تعلم اللهجة الجزائرية

كلمات عشوائيه

  سلامووز

واش راكم لباس؟

انا لباس الحمدلله

المهم الكلمات الستة تحفظ اجباريا تطبيقا لازميا مدري كيف المهم ينحفظوووو

والا والا😴 انام واترككم

المهم نبدأ علي بركة الله

قررت نتعلم كلمات ومن ثم جمل

وايضا انتم  من خارج البلد أتمني تعلمونا كلمات بنفس معني الكلمات التي اعلمكم اياها كي تستفاد الجزائريات هنا

1-ضُكا او ضكت
جملة:ضكا نعمل ضكا نخرج

الحروف مفخمه خصيصا حرف الضاد
المعنى:الأن ،الحين ،هلأ، دلوقتي

2-راني
جملة:راني لاتيه> انني مشغوله
لاتيه: مشغوله ملتهيه مش فاضيه
،راني نستنا فيك>انني انتظرك

نستنا فيك: انتظرك .....

راني مشومر، راني علي الحديد، راني متقشف >انني مفلس

مشومر:تستخدم بأقليه وقليل من يعرفها يستخدمها الشاب الجزائري وقت وصف حالته الماديه
تقشُفْ او مُتقَشِفْ:هو وقت ازمه

راني ندنق فيك، راني نخزر فيك، راني شفتك>انني اراك او لقد رايتك

ندنق بمعنى الرؤية
نخزر تستخدم عندنا لرؤية بغضب وعصبيه وعند مناطق اخري نطره عاديه
مفهوم راني بمعنى انني او لقد في بعض الاحيان

3-مزيا
جملة: مزيا خرجت على خير>الحمدلله انا طلعت سلامات او علي خير
مزيا مهدرتش>الحمدلله  لم اتكلم
مزيا مدرتش>الحمدلله لم افعل
مزيا مرحتش>الحمدلله لم اذهب

مزيا تدل علي شي كالحمد او من الجيد انك لم تفعل ذلك الشي او تقع فيه

4-نورمال
جملة :عفْسة نورمال
عفسة بمعنى> حاجه
نورمال> عادي

5-مديقوتي/الفيد
جملة: راني مديقوتي
راني تعلمناها الفوق بمعنى انني، لقد
مديقوتي تستعمل وقت الضيق او الانزعاج او الملل وخصيصا الان وقت الحجر الصحي

6-نهمبر
جمله:نضل نهمبر،راني نهمبر
نضل>أبقى
نهمبر>العمل بشده او كثرة او تعبير حسب الجملة لكنه يدل علي العمل الشديد او شيئ متعب

اترككم في رعاية الله وحفظه