نهوة غصب

البارت الاول

يكول عريان

ترة العاكول من ضيمة صبح عاگول لو مرتاح چاا ورد💔
ـــــــــــــــــــــــــــــــــــــــــــــــــــــــــــــــ

السلام عليكم احبتي نبدأ البارت الاول من رواية «نهوت غصب » قرأءه ممتعه
  ومن الله التوفيق❤

عريان يگول

- #مرات_الزعل_مريود 💔

              #يكشف_معدن_اعزازك❤️

💫💫💎💫💫

راجعه من المدرسه تعبانه ميته تعب وصلت لبيتنه لكيت سيارة عمي وليد بالباب
قمر.. يبوو هذا شجابه علينا طبعا اكره عمامي لان معقدين وعدهم البنيه ميصير تكمل دراستهه واني ابد مرايحتلهم وماعرف منهم غير مرت عمي وعمي مشايفه ولدهم ولا البنات.

بقلمي..ساره تحسين 🖊

دخلت للمطبخ سلمت على امي اكول يوم منو عدنا
الام.. عمج وليد وابنه عزمهم ابوج دخلي بدلي وتعالي ساعديني
قمر.. صار ماما
دخلت بدلت تراك ورفعت شعري وطلعت دخلت اللاستقبال
قمر.. السلام عليكم شلونك عمو
العم وليد.. هلا بنيتي شعلومج يبنت الغالي عساج طيبه
قمر.. تمام عمو الحمدلله
واني احجي ويه عمي دخل ولد يطلع عمره تقريبا 26سنه شكله حلو لابس دشداشه بيضه ولاف جراويه على راسه وساعه بأيده   كال شلونج قمر
سلمت عليه وطلعت ساعدت امي صبينا الغدا وتجمعنا ع الغدا وطول كعدتنا هو مشال عينه مني بس يخزر
قمر.. «بكلبي» شبيه هذا كبر باع شلون يباوع ياكل ويباوع عليه معقوله عجبته لو شافني حلوه 😕 نصيت راسي بلكت يشيل عينه مني مفاد عاد رفعت راسي وخزرته اشرلي على ملابسي باوعت لكيت التشيرت نازل وطالع صدري واني منصيه ردت ابجي من الفشله جماله اني عبالي عاجبته 🤦🏻‍♀️
عدلت ملابسي وباوعت عليه عيوني مدمعه من الفشلة ابتسم بمكر وكأنو عرفني شجنت افكر وراد يفشلني عاد كمت من الاكل صعدت بغرفتي
خلي اعرفكم بنفسي...

اني قمر من بغداد عمري 17طالبه رابع علمي شكلي مرتب كأي بنيه عاديه بس عندي غمازات 😊طولي وسط مو طويله ولا قصيره وبس

عندي انتحان فيزياء كعدت ادرس لحد مصارت 6العصر خلصت دراسه ونزلت  لكيت ابويه طالع ويه عمي
وامي وتسولف ويه ابن عمي كاعدين بالحديقه
قمر..مساء الخير
...مساء النور
كعدت مقابيله
الام ايمان..كملتي دراستج امي
قمر..بلي كملت
الام.. يمه انت شتدرس
عبدالله «وهو يباع على قمر»..عمه اني مهندس نفط
الام..الله يوفقك يارب يمته تشوف بنت الحلال ونفرح بيك
عبدالله..موجوده ان شالله
قمر..عزه هذا يباوع عليه 😕بسلا يقصدني «قمر مو يمج السالفه نجبي وبطلي افكارج البايخه😒» صار كاتبتنه...نرجع للقصه
الام..ان شالله خير يلةة ماماتي قمر تعالي نحضر لعشى
رحت حضرت العشى
الام.. اكول قمر شوكت امتحانات نصف السنه
قمر.. الاسبوع الجاي
الام..زين حتى بالعطله نروح لبيت عمج وليد للناصريه
قمر..هلا هلا واخيرا راح اطلع 💃🏼💃🏼ثاني يوم الصبح طلعوا عمي وابنه للناصريه واني رحت للمدرسه

ـ بعد مرور ايام....

