إرتباط مع المجهول

البارت6

غير  حليت الباب وانا نتصدم لقيت ماجد عند الباب هو طلعني و هبطني  وهو اتعجب
ماجد:فين مشا بحال هايدا😐
انا: (سديت الباب فوجهو بالصدمة  ) سير فحالك راه ماكاين حتا واحد فالدار من بعد  و اجي خوتي ماكاينينش 
ماجد : (من مورا الباب ) واخا .مشا  فحالو
انا طلعت بالجرا لبيتي بدلت حوايجي  دغيا وانا نزل  نقي   الكوزينة طليت على الساعة لقيتها 11درت عليا زيف وانا نمشي لدار  خويا دقيت لقيت  كولشي مجموع عندو   من غيري
انا: ياك الخوانة نتوما هنا ومخليني انا بوحدي فالدار لخرى
احمد : اجي لهنا القرايا ديالنا غير مابغيناش  نديرونجيوك
انا :(مشيت جلست   حداه وهو اعنقني) دابا ااحمد خاصني لكادو ديالي اولا
احمد: ها علاش كنت كانجح غير ب 10 غير باش ما نطلبش من عثمان لكادو شتي  هانتي ماصدقتيش
عثمان: الله امسخك نتا  واخا كنتي تجيب 6 فالفرض ماكاتهنا  حتا   تفلسني
انا:😂 تفضحتي غاطلع 5000dh لي دايرا معاك
احمد :(خشا يدو فجيبو اجبد  الفلوس وكايهدر) هالي مابغيتش البعلوكة شتي شي انجح وشي اخلص على نجاحو هاكيي
عطاني لفلوس غير   حطهوم فيدي وانا ندور كانشوف فعثمان شوفات البراءة فهمني وهو اجبد من جيبو 5000dh اخرى هنا انا طرت بالفرحة
عثمان: هاكي ا زين
انا:اللله احفظك العشير
انا: ادام عطيني ديك 10dh لعطاك بابا صباح
ادام: لا
انا :(قربت ليه لوذنو ) غاتعطيها ليا ولا نكول ليهم على  سيمانا ديال الغياب😉😊  وماتعيقش  لا تفضح  راسك
ادام: (بجهد باش اسمعوه كاملين) اه اختي نعطيها ليك ولكن الاسقطي فالباك غاترديها بالدوبل
انا خديتها وانا نخنزر فيه
انا: ماما خاصك تسولي على لغياب ديال ادام
نضت بزربا  و مشيت فحالي  خليت ادام مدهشر  مسكين 😲ههههه
مشيت  لدارنا لبيتي نيشان خبعت  الفلوس فواحد الصندوق دايراه  تحت الماريو ديالي  كنت جامعة فيه شي 100000dh فيما كانجح كاناخوذ فلوس ونخبيهوم تما زدت الحصيصة  ديال اليوم  وانا ندوز لناموسيتي نعس يالله غانغمض عيني حتا كايسوني تلفوني  جاوبت نيشان بلاما نعرف شكون
انا: الو
هو: مرا خرا لقا حسك خارجا ماعملاش سبنيا (الزيف)  ولا خارجا بالحوايج دقبايلا غاندم يماك سمعتيني اه  وماتبقاشي تسد الباب فوجهي لنهرس حسك
انا:  😕ماجدد منين جاتك نمرة  ديالي
ماجد : ولخاتم ديالك ديريه فصبعك واخا اكون خامج ولا مانقولكش شنو نعدل ابنت الناس بون نوي
تيت تيت تيت...
انا :(حيدت طلفون  من ودني وبقيت نشوف فيه ) الله استر مالو هادا حماق 😑
### بعد مرور سنة 
خارجة كانجري كنت غانتعكل الويلي ليوم الوطني وانا ناعسة مشيت كانطير  شديت طاكسي وصلني لليسي فالدقيقة90
دخلت بداو لينا بالفلسفةمع ختكوم  افلاطون  كلست فيها 2h عاد ساليت خرجت دوزت لمواد لخرين
دازو يومين طوال كلهم امتحانات  دوزت حمد الله مزيان ياللهه خارجة من اليسي حتا كانلقا ماجد كايتسناني فلوطو ديالو ركبت سلمت عليه بيدي 
ماجد: كي دوزتي مزيان
انا: حمدالله بليز واخا نمشيو لدار دغيا راني عيانا
ماجد: (عرفني ماباغاش نبقا معاه بزاف ) اوكي
علاقتنا ماشي حتال لهيه انا وياه ديما مخاسمين وماكانتافقوش ومادخلش ليا لخاطري كارهاه حيث هو انسان  متملك فرض عليا الحجاب وديما  كانلقاه حاظيني ولا تابعني وانا  كنت باغا ندير الحجاب بقناعتي و  رضى ديالي على قبل علاقتي بلي خالقني ماشي بسبب بنادم ونكون حرة و كولشي   كيثيق فيا ....
