... الحلقة (4)
من #رواية
#هرمون
#كاتبة
#أميرة_سليمان
نداء...دموعها ينزلوا بشدة على عمتها.. َو تهمس بي ربي ايصبرني عليك يا عمتي الغالية..
سمر... بشهقة مجنونة.. هاذي عمتي مش عمتك...
نداء...بنظرات تعجب... نعم اوخيتي شن قولتي...
سمر... انااا مش اختك يا.. ََ
نداء... يا شن.... من انتي بعدين.. شن فيه حد ايفهمني...
الناس. كلها يشبحوا مستنين ردت فعل نداء..
نجلاء... تشبح لي نداء و ساكته تستنى في هبوب العاصفة.
نداء.... اتكلموا خيركم تشبحوا... بعدين انا شني...
سمر..يا عقيمة...
نداء... شهقت... دمعتها في عينها...
نجلاء...عيطت على سمر... صكري فمك... مش وقته أمي ميته.
نداء... أبدت ادف في سمر و اتعيط بي انتي مني من انتي...
سمر... شوفتي الحنة هاذي... حنة عرسي
نداء... باهي و ايه...
سمر... عرسي و العريس راجلك...
نداء.. ضحكت بي استهزاء...
نجلاء... نحسابك عاقلة يا سمر خزي اطلعتي حيه...
نداء... اقسم بالله إلا أنا الحيوانة تعرفوا علاش لأني قاطعة مسافة ماشية نعالج مش إنجيب فرخ من واحد اصلا ما يسحقيش كلمت راجل.... خزي استريحتي توا يا نجلاء الافعة.... حسبي الله ونعم الوكيل فيكم...
سمر... اطلقي منه بري في حالك انا بندير ليه عيل...
نداء... طلعت تجري لي الرجالة...
والد نداء...ما يشبح غير في نداء هاجمه...
إدريس... افزع من مكانه....
نداء... اتفوا عليك...يا تيس...
رجالة. في حالة صدمة و يستغفروا...
نداء.... تي ماشيه يا كلب لي تونس على خاطرك...
والد نداء... تي اركبي للسيارة حشمتيني...
نداء.... حسبي الله ونعم الوكيل فيك حسبي الله ونعم الوكيل فيك....
__________________________________
إدريس.. روحي بري للحوش و حسابك بعدين...
نداء... تي برا روح انت... مستحيل اتكون انسان اصلا...
إدريس... ياسر من العار بري...
نداء... طلقني....
والد نداء... ابديه ايدف فيها للسيارة بسيف...
إدريس... تي باهي به...
نداء... تي و الله لما أنربيك يا فرخ الحرام..
ادريس... اتحشم قدام الناس و حط عيونه لوطة..
نداء... اتعيط لي بوها زي عياط الأم على ولدها...
والد نداء... تي كيف هكي اديري قدام رجالة بعدين هو مادار شي غلظ ياغبية ابديه الحق عليك...
نداء... تي شن مادار شي غلظ اضحك عليه حطني عندكم و اتزوج...
والد نداء... يا فرخة هذا شرع تبي.. لاحول و لا قوة إلا بالله.
نداء... يا حليلي بس نجري مش انحصل معاه عيل هكي يغدر فيه...
والد نداء... الله ايحشمك سودتي و جهي قدام الناس...
نداء... نزلت للحوش و هي تبكي و قريب تتفجر...
إدريس... ايسب في نداء... مقهور من ردت فعلها...
مع حلول صلاة العصر...و تشيع الجنازة...
العنود... منهاره مش قادرة توقف...
نجلاء... اتبوس في رأس امها و تتطلب في السماح...
إدريس َ... واقف يشبح لي خواته...
العنود.. اتصرخ بي صوت عالي...
نجلاء... أبدت تجري وراء السيارة لي رفعت امها...
سمر... .في داخلها شن العيلة هاذي..يا حصلتي...
أم سمر... هكي اديري قدام الناس يا بنت..
سمر.. انقهرت يمه...
أم سمر... تي توا اخته نجلاء بتفضحنا يا مهبولة...
سمر...زعما يمه...
أم سمر... ايه السر كله عندها...
سمر... أبدت ترعش من الخوف...
______________________________
إدريس... اطلع من الجبانة و اتجهه لي حوش نداء طول...
والد نداء... شن جابك انته...
إدريس... انت شيخ ياعمي.. و عارف انتي ما درتيش شي غلظ كل شي بي الحلال..
والد نداء...ايه عارف.. و علاش جاي توا شن المطلوب..
إدريس.... بنتك دارت العار قدام الناس..
والد نداء... مخلي عزاء امك و جايني مش اتقول لكلام هذا.
ادريس.... وينها بنتك نبيها...
والد نداء... برا ياراجل برا على حالك...
نداء... طلعت اتعيط طلقني طلقني....
إدريس..... لا... بتنزلي على ضرة و هي السلام عليكم...
نداء... يا حيوان برا حيوان...
إدريس.... بري شوفي روحك انتي شن امدايرة ادوشي عريانه لاكن انا اتزوجت بي الحلال نبي عيل نبي نستمتع بشبابي.
نداء... شن انا حارمتك...
إدريس.... قصدي معاش متقبلك من قصة الشعر....
نداء...طلقني برا في حالك😠.
إدريس... اطلع و خلى نداء....
،____________________________
نجلاء... فوق انا ما استرت عليك هكي بنتك ادير.. َ
أم سمر... با الله عليك سامحيني...
نجلاء.... شن توا نفضحك يا عايبه..
.. كيف بنتك اتعلي صوتها و امدايره في روحها هكي شن تحساب روحها مسرع هو....
سمر.... انا اسفة لحظة غضب...
نجلاء... فوق ما درت في امك خير..
العنود... اتحشموا أمي ميته راهو كيف دفنها..
نجلاء... باهي حبيبتي اهو اسكتت..
العنود... انتي ماتبيش اتوبي يا فرخة.
نجلاء... معاش اتزيدها عليه...
العنود.. ضربت نجلاء كف...
نجلاء....خيرك...
العنود.... تي كل الهم منك انت عسكر سوسة...
نجلاء.... ارحميني يا عنود و الله ما ناقصني خلاص...
العنود.. اصلا انا عارفه شن بندير....
نجلاء َ...شن بديري...
إدريس.. خش اهجم على نجلاء...
نجلاء... خيركم عليا...
إدريس.. وجعتني نداء ياريت ما اتزوجتيش..
نجلاء.... حطها في رأسي توا...
العنود. تي امك ماتت و انت تفكر في نداء أعوذ با الله منكم..
نجلاء... 😭😭😭.
سمر.. َخشت عليهم...
إدريس.. شن جابك انتي توا...
سمر... انا بنقولك السر لي خانقتنا بيه اختك..
إدريس. تي شن ثاني...
سمر..َهذا.... يتبع
أنت تقرأ
هرمون ( روايات ليبية )
Romanceللكاتبة : أميرة سليمان ، الاحدات مبنية عن قصة حقيقة ، و ما علاقة الهرمونات في الحب❤️
