غ♥̨̥̬̩مـأَزتـهـأَ .. حـيأَتـ♥̨̥̬̩ي !!

بارت 2

هدير :كتلتني بيهن تكلي ديري وجهج اني شويه ودرت وجهي وشفت واحد حلو ! صراحه هو حليو شنو كيكه الشخصيه والطول والهيبه لا والمصيبه يباوعلي اني متت بدمي هيج كيكه تباوعلي

حازم: هلاو اني حازم عمري 30 سنه اني منتسب بالشرطه طولي 185 وزني مناسب واكيد عدي عضلات لان شغل هيج المهم شعري زين عندي غمازت بخدي الايسر بشرتي حنطيه عيوني حاده واذا عصبت يصيرن حمر وخشمي مثل السيف صراحه اني عصبي محد يتحملني فأبد مامريت بعلاقه ابداً وماعديزبس اختي اللي هيه اكبر مني بثلاث سنين مامتزوجه

حازم :دارتلي وجها وياريت مدارته شفت وحده حلوه (هههه)

هدير :هذا ضل صافن ومفهي ونونه تتمضحك اني خزرته بعيوني شو هذا ضل يضحك

حازم :عود تريد تخوفني كعدت تخوزر بس فدوه جنها دبدوبه تضحك خزرتها

هدير :جريت نونه وطلعت

حازم :اجه خالد وشتريت ساعه وشويه فرفرنه وطلعنه طبعاً بيتي مو هنا بالناصريه بس اجيت زياره لبيت خالتي وخالد ابن خالتي الوحيده وهاي ام غمازه ضلت ببالي وخليت خالد يجيبلي رقمها لان طلعت امها صديقة خالتي وخالد يعرفها فجابليا وكلت ارجع للناصريه واخابرها باجر الصبح ارجع

هدير :رجعت للبيت ولكيت ماما مسويتلي اكلتي المفضله اطيب شي اللي هيه مركة فاصوليا كولش احبها

ام هدير :حياتي هدير يله تعاي اكعدي ناكل

هدير :اي يكلبي وين روز

روز :حياتي هدهد هياتني اجيت

هدير :يله حب ناكل ، اكلنه وشبعنه وكمنه كلمن لغرفته ونمنه ثاني يوم رحت عالكليه وشفت نونه

نونه:هالج شلونج

هدير :الحمدالله انتي شلونج

نونه:والله بخير صدك باجر اخر يوم امتحاناتنا

هدير :اي ونخلص وما اكعد بالبيت من باجر اخلص الامتحان وكل لمي نسافر

نوره:نيالج اني الحقنه العندي اخوي ميقبل نطلع

هدير :اووف من هذا اخوج غير راسه يابس

نوره:يله ولج بده الامتحان

هدير :يي يله . دخلت الامتحان وجان بس امتحان خلصنه ورجعت للبيت كبل تغديت وشويه كعدت وي اهلي ونمت ساعتين وكعدت بال 6 صليت وبديت اقره واقره واقره حته اخلص قريت وخلصت ب 10 طلعت لكيتهم ممتعشين متانيني كعدنه تعشينه وكلمن راح ينام واني كعدت شويه باوعت تلفزون ونمت
كعدوني من صباحيات الله كمت غسلت وكشخت على اخر حبه اليوم اخر امتحان وانجح للمرحله الثانيه المهم خلصت وخذتلي تفاحه كلتها بالطريق وصلت للكليه ولاكيت نور وطبينه نمتحن

حازم :وره ماخذت رقمها كلت مااخابرها ابداً احببها بيه وعود اخابرها بس شلون التقي ونتعارف كلت ماكو غير خالد اخابره

حازم :الو شلونك ضلعي

خالد :هله بالكاطع

حازم :اني الكاطع مصارلي سبوع من اجيتت من عزكم ها

خالد :محد يكدر للسانك كول آمر

حازم :تذكر ام غمازه بنت صديقة خالتي

خالد :اي هدير شبيها

حازم :فدوه لأسمها اريدك اريدك ادبرلي اشوفها وتقرب منها

خالد :باع خويه اليوم اخر امتحاناتها واحنه كل سنه وره الامتحانات يعني بالعطله اهلها واهلي نطلع سفره فأخلي امي تعزمك هم منها تتونس وهم تشبع من الحب

حازم :مشكور يخوي اردها بعرسك

خالد :ولي ولي عرسه هوه

حازم :سديته منه واني كلبي يدكدك رحت للدوام وروتيني العادي

هدير :........

خلص البارت شلونها القصه الجديده

حبايب القصه بين محافظه الناصريه والموصل اني دا اكتب بالهجه الاعرفها مااكتب بالمصلاوي لان مااعرف وعلمود اكو ميعرفون مصلاوي
وبالنسبه للقصه هيه خياليه واقعيه تمام  بس مو حقيقيه حبايب اريدكم تصعدووون القصه بليييز البارتات تكون حسب التفاعل اذا قليله او قصير

بيباي ❤️