ردت اميره .،محمد تبي حاجه
ع نوضت اسيل قمزت 😣❤️..
محمد؛خيركم م نزلتوش قعدين هي لعشي قريب
اميره؛🥺نقنع ف اسيل متبيش تاكل شيء
محمد؛اها،علاش خيرك ي اسيل غلط لديري فيه
اسيل ؛عادي ،غلط غلط اني معش يهمني شيء
محمد؛حرام عليك اسيل هكي ديري ف روحك 🥺💔..
اسيل ؛مش حرام ،م نبي شيء مش بالغصب🙄💔
وناضت اميره ..نادت عليها امها
وقعدت اسيل ومحمد وهوا يقنع فها..
محمد؛اسيل ،يهديك ربي تنوضي تتعشي 🥺💔
اسيل ؛محمد خلاص م دخلكش بيا ،بعدين من قلك خش داري 🙄💔..
محمد؛اسف ،لاكن ،وني ماشي لداري قلت نطمن عليك بس🥰
اسيل ؛امممم،باهي اطمن م فيا شيء وحالي باهي
محمد؛لاغلطانه مش هك لنشوف فيه ..ومتبيش تاكلي هادا شن يقولوله 🙄😏..
اسيل ؛باهي عادي اني راضيا هكي
محمد ؛لامش كيف م تبي ..مش مستعدين نخسروك 🥺💔..وعيونه يلمعو دموع🥺
اسيل ؛خيرك محمد 🥺💔
محمد ؛حط راسه وشاف لوطه ،لاشيء
اسيل ؛اسفه ،بس اني مش تمام وعارفه ،اني زودتها 😣💔..
محمد؛عادي اسيل اني فاهم عليك ،ومادوريش ❤️😊..
اسيل ؛ابتسمت لي محمد ،،وقتله هي نوض نتعشو 🥰😍..
محمد؛بجديات 🥺❤️
اسيل ؛اي جديات خيرك 🥺
محمد؛هي نوضي ،اني بننزل والحقي 😍..
اسيل ؛باهي تمام
ونزل محمد ..ولقهم موتيين لعشي وكل شيء 🥰..
وشوي ونزلت اسيل ..وقعمزو ع صفره وتعشو 😊💚..وابتسامات اسيل ومحمد م فارقوش بعض 🥰..ومع اخت محمد ميس ،ومراقبتها عليهم وكالعادع نفس شبحات لي اسيل متغيرتش💔..
وتعشو وكملو عشاهم وضمو ماعينهم وناضت اسيل ساعدتهم 🌹❤️..ونضمو امورهم وغسلو ماعينهم ..وقعمزو ف صالتهم عمها ومرت عمها وبناته وولده محمد .هدرزو وغيرو لي اسيل جوها شوي..
وبعدين خشت عمتها وعمها رقدو 🥰..وقعدمحمد ولبنات مكسدين ف صاله 💜..وناضت ميس مع عدم تقبلها لي اسيل ..مبتش تقعد معاهم ..ناضت وخشت دارها ..وقعدت اميره ومحمد واسيل 🥰❤️..دردشو وهدرزو مع بعضهم 😍💚..وناضت اميره واسيل دارو فشار ..وسمينسه وجو زي هك وخشو صاله حضرو افلام وهدرزو..بعدين كل حد خش داره ورقد 😊💜..
وبعدين ناضوت عمتهم ونوضتهم ..ونزلت 🥰
وناضو غسلو وغيرو حوايجهم ونزلو (اسيل-محمد-اميره-ميس)💜..
وتت عمتهم الفطور وكل شيء ..وقعمزو فطرو ..وع الفطور .فتح عمها موضوع تسجيل اسيل ف لكليه 😍..
بومحمد؛يااسيل ،تومشاءالله عليك تخرجتي م تانويه ،،وتبي نسجلك تقري ف كليه لقرايه قريب تبدا 😍الاسبوع جاي يبدو ..
اسيل ؛باهي ي عمي اي هوا هدكا
بومحمد ؛شن تبي مجالك وفاش نسجلك ❤️
اسيل ؛نبي كلية الطب ،ونبي نخش طب بشري 😊💜..
وتشبحلها ميس ..شبحة مستفزه😠😂..
بومحمد ؛باهي ي بنتي غدوا نمشي نسجلك ❤️💛
اسيل ؛انشاءالله ،صحيت ي عمي 😍
بومحمد؛لا ،بنتي انتي كيف عاد
وتنوض ميس ؛وني يا بابا شنو
بومحمد؛شنو انتي ي ميس ،انتي مسجلك .وتو بتجددي لقيد بس انتي❤️😊..
ميس؛ردت بغلها ,باهي 🙄
واميره تضحك ع اختها ميس ..من غيرتها من اسيل 😂💔..ومحمد كذالك 😂..
مهم كملو فطورهم وناض محمد مشي شغله ،،وناضو لبنات ضمو لماعين ونضمو امورهم ..وكسدو ف صاله يتفرجو ..ولي مكسد ع تليفونه 💜..
شوي ويصل لي اسيل مسج ..منو صاحب لمسج😧🤔..
اسيل ؛تكلمت ف سرها ،،محمد ،شنو يبي زعما كيف طلع من جنبي 🤔😍..
فتحت رساله ؛
محمد؛اسيل ،متضايقيش من ميس ومتزعليش منها عارف بكري لقطاتها كيف ،لكن م دوريهاش 🥺❤️..
اسيل ؛ابتسمت😊..وعيون ميس عليها وتشوف الاسيل نفس شبحتها لمستمره معاها😏..
ردت اسيل ع محمد ،،،
اسيل؛لا مزعلتش ولا ضايقت ،،عادي م دورتش 🥺❤️..
محمد؛باهي املا طمنتيني ،هي توا بنمشي مشغول ،سلامتك 💜❤️
اسيل ؛سلامتك 🌹.
وسكرت تليفونها ،وناضت ركبت لدارها 😊..
وخشت سريرها ..وع اتصال رويده ،،اتصلت بي اسيل 😍..
رويده؛الو ،اسيل كيف حالك اليوم ،وشن وضعك 🥺
اسيل ؛الحمدالله ي رودي بخير🌹
رويده ؛اكيد ،ولا تجاملي فيا
اسيل ؛لا والله الحمدالله احسن من قبل ،،
رويده ؛امباهي كويس،،مش منك شكلها الناس لمعاك هيا خلاتك تحسنتي😊😂..
اسيل ؛اي والله بالنسبه لعمي وعمتي م قصرو معاي ..
..يتبع..
وانشاءالله تعجبكم ..ونتمنا تفاعلكم😍🔥
#للكاتبه؛Rorita_Selman
