قصة حب💖 خيالية باللهجة الجزائرية 👅😍
اختطفوني و سلموني لاب طماع 😢رباني و لم اعرف انه ابي الحقيق 💔.. كبرت ووقعت في غرام سارق اتى ليسرق بيتنا 💗.. يا هل سيحبني هذا السارق؟ و ماذا سيحصل بيننا ؟و ما هي علاقته باختطافي ؟و كيف ساعرف والداي الحقيقيان ؟...
بقينا نعيطو انا و ميرنا و نقولولهم اطلقونا حتى شفت واحد جبد لي كان حاكمني و طبعو في الارض و زاد حكم لي كان حاكم ميرنا وضربو بدماغ و زاد طيحو ... انا تخلعت رفدت صاكي و قاعدة نعيط و ضربت هذاك الراجل بالصاك تاعي حتى طاح و طحت فوقو كانو عينيا مغمضين غير فتحتهوم لقيت روحي فوق صدر واحد طلعت عينيا باش نشوفو .. بووم تشوكيت 100 مرة .. بقيت حالة فمي ماقدرتش نهدر و هو يخزر فيا مخلوع حتى نوضتني ميرنا و قاعدة تجبد فيا باش نروحو و انا دايرة ليه و نخزر فيه ماقدرتش نهدر حتى بعدنا عليه .. عيطت ميرنا ل اسلام باش يجي يدينا
# امير يحكي
كنت قاعد في القهوة حتى سمعت السارفور يقول : شكون يعرف مول هذا الصباط.. طلعت راصي لقيت هذوك زوج بنات لي تلاقيتهم في القصر لي كنت نسرق فيه .. هبطت الكاسكيطة ديالي و دورت وجهي باش ما يشوفونيش .. حتى قالو نمدو 5 ملاين ل مول هذا الصباط بصح انا ما امنتهومش ... قتلتني بالضحك هذيك الطفلة كي قاعدة تسييلهوم في الصباط 😂😂 بصح كي راحو شفت 2 رجال تبعوهوم ..رحت موراهوم حتى شفتهوم حطو المواس في رقبتهم .. تقلقت رحت بعدتهوم عليهوم و ضربتهوم حتى واحدة فيهوم ضربتني بصاكها جابتني طايح و طاحت فوقي .. هذي مهبولة ولا وشنو انا نسلكها و هي تضربني .. حتى داتها صاحبتها وانا رحت لداري
#نورسين تحكي
طريق كامل و انا نفهم في ميرنا بلي صبتو وهي تعرشلي
نورسين : راني نقولك صبتو شفتو داير السنسلة تاعي
قاطعتني ميرنا : دارو موس في رقبتنا يا نورسين .. انا جيت برك باش تشوفيه و ماتبقايش مهبلتني بيه و زيد ماتنسايش راكي مخطوبة .. و بخويا 😠
طلعت للدار و خليتها بقات تعيطلي مادرتش ليها .. غير وصلت لشمبرتي تكسلتو و بقيت نخمم فيه و في الموقف لي صرالي معاه 😍و نتبسم .. اومبعد تفكرت هدرة تع ميرنا .. اووف يا زهري لحلوف واش داني نقبل ب وسيم 😓😓... مافقتش كيفاش رقدت
في النهار كي نضت قررت نعاود نروح نشوفو توحشتو 😂 دوشت و لبست هكا باش نبان نسكن في هذاك الحي و مايديرولي والو
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رحت في الطاكسي مابغيتش نروح مع اسلام .. كي وصلت بقيت نمشي في هذاك الحي و كنت نمشي كيما الرجال باش نبان قوية 😂
