يوميات مراد ونيره

الكلمة الحلوة ١ 😍

مراد : مالك

نيرة: مافيش

مراد: بس انتي شكلك مضايق مالك

نيرة : تفتكر فيا ايه

مراد : معرفش انا بسالك

نيرة : هو انت اتجوزتني ليه

مراد : نعم ايه السؤال ده

نيرة : ايه ماله السؤال عادى بسال فتجاوب

مراد : اكيد لاسباب كتير

نيرة : لاء اجابة واضحة

مراد : يعني عشان استقر واكمل نص ديني واعمل اسرة واعجبت بيكي و...

نيرة : وبالنسبة ليا مافيش اي حاجة انا فين من كل ده

مراد : اكيد انتي الاساس بس ...

نيرة : بس ايه انت حتى مافكرتش تجيب سيرتي ولا اني اهم حاجة ولا ولا ولا فين ايام الخطوبة لما كنت بتفضل تقول انتي حبيبتي وروحي وحياتي انا من غيرك مقدرش اعيش انا لما شوفتك قلبي دق وبلا بلا والهري ده كله ايه كنت بتثبتني

مراد بعصبية : انتي عاوزة تنكدي وخلاص يانيرة في ايه انا زهقت

نيرة بدموع : زهقت ! ماشي يامراد انا غلطانة اني بتكلم

مراد ماستحملش دموعها وقرب منها بس هي بعدت وقالت : ماتقربش يامراد انا بجد مصدومة فيك مش انت اللي اعرفه وحبيته واتجوزته

مراد : نيرة انا ...

قاطعته : انت ايه ماتبررش وبعدين الاهتمام مابيطلبش انت لو عاوز تعمل حاجة تعملها عشان من جواك

وسابته وخرجت من الاوضة ودموعها علي خدها

مراد قاعد مضايق منها وفي نفس الوقت عارفف انه مقصر معاها بس غصب عنه ومش عارف يعمل ايه قام خرج لقاها في الصالة بتعيط بصلها ونزل وهي انهارت اكتر لما معبرهاش وفكرت انه بطل يحبها وانا ممكن يبص لحد غيرها عشان هما بقالهم ٣ سنين متجوزين بس مخلفوش 😔

وبعد تقريبا ساعتين هي كانت بطلت تعيط وهو دخل لقاها في المطبخ قرب منها وباس راسها

وقالها انا اسف عارف اني مقصر بس والله غصب عني الشغل ضاغطني ماتزعليش

نيرة بدموع : انا عارفة بس ده م.....

قاطعها ببوسة خفيفة علي دماغها وقالها : انا بحبك ومقدرش علي زعلك (وخرج ودخل ) جاب بوكيه ورد اللي بتحبه وشيكولاتات كتير وقالها : اوعدك اني ارجع تاني زي الاول بس لو نسيت نفسي فكريني واتكلمي معايا بلاش نسكت ونبعد

نيرة فرحت جدا وقالتله: حاضر ربنا يخليك ليا انا من حبي فيك زعلت وخوفت تسبني عشان الخلفة و ..

قاطعها وقالها : اوعي تقولي كده تاني انا مقدرش اعيش من غيرك والله الشغل اللي خلاني كده والخلفة دي بتاعت ربنا لو لينا نصيب هيرزوقنا

واتصالحو بعد ماوعدو بعض انهم مهما يحصل مش هيبعدو ويصارحو بعض باللي مزعلهم من بعض

(الكلمة الحلوة بتخلي اي حد يفرح وبتفرح اكتر لو جاية من حد بنحبه اوووي فأوعو تكسرو بخاطر حد بتحبو او اي حد اصل الكلمة الطيبة صدقة وياسلام لما بتبقي مع مراتك اوجوزك )