الحياة الاخري ( مكتمله)

بارت 4❤️

-وقالت انه يمكن ان يكون مشغول في شيء  

- ولكن عندما لم يقم بالرد عليها بعد دقائق ثم ساعات شعرت ياسمين باكتئاب وحزن وقد زاد الامر عندما مر اسبوع كامل علي غياب سامر الذي احبته وجعلته الشيء الاكثر اهميه في حياتها ولكن ان هذا شيء طبيعي لانه الحب يا عزيزي ان الحب يعذب صاحبه ويفرحه في نفس الوقت ولكن اذا كان الحب مصاحب الفراق فهذا اصعب من الحب بذاته فعندما تشعر ان حبيبك قد غاب عنك دقائق معدوده تشعر بختناق وضيق وكأن شيئا من الفراغ والحزن قد مليء قلبك نعم ! انه شعور ياسمين فقد خفق قلب ياسمين عندما غاب عنها سامر، خافت ! قد تتسائلون الان لما خافت ياسمين الي هذه الدرجه دعوني اقول لكم ، فقد خافت ياسمين الا يعود سامر مره اخري وهي حتي لن تعرف كيفيه الوصول اليه فهي لا تعرف الا اسمه وعمرة ولا يوجد شيء اخر  وقد الان تسخرون منها اذا قلت لكم انا قامت بالبحث علي الانتر نت وكتبت في مكان البحث كيفيه العثور علي سامر ولكن بالتاكيد لن يحل الامر بهذه السهوله فلو كان بهذه السهوله لما كان قد غلب كثيرا من الناس .

- مرضت يا سمين وظلت ندي تعتني بها 

(مالك يا ياسمين فيكي اي قوليلي يمكن اقدر اساعدك )

نطقت ياسمين بصعوبه وهي تقول 

( مفيش مرضت زي اي حد )

- تمتمت ندي بكلمات تبث التفاؤل الي قلب ياسمين بانها سوف تشفي بأذن الله ، ولكن قامت ياسمين باداره حسدها الي الناحيه الاخري لتجنب ما قالته ندي لانها تيقن جدا انها لن تتحسن الا بوجود سامر .

- عمت لحظه من الصمت في الغرفه وفجاءة رن هاتف ندي ، عرفت ياسمين انه المدعو  وليد خطيب ندي ، عندها ذهبت ندي لترد علي الهاتف وقبل ان تذهب ندي طلبت منها ياسمين ان تحضر الحاسوب لتتسلي به قليلا حتي لا تشعر بملل لبت ندي طلب ياسمين واحضرت لها الحاسوب وذهبت لترد علي وليد ، عندها اخذت ياسمين الحاسوب وقامت بفتحه ارادت ياسمين فتح اللعبه ولكنها لم تفعل وظلت تتصفح الانترنت حتي شعرت بشيء داخلها يصر علي فتح اللعبه والتسجيل بها وفعلا قامت ياسمين بفتح اللعبه وعندها وجدت ان سامر قد ارسل رساله قائلا :

( وحشتيني )

( انت بتهزر وحشتك ازاي وانت سبتني وبعدت عني كل الفترة دي)

( وفيها اي لما ابعد مش احنا صحاب )

( صحابب!!) 

( ايوة صحاب مش انت اللي بتقولي كده علي طول )    

( طيب  هو فيه حد بيقول  لاصاحبته وحشتيني )

( مش انا قولت كده )

( اه)

( خلاص يبقي فيه ههههههه😂😂😂😂)

( علي فكرة انت رخم اوي )

( مش هكون ارخم منك، بقاا انا اغيب كل ده ولما اكلمك متقوليليش اني وحشتك حتي )

( لا انا هقولك حاجه تانيه)

( قولي ؟)

( بحبك)

( منا عارف من زمان بس كنت عاوزك تعترفي )

( صدق بالله انا غلطانه اصلا انا بسحب كلمتي لو سمحت رجعهالي )

( خلاص انا اسف متسحبيهاش بقاا انا ما صدقت انك قولتيلي حاجه عدله من اول ما اتكلمنا )

( لا انا بسحبها وبعدين انت كنت فين ومكلمتنيش بقالك اسبوع ونستني كده انت مش عارف انا حالتي عامله ازي انا كنت بموت من وجعي وفكرت اني خلاص معتش هكلمك تاني او ان حصلك حاجه )

( لا متخافيش انا زي القرد اهو وبعدين والله انا عمري ما نسيتك انا في كل ثانيه ببقي فاكرك انا والله العظيم كنت مكتئب جدااااا اني مكلمتكيش بس كان عندي شغل ومعرفتش اكلمك وكنتي وحشاني جداااا وتمنيت لو تكوني معايا انا بحبك اوي يا ياسمين وعمري ما اتخيل حياتي من غيرك عشان لو انت مش موجوده حياتي مكنتش هتبقي حياة اصلا )

( اوعدني يا سامر انك معتش هتسبني ابدا )

( بودعك اني مش هسيبك ابدا ومش هيفرقنا الا الموت )

( بعد الشر عليك)

( الموت عمره ما كان شر الموت يا سمسم طب تعرفي ان الحقيقه الوحيده هي الموت ودي اخرة كل انسان او بالاصح نهايه كل كائن حي مين فينا مش هيموت كلنا هنموت بلا استثناء الفرق الوحيد ان لكل واحد وقت محدد هيموت فيه )

( اي ده انت قلبتها نكد كده ليه )

( ولا نكد ولا حاجه ، انا هقفل بقاا عشان ورايا شغل )

( بسرعه كده )

( معلش بقااا هكلمك بعدين )

( ماشي سلام)

( سلام يا حبيبتي )

( منيش حبيبتك)

(مش انت اعترفتيلي بحبك )

(وقولتلك اني سحبتها وبقينا صحاب تاني )

( اقسم بالله هبله 😂😂😂😂😂)

(طيب سلام يا ملك الظرافه )

-اقفلت ياسمين الحاسوب بعد ان انهت المحادثه مع سامر وكانت تشعر انها بافضل حال حتي انها قامت بتشغيل اغنيه علي الحاسوب وظلت ترقص بفرح حتي دخلت عليها اختها وكانت تعابير وجهها توحي بانها متفاجاه من حاله ياسمين التي كانت مريضه قبل قليل ولكن فجاة سحبتها ياسمين لترقص معها ولكن ندي لم تستجب لها ولكن ظلت ياسمين تتمايل عليها ( تدلع عليها يعني ) حتي بدات ندي بالرقص وكانت هذه المرة الاولي التي شعرت فيها ياسمين بان اختها ندي ليست كما تظن .

-------------------------------------------------------

استنو البارت ال5 بعد بكره ان شاء الله 

يارب يكون البرت ده عجبكو  ❤️❤️❤️