في حياتي قريت على السلاطين و السلطانات و تمعنت في قصص السلطانات الي تعذبو و حتى مرة ما غاضتني سلطانة و لا سلطان لكن السلطانة هذي حكايتها منعرش حسيتها لامستني رغم انها عادية السلطانة هذي حتى وقت كنت نراها في المسلسل كنت نقول لهدرجة كانت ضعيفة هيا و على شكون نحكي ؟! وشكون غيرها وحدة من اجمل السلطانات العثمانيات ان لم تكن اجملهن السلطانة الي لقبوها بوردة الربيع طبعا نحكي على السلطانة ذات الجمال الذي لا يفنى
السلطانة ماهدفران او ماه دوران او جلبهار
اختلفو المؤرخين على اصلها و ابنة من لكن اكثر ماهو مؤكد انها ابنة ملك شركسي اي انها ماكانتش جارية تزوجت السلطان سليمان و هوا مزال امير و انجبتلو مصطفى وقت دخلت للحرملك كان في انتظارها المئات من الغريمات و الضرتين الأساسيتان كانتا كلفام (الفات)و فولانة خاتون اسرت ماهدفران قلب الامير الشاب بجمالها وهنا نخلطو للاوصاف القليلة الي نجمت نجمعها عليها قيل ان كان لها شعر اشقر مثل سنابل القمح مجعد وبشرة شديدة البياض و النقاء و عيون ملونة جميلة كيف ما قيل انها امتلك عيون رمادية نادرة في ذالك العصر و بشرة شديد البياض و النقاء و شعر اقرب الي لون القهوة الداكنة
مش كيف المسلسل الي اضهرها ساذجة وغبية و متسرعة بالعكس كانت حكيمة و ذكية حيث انها حاولت تكون كل النساء في عين السلطان كانت تتجمل باحسن الثياب و المجوهرات و كانت كل ماتجي دفعة من الجواري للحرملك الجميلة ترجعها لبلادها و العادية الي كانت تضن انها مش بش تعجب السلطان تخليها و الي ماتذكرش في المسلسل انها هي الي خلت هيام (هرم ) في القصر
حيث دار بينهم الحوار هذا الي تناقلتو الالسان
فسألت ناهد : ما أسمك؟
اجابت روكسلانا (هوا اسم هيام الحقيقي ): اسمي روكسلانا يا مولاتي
ناهد : ماذا تتقنين من عمل الجواري
روكسلانا : مراقبة الاطفال ، والتزيين ، والدف والعزف والرقص ، واعرف التجهيز للمناسبات يا مولاتي .
ناهد : ربما لن نحتاج لعزفك ورقصك ، ولكن قد تنفعين في مناسبات الحرملك
لربما حسب ماتناقلته الالسان انو ماهدفران كانت اجمل من هيام بالف مرة لكن هيام كانت كما قال السلطان انها تمتلك اجمل ضحكة على وجه الكون و لذالك سمتها ماهدفران (خرم hureem ) اي الضاحكة او الباسمة
ننتقلو لبعد هجران السلطان ليها و بعد مقتل ابنها مصطفى وكيف العادات نفيت السلطانة ماهدفران وردة الربيع بدت تذبل انتقلت لبورصة وين تدفن جثمان ابنها وبقت في بلاصة قديمة متهالكة حيث انها صرفت ماتبقى من ثروتها صدقة على روح ابنها وبقت تعيش في فقر مدقع مع جواريها القلال واشهرهم فدان او كما عرفت في المسلسل جنان وبقت اكثر من 10 سنوات ما خلصتش ايجار دارها
و في نهار زارتها هيام و اعترفتهلها بمقتل ابنها فما كان من زهرتنا الا ان قالت اسامحك اما الله و سامحتها لوجه الله رغم الي عملتو معاها
وقت سمعت ناهد بموت هيام قالت كلمات حفظتها الاذهان هكذا هيا الحياة بعضنا يملك عمرا طويلا وبعضنا يملك حظا جميلا السلطان سليمان خصصلها بعد ما سمع بحالتها دار باسمها و بعد موتو قام السلطان سليم الثاني بتخصيص شهرية خاصة ليهابش تنجم تعيش منعرش ممكن الي بش يقرى بش يقول مالا طفلة قايمة تندم على مرا ماتت عندها مايقارب قرن و نص نعرش علاها جذبتني شخصيتها جذبتني الوردة هذي تمنيت نقابلها نقلها علاش ماقاوتش علاش انسحبت من الحرب هذي علاه ماقاتلتش لاجل حبها علاه استسلمت فيسع تمنيت نكون معاها منعرش علاش برشا بش يضحكو على كلامي وبرشا بش يقراو اول سطرين و يمشو اما وقت قاعدة نقرى في قصتها بكيت اي اول مرة في حياتي بكيت على شخصية تاريخية اول مرة نعشق شخصية و نتمنها حذايا ممكن كان في وسعي نبدل اي حاجة كلام يضحك صحيح اما مندرش جذبتني كانت برسمي وردة خاتر عطرها وصلني وجذبنا ليها
