عذبنه عشگ الشيوخ (متوقفة)

البارت الأول

السلام عليكم حبايبي نزلت البارت الأول وان شاءالله تعجبكم 🥺😍

♡ عذبنه عشگ الشيوخ ♡

البارت الأول

بقلمي:علياء العلياوي ✍️

الحب كالحرب لا يكون للجبناء 💞💞...
        ************************

..... يلاا يا أمي دگومن راح تتأخرن ع الدوام
تراتيل :يي ماما كمنه
الأم.. يلا اني راح احطلكم الريوگ
البنات.. اوككِ
خل اعرفكم على نفسي
اسمي تراتيل عمري 18 أدرس سادس علمي مواصفاتي بيضه وصاحبت شعر طويل شعري نازل جوه الورك ولونه اسود سواد الليل عيوني لونهن أخضر فاتح شفايفي كبار ولونهن وردي رموشي كثاف خشمي صغير طولي 164 عنيده بشكل مو طبيعي واكره الشخص اليعاند وعصبيه كلش اذا عصبت ماما وبابا ما اعرفهم عايشه ويا اهلي وعائلتنه تتكون من بابا وماما واخوان اثنين محمد الجبير واحمد وره محمد واني وتوأمي بزر الگعده
تراتيل.. يلا يا بسونه راح نتأخر
بيلسان...يلاا اجيت
خلي اعرفكم ع نفسي اني بيلسان اني تؤوم تراتيل بس هيا اكبر مني بدقائق عمري 18 أدرس سادس علمي اني وتراتيل نفس الصف ندرس بشرتي بيضه وشعري لحد خصري واشگر عيوني كبار ولونهن بحري رموشي طوال وكثاف وثگليه كلش بس مو عنيده عكس تراتيل........

البنات.... صباح الخير للجميع
الأب والأم... صباح النور
محمد... صباح النور حبيباتي
احمد ... هلا بهل صباح يلا تعالن اتريكن حته اوصلكم للمدرسه
تراتيل... شكراً حبيبي
بيلسان... يلاا استعجل عدنه امتحان الدرس الأول
احمد ... يي حاضر ست بسونه
تراتيل... يلاا اني شبعت حغسل وانتضركم بره
بيلسان... انتضري اجي وياج
احمد ... يلاا بنات اصعدو خل نروح

تراتيل... وصلنه للمدرسه وگال
احمد... بنات اليوم يجوز اتأخر بلشغل فـ راح ادزلكم احد من الولد
تراتيل... عادي حبيبي بس اهم شي مدز العقده 😒

احمد ...عيبب تحجين هيج هذا ابن عمج واكبر منج واذا تأخرت ادز محمد
بيلسان... اهم شي تجون علينه ب12 ونص علمود منضل واكفين بشمس هواي
احمد .. اوكي يلا ادخلن هسا

راح احمد واحنه دخلنه للمدرسه ورحنه للصف نراجع عدنه امتحان

         ***************************
جنه دنتمشى بلمزرعه ونتفقد شكو شي ناقص اني وضلعي
علي...هاا يشيخ اشوفك صافن
عباس... جاي افكر اروح اخطب بت گلبي
علي... يي يشيخ الساعه المباركه توكل ع الله واني وياك هم اريد اخذ الشالعه گلبي
عباس... ههه شنسوي يخوي زلم مشوربه وشيوخ نركض وره المزعطه وما گادريلهن

خلي اعرفكم ع نفسي اني الشيخ عباس عمري 31 سنه نقيب  مواصفاتي ابيض وطويل طولي 180 وضخم عيوني سود وحادات عايش بيت العائله ويا اهلي وهم حبوبتي وجدي الله يطول عمرهم وابوي وامي وعمي ابوعلي ويانه عايش عندي اخت وحده واني بس عد اهلي وتربينه اني وعلي سوه فاعتبره اخويه واعز بعد وعندي بعد عم بس طالع بيت وحده بس قريب علينه ابو محمد ابو بلوة گلبي من الصغر جانو يگولون تراتيل لعباس وعباس لتراتيل واني سميتها هيج اسم وربيتها على ايدي بس هيه عنيده ولسان وشالعه كلبي

علي... اني النقيب علي وابن عم الشيخ عباس اني ويا رابين سوه واعتبره اعز من اخويه عمري 30 مواصفاتي بشرتي بيضه وضخم وطويل طولي 179 عيوني سود وحادات ونفس مگاللكم عباس احنه عايشين بيت واحد واني عندي اخو واحد واخوات اثنين متزوجات وبلوة گلبي بيلسان اعشقها عشق مصاير بس هيه متحس ابد ثگيله كلش وعدها اهم شي دراستها هيا واختها شالعات گلوبنا الله يعينه بعد

علي... دنسولف واتصل علي أحمد ابن عمي وجاوبت
علي... يهلا بابن العم شلونك

احمد... بلمهلي يبن عمي اتصلت عليك اريدك تروح ع البنات اذا ماعندك شي لائن اني بشغل وماگدر اطلع

علي... يي تدلل يبن العم هسا اروح

أحمد... يلاا ثيمالا اني اترخص

علي... الله وياك يبن العم

عباس... هاا يخوي شيريد حميد

علي... يريد اروح اجيب البنات اليوم عنده شغل وميگدر يطلع

عباس... يي يخوي يلا نتوكل ع الله نروح نجيبهم

علي... هاا يخوي تمشي وياي

عباس... يي يخوي مشتاق لبلوة گلبي ارد اشوفها

علي... يلاا يخوي امشي

*************************************
تراتيل... خلصنه دوام وطلعنه اليوم زهراء ممداومه مريضه وما اجت فضطرت تأجل الامتحان طلعنه اني وبسونه ننتضر محمد يجي علينه وجانت الدنيا كلش حاره واني ما اتحمل الشمس بسرعه ادوخ فشافتني بسونه واجت

بيلسان... هاا حبيبتي هم دختي

تراتيل... يي حاسه نفسي راح اوگع

بيلسان... امشي حبي نروح نكعد يم ابو المكتب رجال جبير وميحجي شي

تراتيل... يلاا امشي لأن بعد ماتحمل اضل واكفه

اخذتني بسونه ورحنه لابو المكتب بس لكينه عموو يريد يطلع واجه ابنه يگعد مكانه

بيلسان... هاا عموو راح تروح

ابو المكتب... يي والله يبنيتي محتاجه شي وشبيها اختج

بيلسان....والله يعموو هيا دوخ من الشمس ومثل متشوف الدنيه حاره تكتل ومحد اجه علينه فگلنه نكعد يمك ع ما يجي اخويه

ابو المكتب... يي يبنتي تفضلن اكعدن هنا وهذا ابني حسن مثل اخوجن اتفضلن

تراتيل... راح عموو ابو حسن واحنه ضلينه كاعدين بس اني كلش دايخه ونفسي ضلت تلعب راح حسن يجيب مي ومن اجه انطاني بطل المي وسمعت صوت من وراي خلاني ارجف بـ مكاني انداريت وشفت...... يتبع

    وهذا البارت الأول انشالله يعجبكم ❤️❤️❤️

إذا عجبتكم صوتت + تعليق 💕💕