إرتباط مع المجهول

البارت5

جرات يدي وهيا تجرح ليا صبعي لبنصر ديال يدي ليمنى واليسرى دخلت كانجري لطواليط نداوي يدي
انا: واششش حماقيتي الله على صباعي هئ هئ😭😭😭
وجدان : اماتحركشي بزاف باش ماضركش هاكدا ماغاديريش كخاتم 💁
انا: غبري من قدامي لنردم ختي يالله خرجي اويلي مي واحد ابدا و لخرا تكمل
وجدان: ياكي واخا دابا ترجعي ليا وماتلقاينيش
انا: اي اي اديك زفتة فين غادا فين غادا اجي لهناعاونيني فيدي
وجدان جات حدايا صايبات لياصباعي ضمداتهم وهيا تجمع الدم من الارض و تعاونا نقينا البيت و نزلت رديت الموس و بقينا كانهضرو حتا لقينا بقات نصف ساعة لي باقا لينا باش نوجدو تعاونا ولبسنا شي قفاطن جابتهم لينا اصلي بجوجات انا فالبيض و وجدان فالزرق ملكي سايبنا لحالا بزربا و شعراتنا كانو مقادين درنا غير مشيطات خفاف و مكياج خفيف و حنا نجلسو كانهضرو حتا سمعنا صداع وحنا نطلو و مايبان ليا غير اناس لي داخل هو اللول ولابس كومبلي زرق هنا انا قلبي صافي وقف كنتمنا غير مايكونش هو ، ديك اللحظة غاندور عيني مورا اناس غايبان لي واحد الدري زوين و باين فيه خو اناس لابس كومبلي كحل و لاطاي لي دوخاتني السيد كلو على بعضو حلو والاداب وهاز الشكلاط و الورد و حداه مرا كبيرة لابسا قفطان خضر ملاكي ودايرا زيف و داخلين لدارنا بالزغاريت انا هنا بديت ندوخ و شداتني سخفة كون ماشي وجدان لي حدايا شداتني وهيا تجرني لناموسية كلساتني و عطاتني نشرب
وجدان: 😂هههه هادشي غير ماباغاش سيد نتي شفتيه غير من شرجم مشيتي تموتي ليا اما اذا وقفتي حداه راك متي 😂 اه بعد قولي اناهو العريس واش مول الزرق ولا لكحل ؟
انا: والله ماعرفتش مصاب غير مايكونش اناس
وجدان: حح اناس شكون اناس ؟فين كاتعرفي اناس ؟ انا واحد اناس
انا:غير بشوية عليك راه غير هاداك لي عايرت ديك نهار ( وعاودت ليها البلان)
..دق الباب ودخلات اصلي
اصلي : ماشاء الله كثير حلوات الله يحميكم اقرو قرآن و يالله ننزل عند الضيوف منتظرين عروستهم😉 شافت يدي يوو شوبها ايدك يا بنت
انا: والو نزلو و انا غانتبعكوم يالاه
شديتهم و دفعتهم خرجو وانا ندعي ربي افكني ونزلت لكوزينة هزيت صينيا و دخلت لصالون وانا نسلم على كولشي لي تما و عطيتهم كيسان من صينيا بالاداب و لي وصلت حداه كايشوف فيدي المجروحة مهم جلسنا و هدرو هنا و كتاشفت بلي لي خاطبني هو خو اناس الكبير ماجد تعرفت على مو و اناس طلب مني سماحة على داك النهار و خوتي كذلك وتصايبات الامور و لبسنا الخواتم ههه هو لبس الخاتم اما انا لا قالو حتا ابراو صباعي .
تفرتكات الجوقة و طلعت البيتي دوشت و صليت و مشيت ننعس
#اصبحنا واصبح الملك لله
فقت درت روتيني كلست مابيا ماعليا حتا دخلات عندي وجدان كاتجري كاتعلمني بلي نجحنا بنوط واعرة وبلي جينا حنا لولين على صعيد الجهة نقزت عليها بالفرحة و بقينا كانضحكو غير راسنا بحال الحومق حتا دخلات ماما واصلي و فرحناهم وانا طرت بالفرحة وعلمنا كولشي وجاو خوتي باركولي ومشاو اكملو شغولهم ودرت ليا ماما و اصلي حفلة صغيرة فديك العشيا
طلعت لبيتي لبست كسوة قصيرة حد الفخذ و قاديت شعري بوكلي درت مكياج غامق شويا و تسنيت وجدان تجي عندي طلعات عندي و صايبات حالتها جات طوب و حنا نزلو لتحت كنا عرضنا غير على لبنات صحاباتنا قلالات شي 8 وطلقنا الاغاني واحتفلنا ما خلينا لعب شطيح غنا كلشي دوزناه دازت عشيا واعرة عندي، ماما مشات عند اصلي لدار دخويا باش اخليونا بخاطرنا و ناخدو راحتنا .
وصلات9ديال اليل والبنات ووجدان مشاو فحالهم وماما باقي مجات بقيت كنجمع فالروينة بحوايجي د الحفلة حتا نقيت الصالون بقات غا الكوزينة يالله طالعة لبيتي نبدل باش نزل للكوزينة حتا كيدق الباب ومشيت نحلو مع حليتو و انا نتصدم