خلصت الامتحانات والحمدلله مجاوبه واخر امتحانات جبت الطريق كله اكمز من الفرحه 🐒 واجه يوم السفره للناصريه جنت كلش متحمسه ومنمت للصبح كاعده احضر ملابسي واجهز الصبح ساعه 6صبح بدلنا اني لبست بنطرون جينز وقميص وردي .

ـ طلعنا للناصريه الطريق كله افكر ب عبد الله ليش يباوع عليه وارجع واكول اني متوهمه واكول اذا وصلنا شلون راح اخلص الوقت واني كدام عيونه يربي ليش افكر بيه راح انجن نص الطريق اني نايمه لحد موصلنا وكعدوني
نزلنا اباوع فتحوا باب كبير والمكان مزرعه جبيره دخلنا تلكونا 4ولد شباب وياهم 3معكلين سلمو على بابا واني وامي دخلونه من بابا ثاني استقبلنتا مرت عمي وبنات 2وياهه يطلعن بعمري اتسالمنا وهن يباوع على ملابسي ادور اخذونه لغرفة بيبي سلمنا عليهه اشو هاي استلمت خدي بوس 🤦🏻‍♀️يمعوده كافي رحمه للكائنات ماكو لازمه خدي كلت راح تاكلني بس الحمدلله طلعت سلميه😂😂 وخلصنا من البوس اخذوني البنات ابدل جانو ثنينهم يتشابهون حلوات.
قمر.. شنو اسمائكم
فاطمه.. اني فاطمه وهاي التوئم مالتي مريم اني اكبر منهه ب 10دقايق
مريم.. 😊
قمر.. يااي فدوه . شكد عمركم
مريم.. 17سنه
قمر.. اني هم 17سنه يلا اعتبروني اختكم الثالثه لان معندي اخوات
فاطمه.. نتشرف يابه بس بدلي طكتنا الجوعه 😂
قمر.. هههههه اوك
ـ طلعت تراك رصاصي وشال وردي كلش حلو صار
ونزلنا لكينا عمامي ولدهم يسلمون على امي عاد دخلنا
البنات.. السلام عليكم
الجميع.. وعليكم السلام
الام ايمان..  ماما قمر سلمي على عمامج
قمر..اي. رحت سلمت على عليهم كلهم باوسوني ورحبو بيه

العم احمد..شوف وليد شلون كبرانه صار لازم ناخذهه لان دجاجاتنا 🐓 لدويچاتنا
قمر.. اني اباوع عليهم ممفتهمه السالفه واشوف البنات يضحكن مفهمت 🙄

اباوع على ولد عمي منصيين راسهم ولا شالو عينهم باوعت بيناتهم ماكو عبدالله
ـ البنات صاحوني وياهم بالمطبخ ومرت عمي بقت ويه ماما تسولف
اباوع للبنات يربي سريعات حضرن الاكل بسرعه
قمر.. بنات تعرفون تطبخون
البنات..اي نطبخ ونخبز كولشي نعرف وانت
قمر..«عركت يربي شنو هلحراج شكللهم اقوى اكله اعرف اسويهه الاندومي ولبيض سلك »
جاوبتهم.. لاا ماعرف اطبخ
مريم...نعلمج احنه لتخافين يلا تعالي وزعي اللبن والخضره
قمر..اوك رحت اسوي بالخضره واللبن واسولف ويه البنات واني احجي سمعت طوت كال
....كواهم الله   «بقلمي..ساره تحسين »
التفتت شفته عبدالله راسأ ضحكت وباوعتله عبالك جنت ادور عليه ولكيته هو باوعلي وابتسم كال
عبدالله..شلونهم اهل بغداد اليوم منورين الناصريه
قمر..تمام بخير وانت شلونك
عبدالله..الله يسلمج. يلا حضرو الاكل لتتخرون
البنات..صار.........يتبع