إرتباط مع المجهول

البارت 1

داخلة مع االدار معصبة طالع ليا الدم هادي ثاني مرة كندابز فيها مع شي براهش .وهادشي غير حيث انا بنت الداخيل ماشي شمالية.
المهم نعرفكم على راسي انا سميتي نيهاد فعمري 17 عام بابا عسكري حياتي كاملة وانا كندور فالمغرب تزاديت فرباط وكبرت فالمغرب شمالا و جنوبا وشرقا وغربا كل عام فمدينة مهم انا نهار عقلت على راسي حليت عيني فمدينة الدار البيضاء ،قريت 4سنين فالحي المحمدي دوزت نص عمري فكازا شفت و تعلمت و دوزت بزافف ديال الاكشن و الدراما.
من بعد تكتاب يشد بابا تقاعد وقررنا نعيشو فدارنا فالفنيدق و هناغايتبدلو بزاف ديال الحوايج فحياتي...
مهم دابا غانوصف ليكوم راسي انا طويلة و شعري طويل حتال النص ديال ظهري عندي الحنيكات و عينين كبار قهوين، وفرمتي هيا هاديك كنقرا فالسيزيام هاد العام ختكم قرايا واخا هاكداك.،
مهم لي غانعود ليكوم اش وقع ليا دابا كنت خارجة نتسخر بحال ديما وهوما يتلقاو ليا واحد الرباعة ديال بطوات ديال ضو واحا كيبانو زوينين ولكن طلعو ليا الدراري فراسي ااالمهم هاليوقع
#فلاش باك :
اناكنتمشا بجلابتي فالزرق وطالقة شعري وداخلة لحانوت :

انا:حمد وااا حمد عطيني نص كيلو ديال العدس و واحد حوك ديال ماطيشة و واحد كنور ديال اللحم.
محمد: اواعدي نتينا شنو عندك مع اسمي ،انا محمد شمن حمد .
انا : طلقني دغيا راه معطلة عافاك
خديت التقدية لي خاصاني جايا نخرج من لحانوت حتا كنتلاقا مع رباعة زينة  ديال الحومة(البطاليين) يظلو لاسقين فالبوطوات ديال الضو خايفينهم اطيحو ،شي كيتعنب شي يعاير عصبوني مهم نخلتهم ودزت لدارنا لي ملاصقة مع الحانوت.
دخلت عند ماما عطيتها السخرة.