بشار جان خايف من مريم على نفسها
لان ممكن تسوي اي شي بنفسها ما جان امأمن
راد ينقل غرفته جوة حتى تكون مريم تحت انظار امه
بس جانت غرفته حيل جبيره وغرفة الاخشاب مصممه عليها وغاليه مصممها من تركيا
وغرفة اخو صغيره واخشاب صاج مو حلوه
فما ما كدر يبدل غرفته بس من جان يروح للدوام يخلي مريم يم امه تنام
امه الوحيده الي تتحمل خبال مريم
واسكندر اصلن هو ينام يم بيبيته مريم مالها خلك احد
خلصت حملها مريضه وبس تتقيأ حتى اكل ما تاكل بقت على المغذي كلشي تاكله تتقيا
كضتها بجي
اول ما دخلت الرابع تحزمت اله تاخذوني للدكتوره هسة تسويلي عمليه ما اريد طفل
يابه عدلي بدلي ماكو زين بس صيري زينه انته مريضه قفلة
راحو للدكتوره هي كلتلها رحمج بعده تعبان خليها على الخامس
مريم عرفة جاي يجذبون عليها بس سكتت كالت بكلبها اصبرولي
بشار ما اطمن على سكوتها عرف وراها شغلة
فلهذا ما داوم بقه مكابلها
بين ما راح على الحمام
جانت مريم مغافلته ولامه شكو حبوب وادويه بالبيت ومخليتهن جوه سرير
ومن دخل الحمام يسبح سردتهم سرد كل الحبوب بلعتهم
والادويه فارغه صارت
ما بين مفعول اول شي هسة يبين هسة يبين ماكو
طلع بشار من الحمام وينشف بشعره
كعد على طابوريه يمشط شعره ويباوع على مريم من المرايه
.... شبيج وجهج اصفر عبالج مسويتلج مكسورة
دارت وجها بتوتر وكالت
.... ما بيه تعبانه شويه
رفع حواجبه وهو يتمعن بتصرفاته
جان منتظر اي حركه منها حتى يحللها
مشط شعره ولبس تيشرته
وتقرب يم مريم
.... امريوه بلا زحمه انطيني موبايلي من يمج
اخذت الموبايل وشالته بأيد متوتره
جاي تنطي البشار وكع من ايدها من كد ما ترجف
باوعلها بنظرة شك ودنك ياخذ موبايل
سبحان الله دائمًا مريم ما تنجو بكذبها او مصايبها الله يكشفها
أنت تقرأ
🔞الوردة المحرمه🔞 ( فلسفه اللانجابيه)
Literatura Kobieca* تنبيه يرجى الإنتباه القصه لا يجب قرائتها ممن دون سن 18 بسبب الأحداث التي تتضمن مشاهد جريئة ومخيفه وبعض المشاهد المرعبه + تتضمن فلسفه اللانجابيه