~~~~~~~☆المهم وصلنا  الدار هبطت وطلعت نيشان لبيتي مالقيت حد فالدار كولشي كايوجد لعرسي لي  ما بقا ليه غاشهراين وانا باقا  رافضة الزواج بصفة  نهائيا دخلت دوشت خرجت لبست بيجاما باردا ومشيت   قفلت  بيتي وانا نتكا كانفكر فمستقبالي   وحياتي لغايضيعو بصح ماجد خدام مهندس فاسبانيا بدارو و كولشي ولكن مايصلاحش ليا نهائيا انسان متملك ... انا كنفكر حتا كاتصوني ليا توأم روحي
انا:الو   وي وجدان
وجدان: مالك  انيهاد عمرني شفت شي عروسة مفرحاناش حتال ليك نتي
انا: وجدان انا صافي عيت والله  ماكرهتش نهرب  لشي  بلاصة مافيها حتا واحد من عائلتي
وجدان: اوعدي واش نتينا بعقلك اصحبتي حشومة عليك فكري  فعائلتك كي غايوليو بين الناس وبالاخص هدرت الناس والمدينة صغيرة و اصلا نتينا بنتهم الوحيدة
انا: صافي اصاحبتي خليني عليك  دابا يالله باي غانمشي ننعس .تيت تيت تيت
بقيت كانبكي راسي حتا نعست
#اصبحنا واصبح الملك للله
فقت كانشوف الساعة لقيتها 5:00 ديال  لعشية دنهار لاخور
انا: اولي واش كنت مغيبا ولا شنو
نضت درت   روتيني و صليت نهاري   و نزلت  لقيت الدار خاوية تاني دخلت لكوزينة درت ليا ماناكول وانا ناكل حتا شبعت طلعت لبيتي وانا نهز البيسي ديالي دخلت لايميل ديال هيا تبان ليا ديك المنحة لاش صيفط شحال هادي ردات عليا دخلت وانا نلقاهم قبلوني تما طرت بالفرحة بقيت  كانقز فوق ناموسية بالفرحة ولقيت بلي جاتني  منحة فيها التامين و خلصة و دار و مدرسة الطب فلندن و طنوبيل للمواصلة و  الدار غاتكون مع البنات كلشي على حسابهم الا تذكرة السفر انا بقيت كانضحك و فرحانة   ويالله هزيت التيلفون نقولها لوجدان وانا نتفكر بلي خاصني نسيفط ليهم الباك ديالي عاد باش غاندير شي اجراءات صحية فالرباط عاد نمشي و انا   نجلس فالارض و بديت كنبكي منين تفكرت بلي زواجي من بعد شهرين و نهار عرسي هو اخر اجل ديال المنحة و خصني نكون فلندن قبل بنهار من التاريخ المحدد فالمنحة  فديك اللحظة  بديت كانبكي بهيستيرية حتا دخلات عندي ماما ومنين  لقاتني بديك الحالة عنقاتني و بدات  كاتسكت فيا
ماما: الله على بنتي حبيبتي  و مالكي  كاتبكي بحال هاكدا ؛ انا بقيت  غا ساكتة
ماما: الله ابنتي قولي ليا مالك وما تبقايش ساكتة الله على كبيدتي قولي لي غير مالك
انا: (كنهضر و انا كانمسح فدموعي) والو اماما غير هئ هئ غير ماساخياش بيكم وا ماقادراش نبعد  عليكم
ماما: الله اعطيك خلعة   المصيبة خلعتيني عليك هئ هئ را نتي بنتي الوحيدة حتا انا غانتوحشك وماساخياش بيك ولكن هادي سنة الحياة
ناضت ماما خرجات  وانا نتكا فبلاصتي كانفكر شنو غادي ندير فحياتي وشنو نختار 
حتا كايفيقني من سهوتي  طلفوني كايسوني كان ماجد
ماجد: اهلان زين سونيت نقولك  يالاه نخرجو نعدلو شي شغول .........🙂