🔞الوردة المحرمه🔞 ( فلسفه اللانجابيه)

جزء الاول

بسم الله الرحمن الرحيم

اقْتَرَبَتِ السَّاعَةُ وَانشَقَّ الْقَمَرُ

وَإِن يَرَوْا آيَةً يُعْرِضُوا وَيَقُولُوا سِحْرٌ مُّسْتَمِرٌّ

----------------

من علامات اقتراب الساعه

انتشار الفساد ومعصية البشر الله تعالى وعدم وجود خوف من الله

انتشار السحرة والمشعوذين وإقبال الناس عليها للوصل إلى مبتغاهم

------------------

1:00 بعد منتصف الليل بغداد

نايمه بس مختنكه من ورى الحمل واخر ايامي ما اكدر اتنفس طبيعي وعندي احساس كلش قوي نهايتي قربت

محمود: هيام هيام اكعدي حبيبتي شبيج مختنكه

هيام : محمود اني خايفه

محمود: من شنو

هيام: احس نهايتي قربة

محمود: لا اسم الله عليج لا تفاولين على نفسج أن شاء الله تكوميلي بالسلامه وبحضنج بنيتنه

هيام : محمود إذا متت بنتي امانه عندك

محمود : اسم الله شبيج هيام لا تفاولين أن شاء الله تجيبين بنيتنه ونربيها سوة ونسويها احلا دكتورة

هيام: الاعمار بيد الله بس اذا اجت منيتي بنتي تخليها دكتورة ولا تكسرها امانه الله ورسوله لا تسمع لاخونك وتخليها تبطل لا عليك الله لا تسويها

حضنتها وخليت رأسها على كتفي ما ادري حسيت غصة بكلامها خايف عليها من خوفي دموعي نزلت بس بسرعه مسحتها لازم اخليهة تقوة

ثاني يوم اخذنها للجده لان ولادتها صناعي وخطره ودمعتها بطرف عينها اشوف الخوف بعيونها

رحت بعيد شويه ودموعي ما اسيطر عليها يا ربي سهل ولادتها

وامي احس بيها راح توكع اله شوية لازمه هيام وتمشي بالكوة وخايفه عليها.

من جاي تدخل لبيت جده

هيام : عمه بنتي امانه عندج وعندك محمود لا تزوجها آلة تحققون حلمي وتصير دكتورة

سليمه: يا هويمة شجاج ما ادري بيج خوافه شبيج هسة تجيبين وتخليها بحضنج استهدي بلله

هيام : ونعمه بالله بس كلشي يصير تبقى امانه عدكم

ردت اغير الموضوع

محمود: زين شنو ناوية تسميها

هيام: اسمها من القرآن أريده

محمود: صيري قوية ماشي

وبستها من راسها

دخلو لبيت جده وإني بقيت بالطرمه مخلين مقاعد