عشق يغير الذئاب

صدفة جميلة

بسم الله الرحمن الرحيم

لا اله الا الله عدد ما كان وعدد ما يكون وعدد الحركات والسكون

سبحان الله وبحمده عدد خلقه ورضا نفسه وزنة عرشه ومداد كلماته

صلى على نبينا محمد

♥♥♥♥♥♥♥♥♥♥

عدى شهرين على جواز يوسف وتقى

وبقت سهام فى شهرها الخامس

فى غرفة ادم وسهام

ادم: سهام انا عايز اقولك حاجة

سهام: فى ايه ياادم قالقتنى

ادم: لا ياحبيبتى ما فيش حاجةبس كل اللى فى الموضوع هو انى هاخد اجازة لحد ما تولدى بالسلامة 

سهام :ليه ياادم كده انا مش عايزك تسيب شغلك ومستقبلك عشانى انا كويسة

ادم :لا يا سهام انا مش عايز تعدى لحظة واحدة من غيرك

سهام حضنته وقالت: اللى يرايحك اعملوا ياحبيبى

ادم بنفسه: ربنا يقدرنى واحميكى من كل حاجة

سهام: الا صحيح ياادم مين اللى هيمسك الشغل 

ادم: ليا اتنين صحابى عايشين فى تركيا هينزلوا ويشيلوا الشغل عنى ويوسف هياخد باله منهم

سهام: ربنا يخليك لىا يارب

ادم: يلا بقى يا سهام علشان معاد الحقنة والدوا

سهام بعياط :حرام عليكوا والله كل شوية حقن حقن كده هو فيه ايه

ادم بحنان :يا حبيبتى دا لمصلحتك عشان الحمل ما يتعبكيش

سهام بعياط: لا ياادم الحقنة بتوجع

ادم: طب لو ادم حبيبك هو اللى ادهالك هتوجع برضه

سهام: هتدهالى ازاى هو انت بتعرف تدى حقن

ادم: مانا تعلمت من ساعة ما بدات تاخديهم 

سهام: بس انا هنكسف منك

ادم :دا انا ادم حبيبك تكسفى منى

سهام: خلاص بس براحة

ادم :من عنيا ياقمر

وبعدين ادى ادم الحقنة لسهام واديها الحبوب

ادم :يلا بقى ياحبيبتى نامى شوية

سهام: يا حبيبى انا اساسا مبعملش حاجة طول النهار اكل وانام 

ادم :انا عارف انك بتزهاقى بس استحملى عشان خاطر ادم حبيبك

سهام :حاضر ونامت

ورقد ادم جنبها 

وقعد يلعب فى شعرها 

ويفكر فى كلام الدكتورة ولما يحس انو هيعيط يحضنها ويردد فى عقله :ان ربنا مش هيخذلوه وهيحفظها