عذبنه عشگ الشيوخ (متوقفة)

البارت الخامس

مساء الخير حبايبي اعرف هواي تأخرت بس مجاي يصير عندي حماس حته اكتبلكم يعني هواي مشاهدات بس لا تصويت لا تعليق مجاي تنطوني حماس اكتبلكم وانشالله المره الجايه مراح اتأخر عليكم وهذا بارت طويل لعيونكم احبكم ♥️🌹

عذبنه عشگ الشيوخ

البارت الخامس

الكاتبه :علياء العلياوي ✍️

قراءة ممتعه

تُسائلُني
‏مَن الأجمَل
‏أنا أم قِطعَةُ السُكر؟
‏وَمَن يروِيك
‏هل وجهِي أمِ الكوثر ؟
‏فأسخرُ مِن سَذاجَتِها
‏أتجهلُ أنَّها عُمرِي ، وَخَارِطَتِي
‏وَأنَّ قَلِيلَها أكثر!
.........................

صعدنه واخذنه لمطعم اكلنه وبعدين اكلنه آيس كريم ورجعنه للبيت بس نزلنه فهد راح مقبل ينزل دخلنه للبيت نهلهل ونگمز اني وبيلسان بس انصدمنه عباس وعلي كاعدين يم اخواني گلنه السلام عليكم وردنه نصعد بس وكفنه صوت عباس

عباس : وين جنتو

تراتيل : شنوو يعني وين جنه مو انت بنفسك وصلتنه للمدرسة وهسه خلص الامتحان واجينه

عباس : بس اني اجيت عليكم وكلولي مخلصات امتحان وطالعات

بيلسان : يي احنه متفقين اخر يوم بلامتحانات يجي علينه فهد واجه رحنه اتغدينه سوه وهسه اجينه

عباس : ع الاقل انطوو علم راح تطلعون لأن اخوانج هم ميدرون

تراتيل : وليش انطي علم اني طالعه ويا غريب اشوو هوه اخويه وطلعت ويا ارتكبت جريمه اني حصعد انام تعبانه ولحد يگعدني منا لباجر

بيلسان : اخذيني وياج والله احس راسي راح ينفجر

تراتيل : يلا احنه نترخص

عباس : بس بعدني مخلصت كلام حته ترحين

تراتيل : اووف شكوو بعد

عباس : احجي عدل احسلج وبعدين انتي جاي تكولين فهد جابكم لعد وينه ليش مدخل

بيلسان : هسه دعوفو الولد بحاله هوه من العركه بعد مدخل للبيت ولوو ما البارحه علمود الامتحان اجه درسنه جان ما اجه والله بس اجه لخاطرنه لأن مفاهمين المواد واجه درسنه وراح بعد عوفه بحاله وانتي الثانيه امشي نصعد اني دخت يوميه عركه يعني الواحد ميرتاح ابد

علي : ست بيلسان مو كأنو لسانج طولان وصاير ماكو احترام

بيلسان : اللهم صبرج ياروح اروح انام احسن ما اسويلي عركه واطلع اني الغلطانه وانتي امشي گدامي بسرعه

عفناهم وصعدنه فوگ بدلنه ملابسنه ونمنه

............................................................

بعد مرجعنه من بيت عمي رحنه للمزرعة اني وعلي لائن متعودين نسهر هناك

علي : شتكول يخوي لو نفاتح عمي بموضوع البنات تره بعد ماعندي صبر