هلو ..
اسمي نسرين عـمري 16 سنه عايشه ببغداد من عائله بيهـا اربع بنات ، عندي اخت اكبر مني بسنتين واخت اصغر مني باربع سنين ، واصغر وحدهه عمرها سنه وكم شهر ، اني ثاني وحدهه ، اهلي رادوا ولد هوايه بس للأسف مصار الهم ، اني الوحيدهه الي ماشبه خواتي او شكلي يختلف والحمدالله اهلي ماعدهم تفرقه بين وحده ووحده من عدنا ، اني اجتماعيه كلش بس مو ويه الكل ، قصتي تختلف لان قصتنا اني وصديقاتي على حياه كل وحده بينه راح تعرفوهم هسه ..
___________________
اسمي ساره عمري 16، اني اصغر بس عقلي اكبر من عمري يعني اذا صارت مشكله عند وحده من صديقاتي اني افكرلهم لحل او اساعدهم يحلوها ، احب الكوريين بشكل ، عندي ٣ خوات ، جنت ويه نارين بصف أول ابتدائي بس بعدين انقلت من كبرنا وصدفه جانت من احلا الصدف الي بحياتي هـي الجمعتنا مرهه ثانيه بس هـل مره مو بس اني وياها ..
___________________
اسمي مسك عمري 16 ، انولدت نفس السنه ونفس اليوم والشهر الي نولدت بيهـا ساره(احنه مو اخوات ) ، اني هـادئه كللش و مو اجتماعيه ابد ماحب اطلع من البيت مو توحد بس اني هيج منعزله جداً ، اذا اكرهه ناس بحياتي اكره المنافقين والولد المايعين او هذوله الي يوكفون كدام مدارس البنات ، اني كلش احب البصره رح تعرفون ليش بعدين ، هم كلش احب الابراج والفناجين صح اصلي واصوم وثقتي بربي كلش جبيره بس احب هاي السوالف ..
________________________
اسمي ليان عمري 16سنه ، اني مرحه كلش وايجابيه ، احب الضباط والجيش والعسكريين وهيج ، اقرهه هوايه وشاطرهه ودائما درجاتي تجي عاليه ، هذا الشي مخلاني اصير مغروره ابد او اشوف نفسي على البقيه ، عندي اخت وماعندي اخوان ، تعرفت على نسرين ومسك بصف الاول المتوسط ، جانت علاقتي قويه بنسرين بس ممندمجه او مختلطه ويه مسك هوايه ، لحد ما فد يوم انقلت من مدرستي لمدرسه جديدهه وجانوا بيها مسك ونسرين وبنيه اسمها ساره اول مرهه اشوفها ..
_______________________
اسمي تسنيم ، عمري 16سنه ، الصديقه المقربه كلش او البيست فريند ل مسك ، دائما سوه تعرفت عليها بالسادس ابتدائي وبعدها صرنه كلش مقربات لهاي اللحظه ، عندي اخوان ٢ وماعندي خوات ، جنت دائما اتمنى تصير عندي اخت بس للأسف مصار ، صارت مشاكل بيني وبين مسك وهذا الشي خلاها تنقل لغير مدرسه وبعد مشفتها ، بس السنه الوراها انقلت لمدرستها ويه ليان وشفتها ورجعنه مثل قبل واحسن ..
___________________________
اسمي ليليان ، عمري 17سنه ، بسنه من السنين سافرنه وتركت ، اني جريئه كلش مستعده اسوي كلشي لان ماخاف ومو خجوله ، عندي خوات ٢ وماعندي اخوان ، تعرفت على ساره ومسك ونسرين ، بالبدايه محبيتهم بعدين كلش تقربنه من بعض ، بس عدا ساره مجنت قريبه منها ، جانت علاقتي ويه نسرين قويه وصرنا قريبات من بعض اكثر ، لحد ما اجوي بنات جديدات ومن ضمنهم ليان وشغف وتسنيم ، بس تسنيم جانت علمي واحنه ادبي ..
________________________________
اسمي شغف ، عمري 16 سنه ، احب الكوريين ومهووسه بيهم ، وهـم عندي اصدقاء سعوديين ، عندي اخت وحده واخ واحد ، اني هم مثل مسك احب الفناجين وهاي السوالف بس هم اصلي واصوم ، جيت للمدرسه وشفت شكد مسك وساره علاقتهم قويه عبالك توأم وهـم جان وياهم ليان وتسنيم ونسرين حبيتهم وصادقتهم ، جنت دائما اشوف مسك تباوعلي بنظرهه عبالك تحلل شخصيتي بعدين حتعرفون ليش ...
حلو لو لا؟.
