سيد عشگ سنيه

البارت الخامس

امير دزيت عليها تجي وراي للمكتب بله هسه شكلها انا شنو اخترعلي من حجة وكتلها تعاي وراي🤦🏼‍♂️ استغفرالله. صدك جذب امير هاي تاليتك ماتعرف شنو تسوي

ملاك  بناتانا رايحه اشوف الدكتور شنو يريد

رباب لحضه لحضه قبل لا ترحين ليش من سمعتي راح يخطب هيج تخربطت احوالج

ملاك شنووو انا لايتراوالج بس  تذكرت شي بعدين انا شكو بي خطب اولا

حور ملاك ترا احنه مو جهال !!

ملاك بعدين احجيلكم هسه خليني اروح

ملاك كمت من يم البنات امشي والف تفكير ببالي  شيريد  دز عليه للمكتب وصلت وجنت خايفه  دكيت الباب

امير تفضلي ملاك

ملاك دخلت  يم الدكتور امير وضليت  ساكته ...

انا ساكته وهوه ساكت يمكن ضلينه  دقيقتين ثنينه ساكتين اخر شي تشجعت انا وحجيت

ملاك تفضل استاذ رايد شي ليش دزيت عليه؟؟؟

امير اخر مره اكلج انا دكتوررر دكتورررر  مو استاذ دكتورررر امير مفهمووووم ،؟؟؟

ملاك اول مرا اشوف الدكتور امير هيج عصبي شدعوة  يابه جفصنه بكلمه المن هل صايح انا انقهرت  والغصة جان واگفة ببلعومي وبالگوة لازمة دموعي انول كتله ان شاءاالله وبجيت وضليت اشهگ

امير ليش تبجين ??

ملاك ماكو شي دكتور انا اسفه مو قصدي كتلك استاذ بس الموضوع مو مستاهل هاي العصبيه كلها

امير تعاي تفضلي كعدي هنا

ملاك لا شكرا دكتور كلي بشنو رايدني لان اريد اروح

امير اريد احجي وياج بموضوع. اكعدي

امير هاج كلينس. مسحي دموعج. ولا تبجين اوك

ملاك خرب حته الكلينس مالته يخبل شني هاي

امير انا اسفه ماجان قصدي اصيح عليج بس اريدج تنتبهين اكثر احنه مو بلمدرسه احنه كليه

ملاك ان شاء الله دكتور

ملاك جريت نفس وكتله مبروك ع الخطوبه

امير ملاك احبج

ملاك هااا😳😳😳

امير شوفي يابت الناس انا لا اريد اضحك عليج ولا اريد. اخليج تتعلقين بيه وتالي اعوفج انا جايلج من الباب احبج واريدج مرتي وحلالي الله شاهد عليه من اول ماشفتج حبيتج. واريدج الي ..تقبلين بيه اذا تقدمتلج؟؟ انا اريد اكمل نص ديني وياج لان احبج واموت عليج

ملاك خرببببب كلهن مره وحدة يحبني ويردني مرته

ملاك بس هذا هوه يعني دكتور مادري شكلك مااعرف ارد صدمتني
بس بداخلي طايرة من الفرح گلبي يرگص تخربطت احوالي من السعادة💃🏻