الدكتورة💉والخيال 🐴

الجزء الثاني

نبأ /امشي خل نرجع للبيت
هديل/ اوك
نبأ/ وصلت هديل للبيت لان رحنا بسيارتي ومجايبة سيارتها فوصلتها
هديل / نبأ
نبأ/ نعم
هديل / شو حسيتج ضجتي
نبأ/ لا ليش؟؟؟؟
هديل / ماعرف من شفتي الولد مدري شصار بيج
نبأ /شصار بلة
هديل/ ماعرف ضجتي
نبأ /لا اوك كافي اسئلة انزلي هسة اهلي ينتضروني
هديل / اوك باي
نبأ/ بايات اشوفج باجر
هديل / انشاللة.

مروان / عمر عمر عمر الوووو عمر عمرررررررررر
عمر/ هاا عار طرشتني
مروان / طرشتك انت صارلك ساعة احجي وياك من راحن البنات لسة مترد صافن
عمر/ صدك
مروان /لادااجذب
عمر / مادريت لاتاكلني حاصل فاصل امشي خل نرجع للبيت
مروان/ يلة ترة جعت
عمر /انت ماعندك غير بس بطنك
مروان /اكيد (حسيت اول مرة يصير بيناتنة هدوء بالسيارة رحنا اني وياة بسيارتة لان سيارتي البانزين ميكفي يوصلني للبيت ومن اجيت مستعجل ماعبيت وهسة المحطة القريبة منهم خاف عزلت او اضيع طريقي فرحت وياه كلت للصبح وادزلها السايق مال ابوية يجيبها وووو كسرت الهدوء )
مروان / عمر شبيك حبيبي متحجي شي شصارلك
عمر /هااا ماكو شي شبية
مروان / اعتقد اني اسئل مو انت
عمر / مروان عندي اللك مهمة
مروان/ جاوبني اول
عمر / بعدين انتة هسة سوي الكتلك علية ومعليك
مروان/ اوك كول
عمر/ اريد معلومات البنية ام السويتر الاسود كلشي عنها شتصتغل وين تعيش كلشي
مروان /ليش
عمر/ سوي ومعليك يلة وصلنا انزل ضلع
مروان / اوك
عمر /ترة الصبح اريدهن
مروان / اي فهمت باي
عمر/ بايات

نبأ/ دخلت للبيت وراشي حينفجر مادري ليش مع انو اني كل يوم اشتغل هواي ومااتعب هيج بس تعبت اليوم ماعرف فدخلت للبيت
مهند / نورالبيت اجه اجت حياتي اجت عمري اجت اختي امحححح💋 شكد اشتاقيتلج اليوم
نبأ/ الي يشوفك يكول جنت بالجبهة مال القتال
مهند / انت اليشتاقلج هم يتورط
نبأ / هههههههه لا اني هم كومه شتاقيتلك
مهند / جذابة
نبا / وللة شبيك
مهند / حياتي انت تعاي اصبلج مي وعصير واشكال سويتلج كلشي تحبي
نبأ /اليوم صاير طباخ شنو الفلم
مهند /عطلة شسوي
نبأ/ دخلت لكيتهم كاعدين
نبأ/ سلام جميعا
الكل هلاووو
مهند /هاج هاذا العصير يجنن
نبأ/ مال شنو
مهند /شعليج اشربي واسكتي
احمد/ ولك اتبسز اني اجي من الشغل ميت وانت معطل يومين بالجذب من اجيت لسة كلاص مي ماكو
مهند/ وانت شعندي مدللك اني اني ادلل بس اختي حبيبة عمري
نبأ/ حياتي انت وللة وانت احمد لتعصب اني اجيبلك مي هاك
احمد / يروحولج فدوة كلهم
مهاا/هاااا هيج صارت
نبأ / ههههه كافي ترة حيرة نصالح منو احجي شي بابا
الاب/ اسكتو مني ضايج وروحي طافرة
الكل/ ليش يابة
الاب/ الشركة المنافسة ومجموعة شركات عدنا باجر شي مثل المسابقة او المزاد ومادريت اني بس هسة يلة وداافكر بااحد ادزة
نبأ/ اروح اني
الاب / صدك تحجين
نبأ/ اي واني افهم بهاي الامور بس انطيني معلومات اقراها بليل وهاهية
الاب / فديت بنتي البطلة بشيطة
مهند /اجي اني وياج هم
نبأ/ اوك
الاب / اني اروح انت شكو
نبأ/ لابابا اني وياه والعملاء شركتنا انت ارجع للشركة الام خاف اكو شي حلة
الاب / اي يابة بس اريدج ترفعين راسي
نبأ /انشاللة بابا يلة اني رايحة
مها/ تعاي اكلي وين رايحة
نبأ / ماريد حبي شبعانة
مهند/ لازم انت وهديل اكلتي شي دسم
الكل /ههههه
نبأ/ اي واذكرناك همين
مهند/ ههههه
نبأ/ يلة تصبحون ع خير
الكل/ وانت من اهلة
نبا / صعدت واخذت المعلومات وخابرت ع عمي مدير المستشفى علمود اجازة زمنية اروح للمزاد وافق وقريت المعلومات وكملت ونمت .............................

انتضروني بالبارات الثالث ..❤❤❤❤❤