... الحلقة (2)
من #رواية
#هرمون
#كاتبة #أميرة_سليمان
نداء... خشت للحمام أبدت تبكي... و جوها متعكر.. ماتبيش تقعد عند اهلها من طبيعتهم الصعبة..
إدريس.. في هذا الوقت متجهه هو اخته بيخطبوا...
نداء... قلقت من كلام امها و تتصل با إدريس...
إدريس... ايصكر عليها...
أم نداء.... هكي شكلك ايديك شعر كيف حته راجلك متقبلك..
نداء... انحي فيه و يطلع بسرعة ثاني راني بنتك مريضة...
نجلاء... راكبه مع خوها فرحانه بتزوجه بتنزل ضره على نداء...
أم إدريس... تتحسب على ولدها و بنتها...
إدريس.... البس الزبون و تكم روحه متجهه لي حوش البنت...
نجلاء... نزلت للحوش البنت هي نيتها شر قعمزت حطت رجل على رجل....
سمر.... طلعت بطلة جميلة متكمه روحها قعمزت تبتسم لي نجلاء...
نجلاء.... تشبح في نظرات استفزاز...
سمر... حطت عيونها لوطة....
نجلاء.... من خلال حديثها مع أم سمر. َ..
أم سمر..َجتها صدمة من كلمت نجلاء ََ
نجلاء َ.. اهم حاجة ايكون رحمك انظيف و أتجيبي
أم سمر... سكتت معاش عرفت اتعبر...
نجلاء... ايه و انسيت و اتكوني فالحة و اتقيمي عجوزك انا ظهري....
أم سمر.. َسكتت هزت رأسها... ماتبيش اترد على نجلاء... بسبب مصلحتها بنتها تمشي....
نجلاء... ركبت مع إدريس روحوا.....
إدريس... ظرف البنت عجبتني خير من البهيمة لي في الحوش...
نجلاء.. اشرط عليها..
إدريس. وقف السيارة..
نجلاء... خيرك..
إدريس.. شن اشرطي...
نجلاء... ايكون رحمها انظيف و أتجيب صغار ما دخليش فيها و اتعاني امك...
إدريس.. بعلامات غضب... تي كيف اتقولي هكي توا معاش ايوافقوا...
نجلاء... بضحكت استهزاء... ما تخافيش بتوافق و غصب عليها.
إدريس.. علاش شن تعرفي عليهم..
نجلاء..َغير برا توا في الحوش نحكوا....
______________________________
عبد الله.......فاتحة النت اتقي الله انتي متزوجة...
نداء... ماليش الا اسبوع بس فاتحته ضفت بنات عمتي بنات خالك و زوجي بس...
عبد الله... بعصبية مجنونة... هو قالك افتحيه...
نداء... انا قوتله هو قالي عادي...
عبد الله... حرام فيه المحرمات مدامك في حوشنا صكريه راجلك هذا مش راجل ما يعرفش ربه...
نداء.. اسمع انا نبي نقعد اسبوع عندكم انريح رأسي لي هذا اطلع من رأسي...
عبد الله... الله الله يا دنيا....
نداء.. َ😲😲😲 خيرك...
عبد الله... الله على نداء لي كانت ما تفوتيش صلاة في وقتها و تختم كل شهر في كتاب الله لي تلبس في المستور في كل مكان لي محتشمه في كلامها ما تفكريش تشبح أو تلفت نضرها لي شي يغضب الله لي كانت متخمره الله الله بس...
نداء.. 😕😕😕 هذا كله قاعده اندير فيه...
عبد الله.... اسكتي من دون كذب..... السانك أطول.. الخمار نحتيه... صلاة معاش زي قبل محافظة... أي مستور و انتي شعرك على شارع تسمعي في الأغاني هذا الانحلال كله من لما اتزوجتي.... توا اهو بتفتحي الفيس..
نداء َ.... بدمعات حارقة.... انا وين انت وين انا مريضة راجلي كرهني مش وقت الكلام هذا
عبد الله.... هذا ابتلاء يا اختي لأنك ابتعدي على الله...
نداء.... استغفر الله العظيم... اخطاني برا...
عبد الله... شيطان ساكنك يا اختي...
أم نداء..... هاذي انحلت اختك معاش تتناقش معاها...
نداء... صكرت على روحها الدار اخدت هاتفها و فتحت الفيس مش عارفه كيف اتخش أو تطلع فيه...
