البارت العاااشر
:::::::::::::::::::::::::::::::::::::::::::::::::
في الييوم الثاني
شفتوآآ امس اليوم المشؤوم بالنسبه لي ولكثير
عداء اليوم بحزن وهم ومادري وشلون قدرت اتحمل
الليل كله بس كانت عايشه معي ونامت عندي
شوي نرجع لليلة امس
دخلت بغرفتي وعايشه معي جلست على السرير وسيل يمشي على خدي
قربت مني عايشه وضمتني
اسرار:ابي افهم ليه الكل ضدي ليه ماحد يحبني
عايشه وهي تمسح على شعري:بالعكس كلنا نموت فيج بس انتي حساسه
اسرار:لا مو حساسه شفتي شلون نظراتهم لي وكنهم بيذبحوني
عايشه:لانج ماتدريين شو السالفه بين سعاد وسعد اهم مخطوبين لبعض
من قبل لايصير لسعد الحادث ولمن صار عليه الحادث سعاد تعبت
حيل ونفسيتها انقلبت وسافر سعد برى يتعالج وقطع عنها سنه كامله
ولمن رد تعبت اكثر لمن شافته يتعذب وحالته ماتسر الخاطر
ولمن كلمنا وقال انه بيفسخ الخطبه احنا ماقلنا شي بس اهي
اللي عارضت وتبي تم وياه وعشان جذي اهي تعبانه وايد
من هالموضوع ونحن كنا نحاول نسكر الموضوع ولانذكرها فيه
ولمن قلتي لها بعفويه سلمي عليها اهني ماقدرت تمسك نفسها وصار الي صار
رفعت راسي :وربي ماكنت ادري
عايشه ابتسمت لي:عشان جذي مارح يزعل عليج احد بس انتي الله
يهداج كبرتي الموضوع واكيد الكل عارف انج ماتقصدين وماتدرين عن شي
اسرار مسحت دمعتي:يعني تتوقعين ماحد زعلان مني
عايشه هزت راسها بابتسامه حنونه:لا آكيد فيه حد بيزعل منج ياقمر انتي
ابتسمت لها ورجعت بخضنها:طيب وشوق
عايشه :شفيها ؟
اسرار:ليه تكرهني ابي افهم
عايشه:اكييد تغار منج لانج احلا منها
اسرار:لا مو عشان كذا صح عشان عبدالله
عايشه:ليه شفيه عبدالله
اسرار:مادري بس تغار لانه يهتم فيني
عايشه:وانتي تشوفين ان عبدالله يهتم فيج وبس
اسرار:ايه ويعتبرني مثل اخته ويعطف علي
وهم كانوا مخطوبين لبعض عشان كذا تحسبني باخذه منها صح ؟
عايشه:اهم مو مخطوبين لبعض وعبدالله مايحبها بس اللي بينهم
كلام كبار يعني فلانه لفلان وجذي يعني مايربط بينهم شي
بس اهي غصب تبيه يحبها والولد مو مجبور عليها
اسرار:يعني هذا الموضوع بس
عايشه:هيه بس ماقلتي لي شو يعني لج عبدالله
ابتسمت لها:اخوي اعتبره مثل اخوي بالضبط
عايشه:بس
هزيت راسي:بس
عايشه:بس اهو مايعتبرج جذي
قمت :شلون وس يعتبرني
عايشه ارتبكت : لا اقصد حتى هو يعتبرج مثل اخته واكثر بعد
رجعت انسدحت على رجولها:اشوه طيحتي قلبي
عايشه:وليش يطيح قلبج ؟
اسرار:مادري بس مابي احد يحبني واحبه وبعدها نفترق والا انصدم فيه
عايشه:شلون يعني
اسرار:يعني مابي اتعلق باحد لاني مادري وش مخبي لي المستقبل
يمكن خير ويمكن شر ومابي احب احد وافترق عنه بالنهايه
مثل خواتي اقصد بنات خالي اعتبرهم خواتي ومشت علي الكذبه
هاذي 17 سنه وبعدها شوفي وش صار بحالي تفرقنا واكتشفت انهم مو خواتي
عايشه:بس مو شرط ان اللي صار لج اول بيصير لج بعدين
اسرار:مادري بس انا خايفه حيل
عايشه:من شو
اسرار:من كل شي
عايشه:كلامج يخوف يااسرار
ابتسمت لها:ههههه ليه
عايشه:مادري تخوفين يالله نامي نامي اشوف انتي وحلقج
مسكت فمي :هههه يعور لمن اضحك حيل
عايشه:هههههه طالعي فيه شلون صاير
ابتسمت لها وماحست بنفسي الا وانا بعالم النييآآآم ZzZzZzZz
