يوميات مراد ونيره

الغدر😥 ٣

"يوميات مراد ونيره "

الغدر 😥 ٣

في يوم مراد ونيره قاعدين بيتكلمه وجت سيرة رانيا صاحبتها ونيره بتقوله ان في مشاكل بينها وبين خطيبها

مراد : هي رانيا متعودة تحكيلك عن خطيبها

نيره : اه علي طول ده كل حاجة بتحكيها وبصراحة هو علي طول بيتخانق معاها مش عارفة انا بيعمل كده ليه رغم انه بيحبها اوي

مراد: وانتي بتحيلها عننا برضه اصل اكيد بما انها بتحيلك يبقي انتي بتحكي

نيره بأرتباك بسيط : لللا لا مش اوي العادي مش تفاصيل يعني

مراد بهدوء : ولا تفاصيل ولا عادى يانيرة الكلام ده ممكن يخرب بيوت وانتي ماتسمعيش ليها

نيره : ايه يامراد مكبر الموضوع ليه انا بحكيلك الموضوع عادي مش عشان تتخانق معايا

مراد: زي ماانتي بتقولي عادي هي هتقول عادي برضه وتحكي لاي حد

نيره بعند : لاء مش هتحكي انا عارفة و....

قاطعها مراد بعصبية : وهي لما بتحكيلك حاجة بتقول انا متأكده ان نيره مش هتحكي ف هي هي برضه ممكن تحكي لخطيبها لاختها لامها وتقول عادى وكلمة من هنا علي من هنا يبقي كل الناس عارفة بصي يانيره انتي عارفة اني مش بعترضانك تكلمي صحابك بس لحد البيت وخط احمر ماحدش يعرف عننا حاجة حتى لو صغير ماشي

وسبها ودخل نام وهي فضلت قاعدة مكانها ومش عارفة تعمل ايه وغصب عنها عيطت وفضلت تفكر شوية وبعدين سمعت الفجر قامت تصلي ودخلت عنده لقته نام اتنهدت وقررت تتكلم معاه الصبح قبل ما ينزل

***************************

تاني يوم الصبح صحيت نيره الاول وحضرت الفطار وبعد مامراد صحي وهما بيفطرو كان مراد متجنب الكلام معاها

نيره بتردد: مراد ماتزعلش انا مش قصدي اني اخرج اسرار الببت ولا حاجة انا ...

قاطعها مراد : انا عارف الكلام ده كويس بس ماينفعش تحكي لصاحبتك حاجة ورانيا بالاخص لاء

نيره : هو انت ليه كل ماتيجي سيرت رانيا تتعصب كده ها انا عاوزة افهم

بصلها وقالها : بلاش بلاش عشان انتي اللي هتزعلي

استغربت من كلامه بس صممت تعرف وقالت : لاء انت لازم تفهمني حالا

مراد بصلها وقام وقف : هقولك انا مش بقبلها ليه عشان البنت اللي تغدر بصاحبتها تبقي مش محترمة البنت اللي تبص لجوز صاحبتها وتعجب بيه تبقي مش محترمة انا حظرتك منها كتير وانتي ماسمعتيش الكلام ماحبتش اخلي شكلها وحش قدامك بس هي كذا مرة تكلمني وتقولي انا بحبك وانا اللي استهلك وانا عارفة حاجات كتير عنك ومن كلام نيره عنك حبيتك بقي بزمتك دي يتقال عليها صاحبة وتثقي فيها انتي ازاي كنتي مش واخدة بالك ازاي

نيره بصدمة : انت بتقول ايه ازاي لاء طبعا انت بتكدب عليا انت اللي كنت بتبصلها كتير وانا بكدب نفسي وهي كذا مرة تقولي انا مش هجيلك عشان جوزك بيبصلي يبقي انت بتقول كده عشان هي مش بتديك وش

بصلها مراد وسكت وبعدها قال : تمام اوي كده شوفتي وصلتنا لفين بتلف عليا وبتشكك فيا دي تبقي محترمة ازاي بس انا لو فعلا كده بالعكس هحببك فيها اكتر واخليها تيجي هنا كتير عشان استغفلك لكن انا راجل محترم وماليش في اللف والستات والكلام الفاضي ده يخسارة يانيره ياخسارة

وسابها ونزل وهي قعدت في الارض مصدومة ومش عارفة تعمل ايه وفضلت تفكر كتير في الكلام اللي مراد قاله وتربط كلامه بكلامها وفعلا لاحظت ان كل خناقة بينها وبين مراد كانت رانيا بتسخنهااكتر وكانت بتصمم تجلها البيت ونيره كانت فرحانة وبتقول ان هي خايفة عليها وبعد تفكير كتير كان الليل دخل ومراد رجع ودخل اوضته علي طول ونيره دخلت وراه

نيره بعياط شديد : مراد انا اسفة انا فكرت كتير في كلامك وربطه بكلام رانيا انت صح انا كنت غلطانة لما وثقت فيها الحمدلله اني فقت قبل مابيتنا يتخرب

مراد قرب منها ومسح دموعها : عشان تتعلمي ماتثقيش فحد ولما اقولك حاجة تصدقيني عشان خاطري اللي ببنا يفضل بينا حتى اهلانا بلاش يعرفو

نيره : حاضر بس ماتزعلش

مراد باس دمغها : مش زعلان ياقلبي بس تتعلمي من غلطك

نيره بأبتسامة : حاضر ربنا يخليك ليا

ويخليكي ليا

( دي حقيقة في بنات او شباب مايستهلوش لقب صاحب عشان بيغدرو والمشهد ده مش خيال ده  فعلا في بنات بتستغل ازواج صحباتهم وتخرب بيوت عشان تعمل اللي يعجبها ده درس يعلم اي بنت ماتثقش في اي واحدة صاحبتها وتحكلها كل حاجة بيتك سرك 🤫وكمان مش قصدي ان كل الصحاب غدرين بالعكس في صحاب اكتر من الاخوات ووقت الشدة بيكونو في ضهرنا وفعلا المواقف بتبين المعادن بس نختار صح ومهما كان الصديق قريب نحافظ علي اسرار بيوتنا و ناخد حظرنا  كويس )

اتمنى تكون عجبتكم .

دمتم سالمين ......

#شيماء_دردير