حب في مستشفى المجانين

البارت العشرون

السلام عليكم ورحمة الله وبركاته

قصة

حب في مستشفى المجانين بقلم

حلقة وصل

قيس : هي تحجي وتبجي وتكولي اي احبك

بس شنو الفايدة حبيت شخص غلط

انتظرتها لحد ما كملت كلام وكتلت الها حقج

والله من باجر تريدين ارجعج لاهلج ماعندي اي

مشكلة وحظنتها وكامت تبجي واني هم

جاااان نسمع عياط جوة وركض وجتي

ام فتحية كالت يمه قيس الجدة ماعرف شبيها

وين ليلى

ليلى: نزلت اركض طبيت للغرفة شفت الجدة

زركه ماكو تنفس ساعدتها ماشفتها استفادت

صارت هوسة جوي كلهم كلت لخالة ام فتحية

حضريلي عبايه لازم نوديها للمستشفى بسرعة

كامت تصيح شالها قيس وحسين واني وعمتي لبست

عباية وطلعت اركض

قيس يسوق وعمتي بصدر واني يمها وحسين

وماعرف منو ويا بغير سيارة اني اكول

يلا قيس

يلافدوة بسرعة

بسرعة خاف ماتلحك بسرعة يمعود

وعمتي هم اتكولة استعجل

جددة فدوة جاوبي

تنفسي جدة فدوة

شفتها حركت ايدها كلت يمكن اتخايل

شعلت الضوة مال السيارة رفعت ايدها جرت عباتي

وكالت يدة ااااسمعيني خخخلي يييوووككككففف

كتلة قيس اطبك على صفحة وطفي السيارة

قيس: شكو ليش صارت زينه

ليلى : كمت اصيح داكولك اطبك على صفحة

طبك وطفة السيارة وعمتي كالت عمه شبيج

كلت اله الجدة تريد تحجي وهي كالت

الجدة : وين قيس اريد وليدي

قيس : هذا اني جدة

الجدة : تعال يمي كعدوني مابيه حيل

ليلى : كعدتها وهي كوة تحجي وتتنفس حيل

جا قيس كعد بصفها من الجهة اليسرة واني يمنه

الجدة : يدة قيس هاي البت امانه بركبتك

ماطلكها وداريها وابد متأذيها ليلة امانه

وانتي يدة لخاطري سامحي على كلشي سوا بيج

صح انتي تعذبتي بس اريدنج تمسيحيها بوجهي