قصة حب💖 خيالية باللهجة الجزائرية 👅😍
اختطفوني و سلموني لاب طماع 😢رباني و لم اعرف انه ابي الحقيق 💔.. كبرت ووقعت في غرام سارق اتى ليسرق بيتنا 💗.. يا هل سيحبني هذا السارق؟ و ماذا سيحصل بيننا ؟و ما هي علاقته باختطافي ؟و كيف ساعرف والداي الحقيقيان ؟...
نضت صباح ميتة بالعيا و راسي يسطر.. خزرت في الشمبرة لي كنت فيها تفكرت واش صرا لبارح .. لقيت خالتي فضيلة راقدة قدامي نضت بلا مانوضها فتحت الباب كت خارجة حتى جات شدتني و شدتلي فمي بيدها
فضيلة : ماتخافيش.. اتكالماي ..اتكالماي
نورسين كانت خايفة : واش راكم حابين مني😞 .. وين راه امير واش درتولو😭
فضيلة : ماتخافيش .. اقعدي بنتي
نورسين قعدت و قعدت قدامها و قالتلها
فضيلة : مارح نديرلك والو .. اني حابة نعاونك .. تعيشي اسمعيني .. و باباك و كامل ضرك يجو لازم نقولك حاجة قبل مايجو بصح تعيشي ما تعيطيش
نورسين كانت تبكي : اوكي اني نسمع😢
فضيلة : كانت ماماك مريضة بزاف .. و خبات المرض تاعها على سمير .. حبت تجيب ولد و لا بنت قبل ما تموت .. علابيها تزوجت ب سمير بصح سمير كانت عينو غير في الثروة تاعها و دراهمها .. كي حملت مدام ليندة حبست الدوا تاعها باش ماتأذيش الجنين (الفصحى ياااه😂😂) بصح ماحملتش الم اللادة و ماتت و ماتت معاها بنتها ..💔
نورسين مافهمت والو و بقات تبكي و تخزر في خالتها مشوكيا😞😢
فضيلة : قبل ما تموت كتبت وصية بلي الثروة لي في الخارج لي كان حاب يديها سمير تولي كامل لبنتها .. بصح بشرط واحد ولي هو كي تتزوج الطفلة يقدر يدي هذيك الثروة .. بصح لوكان كاشما يصرا للطفلة يروحو كامل الاملاك للجمعيات الخيرية .. سما السيد سمير كان لازم يربي الطفلة باش يدي الاملاك .. حنا خطفنا طفلة💔
بقات نورسين تخزر فيها و تبكي و مشي مصدقة واش راهي تسمع 😢😢
فضيلة : نتي هيا هذيك الطفلة
نورسين بقات مشوكيا😞
فضيلة : سمير ماشي باباك
نورسين : 😭😭واش 😭راكي تقولي خالتي فضيلة . . اواه لا لا ..لا 😭
بقات نورسين تبكي😭 حتى راحت حلت فضيلة لباب و دخل عندها سمير .. قاعدة تخزر فيه و ساكتة و عينيها معمرين😢 بالدموع
سمير : ااه .. بنتي .. بنتي الشابة .. خفت لوكان تصرالك حاجة مشي مليحة بعيد الشر .. علابيها ماكنتش نخليك تخرجي خاطرش نخاف عليك .. راني حاب نشوفك عروسة و بين يدين واحد نعرفو باش نتهنا عليك .. هايا خلي خالتك توجدك راهم هنا رشيد و وسيم و كامل .. هيا يا بنتي الشابة
هي بقات غير تخزر فيه و تتفكر في الهدرة تع فضيلة ماشي مامنة 😢 هو خرج و هي بدات تبكي 😭😭
#الشيطان👹 يحكي قصدي وسيم يحكي 😒
جا المحامي و جاب حد الورق قالنا : كلش راهو واجد كي تسينيي الطفلة يولو كامل دراهم ليك يا سيد سمير
سمير : وشحال هذو الدراهم
المحامي : 200 مليون دولار
عيطت لبابا سون سمير و رحنا نهدرو وحدنا
رشيد : وين راهي ختك
وسيم : وين علابالي يا بابا .. وهذاك الكلب راهو في لامار تع الطوموبيل تاعو واش ندير بيه😠
رشيد : ارميه من السطح😣
وسيم : ااه😲
رشيد : ياك هو اصلن سراق 😉
ابتسم وسيم ابتسامة خبيثة 🎃مليئة بالخبث و الخبائث (😂 صوووري تحمست) وقال : بكل سرور💀
#نورسين تحكي 😢
لبست غوب بلونش سمبل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و فضيلة كانت تمشطلي في شعري مبعد سقسيتها
نورسين : شكون ماما الحقيقية 😢
فضيلة : ماعلاباليش
نورسين : جامي حكالك عليها بابا😓
فضيلة : نوو
#امير يحكي💔
كنت نخبط في لامار باش يفتحولي حتى فتحولي 2 رجال رافدين مواس .. ربطوني و طلعوني لوحد السطح .. لقيت تماك هذاك الكلب وسيم و 2 رجال (هذوك لي جراو مورايا انا و نورسين اذا تشفاو عليهوم ) .. حكمني وسيم ضربني لوجهي👊 .. ااااه مزية كنت مربوط كون راني مرمدتو 😠
الكاتبة : ماشي راجل يتمرجل على المربوطين 😒😒
امير : شتي كيفاه ماشي كيما انا😎
الكاتبة : خلاص وهمت في روحك 😒حط رجليك في الما يبردو 😊
