سيد عشگ سنيه

البارت السابع

ملاك سديت الخط من امير وخايفه عليه كلبي يئذيني  محتاره شسوي ماريد اتركه قررت انا احاجي بابا والي يصير خلي يصير. نزلت جوه وكلبي يدك حيل خايفه من رد فعل بابا  بابا انسان  عصبي كلش  مايتفاهم

ملاك سلام بابا شلونك

ابو ملاك الحمدالله بنيتي وانتي شلونج من امس لليوم ماعجبني وضعج شصاير بيج شي؟؟

ملاك اي

ابو ملاك احجي شبيج بنيتي

ملاك بابا انا راح احجي بس لا تعصب عليه  وحاول تفهمني فدوة وفكر بالاول يلا تقرر اذا تحبني وتريدلي الخير  ف لازم تفهمني

ابو ملاك  لا بابا احجي مااعصب قلقتيني شصاير

ملاك بابا اكو واحد بالكليه يحبني ويريد يتقدملي

ابو ملاك اي

ملاك وكلي حاجي اهلج

ابو ملاك خير ان شاء الله منو هذا منو اهله من يا عشيره شنو يشتغل
اسال عنه بالاول واشوف ادا عجبني وتمام الله كريم

ملاك بابا هوه دكتور بالجامعة مالتنه . بس

ابو ملاك بس شنو

ملاك بابا هوه من غير طائفه

ابو ملاك شنووو ؟؟؟ شنو يعني من غير طائفة!!! شتقصدين ليش شنو هوا ومنين

ملاك اي بابا هوه سيد   وشيخ هم يعني هو شيعي

ابو ملاك انسي الموضوع بابا كليله  مالك نصيب يمنه ولاتفتحين الموضوع بعد لان مااريد اسمعج شي مايعجبج ولااريد اعصب عليج وانا ساكت وخليتج تكملين حجي لان واعدتج اسمعج ومااعصب تمام بنتي الموضوع هذا ينتهي ... وادا ماانتهى حتى دوام ماكو تره مفهوم

ملاك ليش بابا💔
ابو ملاك.. كتلج سدي الموضوع انتهى كافي
ملاك لابابا اريد اعرف ليش عود فهمني اقنعني انا مو بنتك مو تريدلي الخير

ابو ملاك مستحيل انطيج لشخص من غير طائفه ومو منا وبينه لا انا ولا عمامج راح يقبلون والعشيره كلها راح تاكل راسي والله شنو زوجت بنتك لواحد شيعي. انسي هذا الموضوع وكليله ماكو نصيب يمنه ترا والله حته من الكليه احرمج

ملاك بابا وانا شعليه ب عمامي والعشيره انا الي راح اعيش حياتي لو هما؟؟واذا هو من غير طائفه ها شنو الي يفرق كلنا ربنا الله و تابعين النبي محمد.  ونعرف ان علي امام الشيعه هو ابن عم النبي وزوج بنته فاطمة الزهراء والائئمة الي يعتقدون ببهم كلهم احفاد الرسول ومن نسل النبي محمد بعد ليش هيج جاي تفرقون.  وتحطون الدين وهاي الامور بالنص وتخلونها تخرب حياتنه

ابو ملاك بس هو شيعي تابع الامام علي دينهم غير يختلفون عنه

ملاك واذا. وين المشكله بابا انا الي راح اعيش ويا لو انتم انا قابله وموافقه بي وبالدين الي يتبعه