___________________________________
إدريس.. روح للحوش افتح دولاب و طلع حوايج نداء كلهم للدار الأخرى....
العمال....خشوا حولوا دار النوم.. للدار الأخرى...
إدريس.. بكل حماس... نبي شغل و صيانة امليحة للدار..
العمال.... أبدوا في شغلهم...
إدريس.. َاخديه شنطة الذهب امتاع نداء و اطلع بيها...
نداء....تتصل با إدريس القاتله امدايرها حظر. 🥺💔..
والد نداء.. معاش تنقي خلاص...
نداء... هي مخنوقة العبرة... لا با الله عليك ارفعني لي تونس
عالجني...
والد نداء.... توا نعالجك بي الرقية و الحجامة...
نداء... يا بوي مشكلتي كبيرة....
والد نداء... نوضي صلى ركعتين توا تهدى نفسك...
نداء.. َخشت معصبه للدار... و ضي اهرب... فتحت هاتفها خشت للفيس بي الغلظ فتحت البث المباشر ما تتدريش على روحها اخدت ملابسها و شعلت فلاش الهاتف و خشت ادوش عليه 😲😲😲😲😲😲😲😲..
فرح بنت خالتها... تشبح لي البث انصدمت أبدت اتعيط... تتصل بي نداء تلقى فيها خارج التغطية.
نسرين... اكيد الغبية هاذي رصت عليه بي الغلظ ما تفهميش في الفيس علاش فاتحته...
فرح... يا حليلي البنت ادوش قدام الناس في صفحتها اتصلي بس خالتك بسرعة.....
نداء... ادوش... و موجه الفلاش ليها و تليفون ايصور فيها هي مش معاه بكل...
فرح... تتصل بي عبد الله تلقى في هاتفه امصكر...
أم فرح... ركبت هي و راجلها و اتجهوا لي حوش اختها...
والد فرح... انزل يجري من السيارة و ايدق في الباب بس القوة...
فرح... اتعيط. بي.. افتحوا بسرعة افتحوا بسرعة...
عبد الله.... افتح الباب و انخلع يحساب في حد مات..
فرح... خشت تجري لي نداء...
نداء... كيف طالعة من الدوش و شاده هاتفها في ايديها...
فرح.... اخدت الهاتف بي القوة من نداء و دموعها أبدوا ينزلوا..
نداء... شن فيه حي إدريس صارتله حاجة...
فرح.. ورت الفيديو البث لي نداء...
نداء... طاح المنشف من ايديها....ابدت ترعش...
والد نداء...جال العصا ابديه يخبط في نداء....
الكل. ايحزوا...
فرح....لاهيه تمسح في الفيديو... و صكرت صفحت نداء..
_____________________________
مع حلول الصباح....
نداء...وجهها كل احمر من الضرب... مش قادرة توقف....تتصل بي إدريس من على هاتف فرح....
إدريس.... واقف في محل الذهب.. و ايبيع في ذهبها....
نداء.... يا حليلي شوره شاف الفيديو....
فرح... المشكلة في بنات عمتك من بكري يتصلوا و يبوا يعرفوا كيف صار هكي...... لاكن إدريس شوره ما شاف شي....
عبد الله.... نايض من النوم... و جاي ايفنص. و ايهزب في نداء
.. يبيها اتروح لي حوش راجلها...
أم سمر... اتلقت الموافقة من نجلاء.... أبدوا يحكوا على البيان بكل حماس...
أم إدريس.... مش عاجبها الموضوع و ضغظ امتاعها ارتفع....
العنود اخت إدريس.... حي جانا عرس يا ماما....
أم إدريس... حته اختك صغيرة علمتها يا نجلاء...
نجلاء... حاطه رجل على رجل.... تشرب في القهوة.... تحكي بي حماس... كيف بتجيب فاطمة اتغني في العرس و تنشطه...
العنود.... حي فاطمة بتجي حي يا حي....
إدريس.... كيف طالع من محل ذهب يوصله المسج على الوااس الصدمة. 💔😲😲😲😲
قيموا القدر #تفاعلوا
أنت تقرأ
هرمون ( روايات ليبية )
Romanceللكاتبة : أميرة سليمان ، الاحدات مبنية عن قصة حقيقة ، و ما علاقة الهرمونات في الحب❤️
