المملكة المنسية

قصة قصيرة ..المملكة المنسية

3\6\2009

لسه حلوة زي ما انتي يا اسكندرية ..

نطقها فارس عبدالرحمن الباحث و المؤرخ  ..عند وصوله الي محطة قطار الاسكندرية من القاهرة ..

بدا التسجيل في المسجل الصغير الموجود معه ..

انا فارس عبدالرحمن 25 سنه ..وحيد الام والاب .. متخرج من كلية الأداب جامعة اسكندرية قسم تاريخ .. اشتغلت فترة فالمتحف المصري في القاهرة ..

ومن فترة قصيرة ..وصلنا دليل ان في جماعة من الغواصين الي بينزلو بغرض السياحة لقو انقاض لسفينة حربية تحت شواطئ اسكندرية ..

لما بدا علماء الاثار يحققوا في الواقعة ..لقو انها موجودة هنا من سنة 356 قبل الميلاد ..و قالو انها يونانية ..والحقيقة ان دا تقريبا نفس زمن دخول الاسكندر مصر..

من سنتين وانا في سنه تالته في الكلية ..

كنت بقدم بحث عن مقدونيا ..الي جاي منها الاسكندر ..وانا كان عندي خلفية كبيرة عنه .. بس الي مكنتش اعرفه ان الاسكندر كان بعد كل غزوة بيعملها بيرجع لمقدونيا تاني ..يعين فيها ذكري من حضارة كل بلد بيغزوها..وكنت دايما عايز اعرف لو فيه حضارات غير الي سمعنا عنها ..دا كان قبل الميلاد واكيد كان في حاجات غريبة

انا سبت الشغل في المتحف امبارح ..وقررت ان ابدا رحلتي ..

الساعة دلوقتي 10:30 الصبح .. معادي مع علاء الساعة 12 الضهر ..

علاء ..غواص سكوبا محترف ومتخصص في الغوص السياحي ..دفعتي في كلية الأداب و نفس القسم كمان ..وهو الي كان نازل بالفوج الي لقو الاثر دا ..

يااه بقالي اكتر من سنة مجتش اسكندرية ..

يادوب اروح احط حاجتي في الفندق .. وانزل لعلاء ..

وصل فارس لفندق سيمارميس الموجود في محطة الرمل ..

تدق الان الساعة الحادية عشر و النصف ..

بدا رحلته لمقابلة علاء في نادي القوات المسلحة  ..

-ايه يابني ليك وحشة والله ..

-ما انت عارف لو مكنتش جبتلي خبر زي دا ..مكنتش جيت اسكندرية تاني بعد الي حصل في سنة التخرج .. قالها فارس بحزن ..

-يعم انت قلبك اسود اوي ..

-المهم انسي ..قولي لقيت ايه ..

-احنا كنا فاكرين هنلاقي كنز ولا حاجة زي حكايات ستي وستك .. بس شكلها كدا الموضوع اعقد بكتير ..

-عندك حق ..

الاسكندر لما دخل مصر .. رحبو بيه ..وهو الي عملهم اسكندرية ..مش منطقي ان يبقي فيه حطام من سفنه .

-طب وانت ايه عرفك ..انه دا من الاسكندر ..

-التاريخ يابو جهل شكل الغوص نسهولك ..