" يوميات مراد ونيرة "
مراد راجع من الشغل هلكان فتح باب الشقة لقي نيرة قاعدة علي الكنبة ومنهارة من العياط اتخض وقرب منها
مراد : مالك ياحبيبتي فيكي ايه حصل حاجة
نيره وهي بتحول تهدا عشان تتكلم : بجد انا تعبت والله تعبت انا مش عارفة اعمل ايه مع مامتك كل شوية تهزئني وتعيب فيا هي ليه بتعمل كده
مراد بتنهيدة : اه امي وحورات كل يوم مش هنخلص
نيرة : يعني ايه مش هنخلص هو انا بتبلي عليها
مراد لنفسه : اهدا يامراد اهدا سايس امورك عشان مش هتخلص من النكد
مراد بأبتسامة وقرب منها خدها في حضن : ياحبيبتي انتي عارفة ان ماما بتحبك والله بس هي كده بتقول الكلام من غير ماتقصد انتي عارفة انا ابنها الوحيد وهي بتغير عليا
نيره : انا مراتك تغير ايه وبعدين والله مابعملها حاجة وبعدين انت عارفان انا بسايس الامور معاها وبراضيها وبستحمل كل حاجة بس هي انهاردة جرحتني جامد يعني انا ذنبي ايه ان احنا ماخلفناش لحد دلوقتي وقولتلها احنا روحنا لدكترة كتير وقال ولا انا ولا انت عندنا حاجة ودي حاجة بتاعت ربنا وكل ماتكلمني تقولي انا هخليه يتجوز
وانهارت من العياط اكتر ومراد اضايق عشانها اووي وعارف ان امه مزوداها مع نيره وفي نفس الوقت مش عارف يقولها ايه حضنها اكتر وطبطب علي شعرها بهدوء وقالها : ماتزعليش ياقلبي انا عارف انها مزوداها معاكي وانتي مالكيش ذنب بس اعزريها هي نفسها تشوف احفدها وبعدين ياعبيطة انا اقدر ابص لغيرك ده انتي حبيبتي وعمري كله انا مقدرش استغني عنك انا هتكلم معاها واانتي عشان خاطري ماتزعليش واحتويها
خرجت نيره من حضنه وقالت : انت عارف كويس انا بعاملها زي امي واكتر بس غصب عني انا كمان نفسي اشوف عيالي ويبقومنك وافرح بيهم وبكل مرحلة تعدي عليهم بس ده قضاء ربنا هقول ايه
مراد : هتقولي الحمدلله و يارب أرزقنا الذرية الصالحة واكتبلنا الخير وعجلنا بيه ياحبيبتي بالصبر ربنا هيعوضنا ان شاء الله
نيره بعد ما رددت الدعاء وراه قالت : ان شاءالله هقوم احضرلك العشا
مراد : ياريت عشان نفسي انام هلكان
نيره : حاضر ياحبيبي
وخلص اليوم ونامو ..
**************************
صباح يوم جديد كان اجازة مراد وبعد ماصحيو فطرو اتفجئو بالباب بيخبط وراح مراد فتح وكانت امه
مراد : امي ايه المفاجئة الحلوة دي
زينب (ام مراد) : عامل ايه ياقلب امك وحشتني كده بقالي يومين مش اشوفك
مراد : معلش ياامي والله مشغول جامد اقعدي استريحي
زينب : اومال فين مراتك
مراد : هقولها انك هنا بس الاول ياامي عشان خاطري
وباس ايدها بلاش تجرحيها كل شوية ...
قاطعته زينب : هي قوام جريت اشتكتلك مني وتلقيها قالت اني شتمتها ولا ضربتها انا عارفاها بنت تهاني ...
قاطعها مراد المرادي : والله ولا جابت سيرتك بحاجة وحشة وماتقدرش اساسا هو انا هسمحلها تقول عنك حرف واحد هي بس قالت انك كل شوية تتكلمي في موضوع الحمل وانتي عارفة انه غصب عنها العيب مش منها
زينب : ولا منك وانا نفسي في عيل نفسي اشوف حفيدي قبل مااموت
قام مراد قعد علي ركبه قدمها وباس ايدها وقالها: بعد الشر عليكي ياست الكل ماتقوليش كده اللي ربنا رايده هنشوفه وان شاءالله هيكرمنا علي الاخر بس اوعديني انك ماتتكلميش تاني في الموضوع ده انتي كمان بتوجعيني انا كمان
زينب : سلامتك من الوجع ياحبيبي خلاص مش هتكلم معاها في حاجة زي كده تاني وهدعيلك ليل ونهار
مراد : ربنا يخليكي ليا ومتحرمش منك وانا واثق في ربنا انه هيعوض صبرنا خير هشوف نيره فين كل ده
دخل مراد جوة كانت نيره لسة خارجة من الحمام وقالتله : مين جه
مراد : دي امي وانا اتكلمت معاها وخلاص مش هتضايقك تاني وانتي برضه ماتحسسيهاش انك زعلانة اتفقنا
نيره : اتفقنا ياحبيبي
خرجو الاتنين ونيره سلمت علي زينب وبعد ماقعده شوية زينب بتردد : ننن نيرة بصي يابنتي ماتزعليش من كلامي ليكي انا ..
قاطعتها نيره : مش زعلانة ياماما انا عارفة ان مش قصدك بس والله انا كمان نفسي اشوف عيالي بس لسة ربنا مش رايد وعشان خاطر مراد مش عشان اعتبريني زي مي بنتك مش هي لو كانت موجودة ومش في بلد تانية ومكاني هتقوليلها كده
زينب : بصراحة لاء مش هقول كده حقك عليا و عارفة ياحبيبتي انك نفسك في عيال ربنا يراضيكم يارب
مراد : ايه يانونو مش هنتغدا ولا ايه قومي اعملي اكل حلو كده عشان ماما
نيره : من عيوني علي طول
وقضو اليوم في سعادة بعد ما مراد صالحهم علي بعض والامور هديت
(الخلاصة ان الاتنين كان ممكن الامور تشعلل بينهم اكتر بس مراد قدر يحتوي امه ويرضيها ويحايل مراته ويكسبها وان الزوجة ماينفعش تقف علي الواحدة لحماتها وتعاملها زي امها بظبط والحما تعامل مرات ابنها زي بنتها بظبط ومتجرحهاش مهما حصل بس مين يفهم ويعمل ده الا من رحم ربي 🤲 )
دمتم سالمين ...
أنت تقرأ
يوميات مراد ونيره
De Todoمشاهد من الحياة اليومية والمشاكل اللي بتواجه اي زوجين او اسرة وفي النهاية عبرة او نصيحة
