بفضل خيانتها 2
بقلم :Mathani Musa😍
وأنا طول الطريق ببكي ووشي مورم لمن رجعت البيت لحسن حظي امي كانت في الحمام وفيراس في الشغل على طول دخلت غرفتي رميت شنطتي في الدولاب ورقدت في السرير وببكي لمن نمت صحيت بي صوت أذان الضهر لانو اصلا بيتنا قريب للجامع وشباك غرفتي مقابل الجامع قمت مشيت اتوضيت وانا حيلي م شايلني دخلت الحمام غسلت وشي واتوضيت صليت ودعيت ربنا انا لي دا بحصل معاي انا سيئة في شنو تاني رجعت صليت ركعتين ورفعت مصلايتي امي جات داخلة غرفتي سألتني مالك قلت ليها ماف شيء قالت لي وشك شاحب مالك (قلب الأم 😍💋)قلت ليها بس مصدعة شوية نزلت جابت لي حبوب بندول وكباية موية وصينية فيها اكل قالت لي ابلعي الحبة دي واكلي معاي وكان م اكلتي انا كمان م باكل وانا م بقدر اتحمل فكرة انو امي م بتاكل بي سببي أكلت معاها بسيط
-------------------------------------------------
في مكان آخر
--------------------------------------------------
مثنى : اها كدا ي لجي فهمت النقطة دي
لجي : اي
مثنى : خلاص بعد كدا انا ماشي
لجي : م قصرت ي سيد الرجال 😍
مثنى اتحرك ركب عربيتو وماشي على البيت اتصلت عليهو امو
ألو امي اي كويس انتي جادة ي امي طيب بحضر ليهم هدية ودايرين اجيب ليكم تاني شنو معاي ايوا خلاص طيب بجيبهم ااي كويس وقفل الخط وهو طاير من الفرح ومشى على السوبر ماركت جاب ليهم هدية ومستلزمات لي ناس البيت وركب عربيتو ومشى بالمساء كدا وصلو البيت مهيمن وريان وفضلوهم وسلمو عليهم
مثنى :نورت ي ود العم وما شاء الله كبرت لمن عرست وخليتنا انحنا عزابة لكن معليش م قدرنا نجي عرسك بس بنعوضها ليك لكن بمجرد ما مثنى رفع راسو عاين لي مهيمن وعاين لي ريان ملامح وشو اتغيرت سلم عليهم ببرود وطلع من البيت طوالي
(علاقة مثنى بي ريان شنو ليه لمن شافها ملامح وشو اتغيرت بتعرفو لي قدام يلا سلام )
#يتبع
#Mathoo Musa 💙❤👣💋
